¹ Cilya icaliko ukufuma mukutendeka - ico twaumfwile, ico twamwene na menso yesu, ico twaloleshepo kabili na maboko yesu yalikete - ukukuma kucebo ca mweo. ² Nakabili, umweo walilengelwe ukwishibikwa, kabili twaliumona no kupelapo ubunte. tulebilisha kuli mwebo umweo wa muyayaya, uyo uwali na Tata, kabili uwalengwa ukwishibikwa kuli fwebo. ³ Cilya ico twamwene no kumfwa tulelanda nafwebo kuli mwebo, ukwebati na mwebo mukakwata isenge na fwebo. Isenge lyesu lyaba na Tata no Mwana wakwe, Yesu Kristu. ⁴ Nakabili tulelemba ifi fintu kuli mwebo pakweba ati icongwe cesu cingaba icapwililika. ⁵ Iyi embila iyo twaumfwa ukufuma kuli ena kabili balebilisha kuli mwebo: Lesa lubuto, kabili muli ena tamwaba imfifi nangu pamo. ⁶ Umfwa twalanda atuti twalikwata isenge nankwe kabili mukoendela mumfifi, tulebepa kabili tatulecita icine. ⁷ Lelo umfwa twaenda mu lubuto, tulikwete isenge umo no munankwe, no mulopa wakwa Yesu Umwana wakwe ulatuwamya ukufuma kulubembu lonse. ⁸ Umfwa twalanda ati tatwakwata lubembu, tuleibepa fwebene, kabili ne cine tacaba muli fwebo. ⁹ Lelo umfwa twayebelela imembu shesu, ena wacishinka kabili wamulinganya ukutwelela imembu shesu kabili nokutuwanya ukukanalungama konse. ¹⁰ Nga twatila tatwabembuka, tulemupanga ukufuma uwaba kabepa, kabili necebo cakwe tacaba muli fwebo.