¹ Sono Bowazi wakaluta pa chipata na kukhala pasi kwene kula.Mwalubilo,babale bake bapafupi abo Bowazi wakayowoya bakiza,Bowazi wakati iye,"Munyane,zanga kuno ukhale pasi apa."Munthu yula wakiza nakukhala pasi. ² Ntheura Bowazi wakatola banalume khumi balala ba mumuzinda ndipo wakati."ntheura bakakhala pasi. ³ Bowazi wakati ku babale bake bapafupi,"Naomi,uyo wawela kufuma ku chalo cha Moabu,wakugulisa katundu icho ni chalo icho chikaba cha mubale withu Elimeleki. ⁴ Naghana-ghana za kumujulani makutu yinu nakuyowoya kwa imwe,'Yagulani malo pamaso ya bose abo balikhale pano,na pamaso ya balala-balala ba banthu bane.'Usange mukukhumba kuyagula ,yagulani.Kwene usange mukukhumba chara kuyagula,ntheura niphalirani,mwakuti nimanye,pakuti kulije uyo wangayagula padela pa imwe,nakuti nane nkhumulondezgani."Ntheura mwanalume munyake wakati,"Ine niyagulenge malo." ⁵ Ntheura Bowazi wakati,"Pa zuba ilo uzamukugulira munda kufuma mu woko la Naomi ukwenera kutolaso Lute mwanakazi wa ku Moabu,chokolo cha mwanalume wakufwa,mwakuti zina ya wakufwa yileke kumala pa chihalo chake." ⁶ Ntheura mubale wake wapafupi wakati,"Ningajigulira ine nekha chara malo kwambula kunanga chihalo chane.Utole danga yakujigulira iwe wekha,pakuti ine ningayagula chara," ⁷ Sono ili ndilo likaba dango mu nyengo zakale mu Isirayeli kukhwaskana na kugula na kusinthana kwa katundu.Kuzomelezga vinthu vyose,munthu wakavula skapato zake na kuzipereka ku muzengezgani wake,'iyi ndiyo yikaba nthowa yakuzomelezgelanamo mu Isirayeli. ⁸ Ntheura babale bake bapafupi wakati kwa Bowazi,"Jigulile iwe wekha,"ndipo kwakavula skapato zake. ⁹ Ntheura Bowazi wakati kwa balala balala na ku banthu bose,"Mulibakaboni lino kuti nagula vyose vya Elimeleki na vyose ivyo vikaba vya Kiliyoni na Maloni kufuma mu woko la Naomi. ¹⁰ NaLute mwanakazi ula kuchalo cha Moabu,mwanakazi wa Maloni,namutola kuba muwoli wane,mwakuti zina yileke kumala ya munthu wakufwa pa chihalo chake,mwakuti zina lake yileke kudumulika kufuma pakati pa babale bake na kufuma pa chipata cha malo yake.Zuba yalino ndimwe bakaboni bane!" ¹¹ Banthu bose abo bakaba pa chipata na balala balala wakati,"Tilibakaboni.Lekani Yawe uyo wazomelezga mwanakazi kwiza munyumba yako wabe nga ni Lakelo na Leya,babili abo bakazenga nyumba pa Isirayeli,'nakuti alekani musambazge mu Efrata na kumanyikwa mu Betelehemu. ¹² Alekani nyumba yako yibe nga ni nyumba ya Perezi,uyo Tama wakamubabira Yuda,kupitira mu mphapo iyo Yawe wakupenge kupitira mu mwanakazi uyu muchoko." ¹³ Ntheura Bowazi wakatora Lute,nakuti wakaba muwoli wake.Wakanjira mwa iye,ndipo Yawe wakazomerezga kuti wabe na pakati,nakuti wakababa mwana mwanalume. ¹⁴ Banakazi bakati kwa Naomi,"Lekani Yawe watumbikike,uyo wandakuleke lino kwambula mubale wapafupi bonda uyu.Alekani zina lake libe lakumanyikwa mu Isirayeli. ¹⁵ Lekani wabe kwa iwe nga nitambala mu umoyo na wakukusanguluska mu uchekulu wako,pakuti mukamwana wako,uyo wakukutemwa iwe,uyo wali makola kwa iwe kuluska bana banalume bankhondi na babili,wamubabira iye." ¹⁶ Naomi wakamutora mwana,nakumugoneka muchipakato chake,nakumupwelelera iye. ¹⁷ Banakazi bazengezgani bakamupa zina,kuyowoya kuti,"Mwana mwanalume wababika kwa Naomi."Bakamuthya Obedi.Iye wakaba wiske wa Yese,uyo wakaba wiske wa Davide. ¹⁸ Sono abo ndibo bakaba ba mumphapo ya Perezi wakaba wiske wa Hezironi, ¹⁹ Hezironi wakaba wiske wa Ramu,Ramu wakaba wiske wa Aminadabu, ²⁰ Aminadabu wakaba wiske wa Nashoni,Nashoni wakaba wiske wa,Salimoni, ²¹ Salimoni wakaba wiske wa Bowazi,Bowazi wakaba wiske wa Obedi, ²² Obedi wakaba wiske wa Yese,ndipo Yese wakaba wiske wa Davide.