¹ Bulus, Sila na Timoty ii iklisiya kə Tassaloniyaucin i kunu Səku Afək na Məgəngyi Yeso Masipu. Herr na salam da dlaɓa na kun. ² Fatawanke ja sambarkata Səku gaɗa kun kakə mi jaa sana kun ii kunu Magita ja. ³ Ja tana tuman kun fatawanke ii kəma Səku Afək wa, na ngənpa kun kə ntau, na kanadi mpi aaro ii ɗa be mi aani ii kəmangu ii kunu Məgənyi Yeso Masipu. ⁴ Yaganaucin wara Səku ntutu, ja zəgana daura mi nda dlami kun, ⁵ gaɗa labar herr mi ja dedi kun ii kunu təlam rugara bai, amman ii kunu kərmai, ii kunu Nənuwa Səku, ii kunu taɓas tlapar ke. Kasən ke kwa zəgana ja zada ndawa tawan ii wita kun gaɗa kun ke. ⁶ Kwa dlaɓə na kun nda gugza na ja na ki Məgənyi, kakə mi kwa gənu təlam gu ii kunu kabine na kuno darik Nənuwa Səku . ⁷ Gaɗa kasən, kwa dlaɓə na kun bik gugza ii rik ndawa mak wara bari jirewa ii kunu Makidoniya na Akaya. ⁸ Atəro ramak Səku zada na rawanke dari kun, ii Makidoniya na Akaya rukshi bai. Ii sərən kasən, barik jirewa kun ii kunu Səku zadan gara ii rawanke. Gaɗa kasau, janci ja dlama rama ɗagi wam bai. Akshi ⁹ na aɗak shi a barik labar nii ja ii rii kun. Akshi aa rama zada məsta mi kwa dlamu darik garəm gaɗa kwa dlam nakwana ii Səku baci aaro na baci jirewa. ¹⁰ Akshi a ramau ma kwa zaga ni Wun Səku da dəsku, wara aci tlatlau da gadava ndawa wara gamtak. Aci ne Yeso, wara rra wa darik shitan Səku mi aye ni.