¹ शेवटी मा पावुहूलाहा आमी मा आतोंज आखनु हाय आमा खातोर प्रार्थना केअजा जेहेकी तुमाहाम प्रभुंय काम केयो तेहेंकी प्रभु वचना माहरुज प्रगती वेरा जोजे आन महीमा वेरा जोजे. ² आन खाराब आने खोटा माहां इहीने आमा वाचाया जोजे काहाका बाठा लोक विश्वास नाहा केता, ³ पेन प्रभु विश्वासु हाय तो तुमाहान विशवसाम मोजबुत केरी आन तिया दृष्टआत्मा इहीने सांबाली , ⁴ तुमा बापतीम प्रभुम आमा एहेंडो विश्वास हायका आमा तुमाहान जो आकताहा तो तुमा मानतेहे आन आगाडी बी मानते रीहा, ⁵ तुमा मोन परमेश्वरा मोया वेल आन ख्रिस्ता सहनसेाकती वेल लागवा खातोर प्रभु तुमाहान मोदत केहे, ⁶ मा पावुहूलाहा आमा आपु प्रभु येशु ख्रिस्ता नावाहाकी तुमाहन हुकूम कीहू का जे लोक आलयाहा हाय आन आमाहाय हिकवुलया गोठ्या नि जुमानता नहा तियाबादा विश्वासी पावुहूला इहीने दुर रेजा. ⁷ आमा तुमा आरी आथेा ताहा जेहेंकी चालतुला तेहेकी तुमा चाला जोजे इ तुमाहान मालुम हाय तुमाने आथो ताह नीटवागुलो नैय आथो, काहाका आमा तुमा आरी खोटी रिती की नाहा चाल्या, ⁸ आन आमाहाय केडो पेन बी फुकट्यो मांडो नाहा खादो पेन तुमाहा मेने केडा प बी वोजो नेय पोडा जोजे, इया खातोर आमाहाय दिहीन रात काम धंदो केयोहो, ⁹ तेहेंकी आमाहान अधिकार नाहा ऐहेकी नाह पेन आमा जेहेंकी चालताहा तेहेकी तुमा बी चाला खातोर आमाहाय तुमाहन नमुनो देखावा ऐहेंकी केलो, ¹⁰ काहाका आमा तुमा आरी आथा ताहा बी आमाहाय तुमाहान हुकूम देदलो जीया माहाय काम केनु इच्छा नहा तियाय मांडो बी नेय खा जोजे, ¹¹ तेबी तुमाहाम खुबूज लो हारीरीती की हाय आन वाय बी काम नाहा केता , तेज बिहीरा कामाहाम आथे टाकीन खागावागा केताहा ऐहेंकी आमाहान मालुम पोड्योंहो, ¹² ऐहेंडा लोकाहान आमा प्रभु येशु ख्रिस्ता नावाकी हुकूम दिन होमजावीन आखताहा का तियाहय शांती रीतीकी काम कीन जावना रा खातोर सेाता कामकीन खा जोजे, ¹³ तुमा ता मा पावुलाहा हारो काम केनुम किदीहीज फाचडी मा होरकाहा. ¹⁴ इया पोत्रा मेने वचने जो कडो नय मानतो वरी तियाल ओखी लेजा , आन तियाल नाज आवां जोजे इयाखातोर तियाआरी मिलीन केउोज मा रीहा, ¹⁵ तेबी तियाल दुशमन होमजाहा नाहा पेन तो आपुज पावुहू हाय एहेंकी होमजीन तियाल होमजावीन हिकवुजा. ¹⁶ शांती देनारो प्रभु ओज बादी रिती की तुमाहान कायमुज शांती दे प्रभु तुमा बादांहा आरी रे. ¹⁷ आय पौल इ सालाम मा सोता आथा की लेखुहू ऐहेकी इ मा बादा पोत्राम निशणी हाय इयु रितीहीकी लिखतो रेतुलो. ¹⁸ आपु प्रभु येशु ख्रिस्ता कृपा तुमा बादाहा आरी रे.