¹ Naomi,amama bake vyala,bakati kwa iye,"Mwana wane mwanakazi,Kasi ningakupenjela yayi malo kuti upumule,mwakuti vinthu vikuyendele makola iwe ? ² Sono Bowazi,munthu uyo basungwana bake banchito abo wanguba nabo,Kasi ngwa munyumba yithu yayi?Ona,usiku uno wamukuuluska tiligu pamalo yakuphwanthilapo tiligu. ³ Ntheura sono,jigegiske wekha,ujiphakazge wekha,uvwale vyakuvwala viwemi,nakuti ulute kumalo yakuphwanthila tiligu.Kwene ukaleke kujimanyiska ku munthu uyu kufikila wamale kulya na kumwa. ⁴ Kwene usange wagona,ukamanye malo ayo wamukugonapo mwakuti paumalilo ulute kwa iye,ukabenekule ku malundi yake,nakugona kwenekula.Ntheura wamkulongosola iye chakuchita." ⁵ Lute wakati kwa Naomi ,"Nichitenge vyose ivyo mwayowoya." ⁶ Ntheura wakaluta kumalo yakuphwanthila tiligu, nakuti wakalondezga dango la amama bake vyala ilo bakamupa iye. ⁷ Apo Bowazi wakati walya nakumwa nakuti mutima wake ukaba wakukondwa,Iye wakaluta kuyakagona apo pakaunjikika tiligu.Ntheura wakiza mwakufewa, nakubenekula kumalundi yake,nakugona. ⁸ Chikachitika kuti pakati pa usiku kuti munthu uyu wakazizwa. Iye wakazgoka,nakuti kukaba mwanakazi uyo wakagona kumalundi yake ! ⁹ Iye wakati,"Ndiwe njani?" Iye wakazgola,"Ndine Lute,mutebeti winu mwanakazi.Dikhiskani chidikho pa mutebeti winu mwanakazi,pakuti uli pafupi na bamunyumba yako." ¹⁰ Bowazi wakati,"Mwana wane mwanakazi,lekani ube wakutumbikika na yawe.Wachita chisungusungu chiwemi kuluska chakwamba,chifukwa unda londole munyamata waliyose,kwali ngwa kusambazga panji mukavu. ¹¹ Sono,mwana wane mwanakazi, ungaopanga ! Nikuchitilenge vyose ivyo uyowoye, pakuti musumba wose wa banthu bane ukumanya kuti ndiwe mwanakazi wakwenelela. ¹² Niunenesko nadi kuti nili wa munyumba yimoza,kwene kuli wamunyumba wa pafupi chomene kuluska ine. ¹³ Khala kuno usiku uno,nakuti machechelo,usange wakuchitile ivyo vikupenjeka kuba wa munyumba,nchiwemi,lekani wachite vyakukhumbikila kuba nga ngwamunyumba.Kwene usange walekenge kuchita umo wakupenjekela wa munyumba kwa ine,ntheura ine nichitenge,kupitila mu umoyo wa Yawe.Gona kufikila machechelo." ¹⁴ Ntheura wakagona kumalundi yake kufikila machechelo.Kwene wakauka pambele waliyose wangamanya munyake chala.Pakuti Bowazi wakati,"leka kuti chileke kumanyikwa kuti kwangwiza mwanakazi kumalo yakuphwanthila tiligu." ¹⁵ Ntheura Bowazi wakati,"Zanacho chihengo chako nakuti uchikolelele."Apo wakati wachita ntheura,iye wakapima mupimo unkhondi na yumoza wa tiligu mwene mumo nakubika katundu pa iye.Ntheura wakaluta mu musumba. ¹⁶ Apo Lute wakati wiza kwa amama vyala bake,bakati,"wanguchita uli,mwana wane mwanakazi?"Ntheura Lute wakamuphalila vyose ivyo munthu uyu wakachita kwa iye. ¹⁷ Iye wakati,"Iyi tiligu yakupimika yinkhondi na chimoza ndivyo wanipa,pakuti wanguti;Ungalutanga kwambula kanthu kwa mamavyala bako." ¹⁸ Ntheura Naomi wakati,"Khala kuno,mwana wane mwanakazi;kufikila umanye makani ayo yafumengepo,pakuti munthu uyu wapumulenge chala mzire wamalizge chinthu ichi lino."