¹ Uyo onse uwacetekela ati Yesu ni Kristu afyalwa ukufuma kuli Lesa, Kabili uyo onse uwatemwa wishi alitemwa nomwana uwafyalwa kuli enaa. ² Ici ecalenga ukweba ati twishibe ati twalitemwa abana bakwa Lesa: Ngatukotemwa Lesa nokubaka amafunde yakwe. ³ Pantu ukuekutemwa kwakwa Lesa: Ukwakuti tulekusunga amafunde yakwe. Na mafunde yakwe te yakwafya. ⁴ Pantu uyo onse uwafyalwa kuli Lesa alacimfya icalo. Kabili ekucimfya ukwacilamo nekotucimfishako icalo, cicetetekelo cesu. ⁵ Ninani uyo uucimfya icalo? Ni uyo uwacetekela ukutila Yesu mwana wakwa Lesa. ⁶ Eumo uwaishile ku menshi na kumulopa: Yesu Kristu. Taishilefye kumenshi yeka, lelo naku mulopa. Umupashi eumo uushimika ubunte, pantu umupashi ecine. ⁷ Pantu fyaliba fintu ifipela ubunte: ⁸ Umupshi, amenshi no mulopa. Ifi fintu fyaliba mukusuminishanya. ⁹ Nga twapokelela ubumte bwa bantu, ubunte bwa kwa Lesa bwalicilapo. Pantu ubu ebunte bwa kwa Lesa ubo a sokolola ukukuma umwana wakwe. One uukocetekela mumwana wakwa Lesa alikwete ubunte mu mwine eka. ¹⁰ Onse uutakocetekela Lesa akomulenga umwine uwa bufi, pantu tacetekela mu bunte ubo Lesa atupa ubwapamwana. ¹¹ No bunte ni ubu; Lesa alitipa umweo wamuyayaya, no mweo wakwe waliba mu mwana wakwe. ¹² Onse uukwete umwana alikwete umwana wa kwa Lesa takwetepo mweo. ¹³ Nkolemba kifi fintu pakuti wishibe ukweba ati uli kwete umweo wamuyayaya kuli webo uukocetekela mmwishina lya mwna wakwa Lesa. ¹⁴ Kabili, ili esubilo twakwata muli ena, ukweba ati umfwa tukolombela akantu mwishina lyakwe ukulingana no bufwayo bwakwe, akotumfwa fwebo. ¹⁵ Kabili, umfwa twalishimba ukweba ati alatumfwa fwebo - conse ico tukomwipusha - tulishibile ukweba ati tulikwete conse ico tumwipwishe. ¹⁶ Onse uwamona uwabwananyina akobembuka ulubembu ulo ulutatwala kumfwa, alingiile apepa, na Lesa akomupa umweo. Nkolanda kuli abo ulubembu lutatwala kumfwa. Kuli ulubembu ulutwala kumfwa; Ntakolanda ati alilingile ukupepela pali cena. ¹⁷ Fyonse ifitalungana lubembu, lelo kuli imembu ishitatwala kumfwa. ¹⁸ Twalishiba ukweba ati onse uwafya lwa kuli Lesa tabembuka. Nomba uyo uwafyalwa kuli Lesa alasungwa bwino, na babifi tekuti bamusanse. ¹⁹ Twalishiba ukweba ati twafuma kuli Lesa, kabilitwalishiba ati necebo conse catekwa mumaka ya mubifi. ²⁰ Nomba twalishiba ukweba ati umwana wakwa Lesa alisa no kutupa ukwishiba pa kweba ati tumwiishibe uwaacishinka.Nakabili, tuliba muli ena uwacishinka, mu mwana mwaume wakwe Yesu Kristu. Uyu e Lesa wacishinka kabili emweo wamuyayaya. ²¹ Mwebana, mulekuiisunga ukutalukako kutulubi.