¹ Eco, pakufilwa ukushipikishako, twatontokenye ukwebati cali cabune ukushala kunuma ku Atena fweka. ² Twatumine Timote, munyinefwe kabili umubomfi wa kwa Lesa mu mbila nsuma yakwa Kristu, ukumitungilila no kumikoselesha mwebo ukulosha ku citetekelo cenu, ³ pakwebati takuli na umo uwa kututuma kuli ifyo ifya bucushi. Pantu mwebo mwebene mwalishiba ukwebati kuli ifi eko twalingilwa. ⁴ Mucine, ulo twali nemwe, twali mwebele fye kabela ukwebati twali no kucushiwa, kabili cacitikile ifyo fine, ngefyo mwaishiba. ⁵ Pamulandu wa ici, nshinga kwata kabili ukushipikishako, nalitumine ukwebati ngishibe pa mulandu we citetekelo cenu. Limbi katunka epali ali mitunkile, no kubomba kwenu kwali ukwafye. ⁶ Lelo Timote alishile kuli fwebo ukufuma kuli mwebo no kutuletelako ilyashi lya bune pa mulandu wa citetekelo cenu no kutemwa. Ali twebele ukwebati lyonse mulakwata ukutwibukisha fwebo, kabili nga fintu mufuluka ukutumona ngefyo nefwe tufuluka ukumimona. ⁷ Pamulandu wa ici, ba munyinane, twali abateka imitima kuli mwebo pa mulandu wa citetekelo cenu, mu bucushi bwesu bonse no mucikilisha. ⁸ Pantu nomba tuli aba mweo, umfwa mwiminina abakosa muli Shikulu. ⁹ Pantu kutotela nshi tungapela kuli Lesa pali mwebo, pantu shonse nsansa isho twakwata ku cinso ca kwa Lesa wesu pali mwebo? ¹⁰ Ubushiku na kasuba tuba pepela sana na maka ukweba ati twinga mona ifinso fyenu no ku mifwaila ifikoshupa mu citetekelo cenu. ¹¹ Awe Lesa wesu kabili Tata umwine, na Shikulwifwe Yesu, balungamike nshila shenu ukufika kuli mwebo. ¹² Kabili Shikulu amwisushemo no ku mulenga mu cilemo mu kutemwa umo no munankwe no kulosha ku bantu bonse ngefyo na fwebo tucita kuli mwebo. ¹³ Enga koselesha imitima yenu pakwebati ibe iya kaele mu mushilo ku cinso ca kwa Lesa kabili Tata pakwisa kwa kwa Shikulwifwe Yesu pamo na ba mushilo bakwe bonse.