¹ Eco kanshi, icantanshi pali fyonse, nkomikonkomesha ukwebati ifyakwipusha, amapepo, ifya kulombela, ne fya kutotela ficitilwe abantu bonse. ² ku shamfumu na bonse abapelwa amaka, pakwebati twikale ubwikashi ubwakutekanya kabili ubwa mutelelwe muli bukapepa bonse no mucinshi. ³ Ici cabune kabili cakusekelelwa ku cinso ca kwa Lesa umupusushi wesu. ⁴ Ena afwaya abantu bonse ukupusuka no kwisa kukwishiba icine. ⁵ Pantu kuli Lesa umo, kabili kuli kawikishanya umo pakati kakwe Lesa na bantu, umuntu Kristu Yesu. ⁶ Aliipele umwine icilubula ca bonse, ici cali ubunte panshita iyakulinga. ⁷ Pamulandu wa ici nalisontelwe kabila kabili umutumwa - nkolanda icishinka, ntakobepa - kabili kasambilisha wa bena fyalo mu citetekelo na mucine. ⁸ Eco, nkofwaya abaume mu ncenda shonse balekupepa no kwimya amaboko yabo aya mushilo ukwakubulo bukali nangu ifikansa. ⁹ Munshila imo ine, abanakashi bafwale ifyakufwala ifiyene, mubufuke no kutekenya, beipulamikila imishishi iyalukwa, nangu ni golide nangu amabulungu ayakubeka nangu malaya ayakuluma umutengo, ¹⁰ lelo imilimo iyabune iyilingile abanakashi ababila ubwina Lesa mu milimo yabune. ¹¹ Umwanakashi asambilile tondolo no kunakila konse. ¹² Ntakosuminisha umwanakashi ukusambilisha nangu kuteka umwaume, lelo ukwikala mu mutalalila. ¹³ Ico Adamu ewabalilepo ukubumbwa, elo Efa. ¹⁴ Adamu tabepelwe, lelo umwanakashi abepelwe no kuwila muli bumpulamafunde. ¹⁵ Lelo, akapusukila mukufyala abana, umfwa batwalilila mu citetekelo no kutemwa no kushila pamo no mutima uwa kupetema.