¹ Mwebatemwikwa, mwilakusumina umupashi uuli onse. Lelo, mulekwesha imipashi ukumona nga ifumine kuli Lesa, pantu ba kasesema babufi abengi balile mukati ke sonde. ² Na muli uyu musango muli nokwishiba umupashi wa nushilo - umupashi onse uulumbula ukweba ati Yesu Kristu alisa mu mubili ninhsi wafuma kuli Lesa, ³ kabili umupashi onse uutalumbula ukweba ati Yesu afumamkuli Lesa. Uyu emupashi wa kwa mukanya Kristu, uo mwaumfwa ukweba ati akoisa, kabili nomba ali na mwi sonde neliline. ⁴ Mwebo mwafuma kuli Lesa mwebana, kabili mwalibacimfya, pantu uwaba muli mwebo mukulu ukucila uwaba mwi sonde. ⁵ Bena bafuma mwi sonde; economba nefyo balanda fya mwi sonde kabili ne sonde lilabomfwa. ⁶ Fwebo twafuma kuli Lesa, onse fye uwaishiba Lesa alomfwa kuli fwebo. Ena uyo uutafuma kuli Lesa tompfwa kuli fwebo. Nefi tuleshiba umupashi wa cishinka kabili no mupashi wafilubo. ⁷ Mwebatemwikwa, lekeni tulekutemwana umo no munankwe, ico ukutemwa kwafuma kuli Lesa kabili onse uulecita ukutemwa afyalwa ukufuma kuli Lesa kabili alishiba Lesa. ⁸ Umuntu uutaba na kutemwa taishiba Lesa, pantu Lesa kutemwa. ⁹ Pa mulandu uyu ukutemwa kwkaw Lesa kwa sokololwa muli fwebo, ukwebati Lesa alitumine umwana mwaume wakwe eka mwisonde ukwebati fwebo tube no mweo pamulandu wakwe. ¹⁰ Namulifi emuli ukutemwa, tekwebati twalitemenwe Lesa, lelo ukuwebati ena alitutemenwe fwebo, kabili kwebati alitumine umwana mwaume wakwe ukuba icikonsolwelo ca mweo panulandu wakwe. ¹¹ Mwebatemwikwa, nga Lesa alitutemenwe fwebo, nfwe tulekutemwana umo no munankwe. ¹² Tapatalanda uwamona Lesa nga fwebo tulitemenwe kutemwa kwakwe kulipwililike muli fwebo. ¹³ Pali fi fwebo twalishiba ukwebati twalikalila muli ena kabili ena muli fwebo, pantu alitupeleko nefwe umupashi wakwe. ¹⁴ Kabili, fwebo talimona no kupa bunte ukwebati Lesa alitumine umwana mwaume ukuba umupusushi wa calo. ¹⁵ Onse uulumbula ukwebati Yesu mwana mwaume wa kwa Lesa, Lesam aikalilila muli ena nankwe muli Lesa. ¹⁶ Kabili, fwebo twalishiba nokusumina ukutemwa uko Lesa atukwatila fwebo. Lesa kutemwa, kabili onse uwikalilila muli uku kutemwa ekalilila muli Lesa, kabili Lesa aikalilila muli ena. ¹⁷ Pamulanfu waice, uku kutemwa kwalilenga ukufikapo muli fwebo, ukwebati fwebo twikaba nakutwishika pa bushiku bwa bupingushi, pantu ifyo aba, nefwe efyo twaba muli ili sonde. ¹⁸ Tamwaba mwenso mukutemwa. Lelo, ukutemwa ukwafikapo kutamffya umwenso kunse, [antu umwenso walingilwa ukulimunwa. Lelo uwaba no mwenso ena talengwa ukupwililila mu kutemwa. ¹⁹ Tucita ukutemwa pantu Lea alitutemenwe intanshi fwebo. ²⁰ Ngo umuntu aeba ati, "Nebo nalitemwa Lesa" lelo apata wabo, ena ninshi wabufi. Ico uutakwata kutemwa wabo, uo amona, tekuti atemwe Lea, uo ena tamona. ²¹ Kabili, ili efunde ilyo twakwata fwebo ukufuma kuli ena: Onse uwatemwa Lesa afwile kabili akotemwa na wabo wakwe.