¹ Ti ku Shakkloo an tat, ka dau diyoo ti Cana ye ti Galili, Nonno Yeesho ka te ti po terei. ² Yeena Yeesho kan me an shuranni we war fok dau diyoi. ³ Koddinee ye meni wilaro, Nonno Yeeshon tewon ti shii, "A kan men ta shinuim." ⁴ Yeeshon liginon ti tei, "Pomun, shi wanna shignoi yeen? dang koddinoi yum." ⁵ Nonee in tewon ti me an shurannii, "Maa wee ye tegama ding, ma yu." ⁶ Pene ka digre shela paragbanang ye ti deron doo we ya waar Yahudawa koddi fuduro we, koo shire ti shari diye Palau koo tat. ⁷ Yeeshon tewon ti shinee, "Ma kemro digre dooi ka mang doo." In kemron dooi ta shinui fovoj-fovoj. ⁸ Nang in tewon ti me an shurannii, "Ma duwa ma warin ti mo an toomi." In duuna ta shinui. ⁹ Bara ye an toom diyoi naga doo ye shigoro meni, shii a peno pirinee ye pennanum(pene me an shurannii ye duuna dooi Pena). Nang in yee an diyoi ¹⁰ in tewon ti shii, "Koo nong ti minii men yen deni ka toom in beron bi ka yee denum mi koddi koo nong kengheni.Pene ke danghan yen deni bi ding wende." ¹¹ Tenei we maam an dok ye Yeesho yuwa ti Cana ye ti Galili, in shug shoomni, me an shurannii in kumi kan shii. ¹² Ka bi wete Yeesho, noni, ma moloni, kan me an shurannii in warju Kaparnaum in la shagilla ti po tere. ¹³ Bara ye koddi peewe teelani ta we Yahudawa yuwaaro,Yeeshon ammo Urshalima. ¹⁴ Shii in we me an piplani ka tangka kan dinnyi kan bakri ti ta mina Yamma, me an pairo ku kine ka shinu ti poo teere. ¹⁵ Nang in jam fwaala we biro-biro in kajiyon shinii ding ti ta mina Yamma, kama me an dinnyi kan tangkai. In wakyo ta kine me an pairo ku kinei kan danglai ding. ¹⁶ Ti me an piplo we ka bakri in tewon ya, "Ma pepron ka we te ti po lee. Ma wejo shiwon minano Fono po piplo wei." ¹⁷ Me an yiu shubetnii in nyimmina ya ballai balli," Leu minako ta kurno." ¹⁸ Nang me an toom Yahudawa in liginnon ti shii ya, "Ke ta shukmui we maam wen, ye ke ti ya peen we tei ya?" ¹⁹ Yeeshon dewina, "Ma vuuro mina Yamma te, ti ta shaklo tat ne ta dig bi." ²⁰ Me an toom Yahudawa in liginno ya, " Digo mina Yamma ye ti ta sheno noo-peereu kan paragbanang, ka ke ta dig bi ti shakki shaklo tat?" ²¹ Pene, mina Yamma ye shii ti sheero piri lo-shikni. ²² Ka bi ye shokraa shii ti ta duwoo, me an yiu shubet nii in nyimmina ya shii teka we te, shinee in kumi ka paaro Yamma kan paaro ye Yeesho tekai. ²³ Wende kaa ye shii ti Urshalima ti ku ya temre teelanii, memme gbe in kumi kan shommonii in weiyo shik we maam ye shii yuwa. ²⁴ Pene Yeesho a kum kan shinuim longku ye penaa shinui ding, ²⁵ Longku shii a lewo mondok in jimro niyom, Longku peena ta shii we ti ta la-niyo.