¹ Mwebana, Nembele ifi fintu kuli mwebo ukutila mwibembuka. Lelo nga umo abembuka, natukwata ndubulwila uuli na wishi, Yesu Kristu, uyo eka uwaba uwalungama. ² Kabili ena ecikonsolwelo pa fya lubumbu lwesu, elo tapali ifwe fweka, lelo kabili ne sonde lyonse. ³ Twalishiba ukutila twaliba aba mwishiba, nga twasunga anafunde yakwe. ⁴ Nga umo alande "Naishiba Lesa"nomba takosunga ena amafunde yakwe wa bufi, elo ne cishinka tamwaba muli ena. ⁵ Lelo onse ukosunga icebo cakwe, muli ena icine ukutemwa kwa kuli Lesa kwa lifishiwapo. Muli ici ematwaishibila ukutila twaba muli ena: ⁶ Onse utila ukuti aikala muli Lesa afwile umwine nao ende nge fyo umwine aendele. ⁷ Mwebatemwikwa, nshikolemba ayapya amafunde kuli mwebo, lelo yalyo ayakukale amafunde yalya mwebo mwakwete ukufuma ku kutendeka. Aya kale amafundeala e cebo cilya mwaumfwile. ⁸ Nomba nkolemba ayaoya amafunde kuli mwebo, ayo aya cine muli Kristu elo na muli mwebo pantu imfimfi ilepita, elo ne cine ca lubuto kale fye na cibutisha. ⁹ Nga umo akolanda ukutila ali mulubuto elo apata munyina ni nshi ali mumfimfi na nomba. ¹⁰ Lelo ummo uwatemwa wabo aikalilila mu lubuto kabili ta kwaba ica ku punwisha muli ena. ¹¹ Lelo umo uwa pata wabo aikala mu mfimfi kabili enda mu mfimfi, taishiba noko akoya pantu ne mfimfi yashibatika ena amenso. ¹² Nembele kuli mwebo, mwebana, pantu mwebo ulubembu na lwelelwa pa mulandu we shina lyakwe. ¹³ Nembele kuli mwebo batata, pantu mwalishiba umo uyo uwaba ku kufuma ku kutendeka. Nembele kuli mwebo abalumendo, pantu mwebo mwacimfya aba bifi, Nembele mwebo, abana mwebo mwaishiba Tata. ¹⁴ Nembele mwebo batata, pantu mwaishiba umo uyo ukufuma na ku kutendeka. Nembele kuli mwebo abalimendo, pantu mwebo muli bakukosa, elo ne cebo cakwa Lesa caba muli mwebo, elo mwebo mwalicimfya umu bifi. ¹⁵ Mwitemwa pano isonde, nangula ifintu ifyaba muno isonde nga umo atemwa isonde, ukutemwa kwa kuli Tata tamuli muli ena. ¹⁶ Pantu fyonse ifya pano isonde - lunkumbwa lwa mubili, lunkumbwa lwa menso, kabili amataki ya kikalile tecintu ca kufuma kuli Tata lelo ca kufuma pe sonde. ¹⁷ Lelo isonde kabili fya kufwaya fyaliko fi kopita. Nomba ena ukocita icaba ukufwaya kwakwa Lesa akekalilila umuyayaya. ¹⁸ Mwebana, nomba ni ku nshita ya ku kulekelesha. Nga fintu mwaumfwile ukutila ati mukanya Kristu ako isa, nomba abengi aba mukonya Kristu na besa. Muli ici twishibilamo ukutila ni ku kulekelesha kwa nshita. ¹⁹ Eico bali fumine kuli fwebo, lelo tabafumine muli fwebo, Nga cakutila bali aba kufuma kuli fwebo nga ba likele na fwebo. Nomba ilyo bafuminemo, cikolanga ukutila taba fumine muli fwebo. ²⁰ Eico mwebo namukwata ubusuba ukufuma ku wasubwa, kabili mwebo bonse mwali cishiba. ²¹ Nsha mulembele mwebo pantu mwebo ta mwaishiba icine, lelo pantu mwebo mwalicishiba kabili no ubufi ta bufuma mu cine. ²² Ninanio uwa bufi lelo kano umo ukokana ukutila Yesu ni Kristu? Ico uyo muntu emukonya Kristu, pakutila akokana ena Tata kabili no mwana. ²³ Takuli nangula umo uukokana ena umwna akwata Tata. Eico onse uumusumina umwana ena alikwata Tata. ²⁴ Lelo palwa mwebo, lekeni ifyo mwaa umfwile pokutampa lekeni fibelele muli mwebo. Na mwebo bene mukabelelela mu mwna na muli wishi. ²⁵ Ifi fine afilayo apele kuli fwebo - umweo wa muyayaya. ²⁶ Nembele ifi fintu kuli mwebo pali abo abakofwaya ukumitungulula ku kuluba. ²⁷ Nomba kuli mwebo, icisubo ici mwebo mwasubilwe ukufuma kuli ena caikalilila muli mwebo, kabili ta mukofwaya uuli onse ukusambilisha mwebo. Lelo ubusubo bwakwe bwamisambilishe mwebo fyonse kabili fya cine kabili tafili fya bufi, kabili nge fya mwa sembilishiwe, kale muli ena. ²⁸ Nomba mwe bana, ikalilileni muli ena pakutila iyo ilita akamoneka tu kakwate ukupama lelo twi kakwata insoni kuli ena pa kwisa kwakwe. ²⁹ Nga mwebo mwalishiba ukutila mulungami nokwishiba ukuti uuli onse uucita ica kulungama ninshi alifyalwa kuli ena.