¹ मा पावुहू गौरवाकीपोरालो प्रभु येशू ख्रिस्तावे विश्वास थोवणारे तुमा भेदभावा की वागा नाहा. ² काहाका तुमा मोंडली मे अेगोहो होणा अंगठी पोवणारो हारे नोवे कोपडे पोवीन आलो आणे तीही मोलाले (जुने) कोपडा मे अेगोहो गोरीब बी आलो. ³ ते हारे नाेवे कोपडे पोवला माहा होवे तुमा मानपानाकी वेअेता आणे तियाले आखता का ईही हारा जागावे बोहो आणे गोरीबाल आखताहा तु तीही उबो रेअे नेते इही माआ पागाही बोहो. ⁴ ते तुमा आपसामे भेद (जुदा) थोवता हा आणे खाराब विचार केनारा (न्यायादिश) गोठ्या मुळणारा वेअेता हाने? ⁵ माआ मोयाला पावहू, उनाया देवाम जगामे जे गोरीब हाय त्याहाले विश्वासामे मोठो वेरा आणे जे त्यावे प्रेम (मोया) केअता तीहाले तियाये जीयाआ वचन देदलो हाय तीया (प्रभु) राजामे वारीस वेरा निवडुले हाय का नाहा? ⁶ पेण तुमा गोरीबाने कोमी होमजुले हाय जे श्रीमंत हाय ते तुमा वोखो देखावना आणे कोर्टाम खेचीली जा ता हा कानाहा. ⁷ आणे तुमाले जो हारो नाव ख्रिस्तामे मिललो हाय त्या हारा नावा आ निदा केअेता नै का? ⁸ खेराखेर, “तु जेहेकी आपु वे तेहकीज आपु शेजाऱ्या वे मोया केअ” या शास्त्रलेखा मेनी राजमान्य नियम (बादाल खेरो पोट्यो अेहेडो नियम) नियम जर तुमा पुरो केअेता वेरी तरे तुमा हारो किई रियाहा. ⁹ पेण तुमा भेदभाव थोवता वेरी ते तुमा पाप केअता आणे नियमशास्त्राले (वचनाले) नैय माननारे गुणेगार ठेरवाता हा ¹⁰ काहाक केडोबी माहावु पुरो नियमशास्त्र (वचन) मा पालेहे आने ऐगोहो नियम की चुकवाये लेबी तो बांदाकी गुणेगार ठेरेहे. ¹¹ काहाका आखलो हाय का सिनालो केअहो मा त्यायेज आख्यो का खुन केअहो नाहा! आमी तु जर सिनालो केअयो नाहा, पेन तु खुन केअलो हाय ते तु नियमशास्त्र मे उमखालणारो वेअयो. ¹² तेबी स्वतंत्रता नियमाप्रमाणे जीया न्याय वेणारो हाय त्याआ आरी गोगजा आणे केरा. ¹³ काहाका जीयाये दया देखावी नाहा तीया न्याय दयाकी वेणारो नाहा आणे दया न्यायावे विजय मिलवेहे. देवाव श्रध्दा आन कार्य इयाव सुचना ¹⁴ माआ पावुहू ऐगोहो माआहु आखतो वेरी का "माआवे विश्वास हाय" पेण त्याआवे जर कृती नाहा तर त्याले कामा फायदो विश्वास त्याले तारी शक्ती का? ¹⁵ जर का ऐगोहा पावुहू उगाडो वेरी आणे ऐगोहो बोही उगडी वेरी आणे रोज्या ओना ओडचणीम वेरी. ¹⁶ आणे तुमामेनी केडो त्याहीले आखी का “शांती की जाे” हेकाय ल्या आणे ताराय ल्या पेण डेडी केअता लागणाऱ्या गोठ्या जर तुमा पुरूवता नाहा ते काय फायदो? ¹⁷ काहाका कृतीशिवाय विश्वास निर्गोव आहे. ¹⁸ आमी केडो माआवु आखी का तुमाहामे विश्वास हाय आणे माआ कृती हाय तोओ कृती शिवाय तोओ विश्वास माल देखाव आणे आय माआ कृतीमेने माआ विश्वास तुले देखावे हे. ¹⁹ एकुजे देव हाये अेहेकी विश्वास तु तेअेतो का? पुथे सुध्दा विश्वास तेअेतेहे आणे थुरथुर कापतेहे. ²⁰ पेण मुर्ख माहावे कृती शिवाय विश्वास निरर्थक हाये ई तुले होमजा जोजे अेहेडी तोओ इच्छा हाय का. ²¹ आपु वडील अब्राहाम याये आपु पोयरो इसाहाक इयाले जाहा यज्ञवेदीवे अर्पन केअेयो ताहा तो कृती की नीतीमान ठेरव्यो नाहाका? ²² ओतो त्याया कृती बरोबर विश्वासाने केहेकी काम केअेयो आणी तीया कृतीमेने विश्वास पुरो वी गीयो ई तुले देखायो का? ²³ अब्राहामाये देवावे विश्वास थोव्यो आणे तो तीया होवे नीतीमान गोगाये गीयो ई आखणारो शास्त्रलेख पुरो वेअेयो आणे त्याले देवा हे गोठ्या आखामे आलो . ²⁴ ते तुमा ई वेअताहा का केडो माहावे एक विश्वास की नाहा पेण कृतीकी नितीमान ठेरेहे. ²⁵ तहेकीज राहांब वेश्येये जाहा जासुसाने कोओमे लेदा आणे बीहीरी वाटीकी मोकली देदा तेव्हा ती कृतीकी नीतीमान ठेरी नै का? ²⁶ काहाका जीया प्रमाणे आत्मा शिवाय शरीर निर्जीव हाय त्याच प्रमाणे कृती शिवाय विश्वास निर्जीव हाय.