¹ पावुहू काल आने समय या खातोर तुम्हाल काहीज लिखुलो गोरज नाहा ² काहाका तुम्हाले स्व:ताले पाक्को मालुम हाय का जेहकी राती बाड आवे तेहेकीज प्रभु दिही आवेहे. ³ शांती हाय सुरक्षितता हाय ऐहेकी ते आखतेहे ताहा रेहेला बाईल जेहेकी एकदम दुखलो सुरू वेअहे तियाहोच तिया एकदम नाश वेरी आणे ते निबाणारे नाहा. ⁴ पाहुवू त्या दिही आये बाठा होच तुम्हाले सापडावी अेहेकी तुमाआदाराम नाहा ⁵ काहाका तुमा बांदे उजवाडा आणे दिही या प्रजाहाय आपु रातीई आणे आंदारा नाहा ⁶ इयावेणे आपु बिहीराहोच हुवा नाहा जागते आणे सावद रेजा ⁷ हुवणारे राती हुवतेहे आणे पिणारे रातीई तार जोडवू तेहे ⁸ फाचे जे आपु दिहीआ हाये ते आपु सावध रेजा विश्वास आणे प्रिती अे उरस्त्राण ( छाती आरी) आणे तारण आशा अेशिरस्त्राण (मुनकारोप) पोवा जोजे. ⁹ काहाका आपुउपे क्रोध वेरा जोजे अेहेकी नाहा ते आपु प्रभु येशूख्रिस्त यावेणी आपुल तारण वेरी तियाहाल देवाय आपुले होपले हाय ¹⁰ प्रभु येशू ख्रिस्ता आपु केअेता या केअेता मोअयो का आपु जाहा का पायला रिअमा नेते मोअया तेबी आपु तियाआरी जीवते रिई. ¹¹ तिया खातोर तुमां एकबीहीराले होमजावा आणे एकबीहीराल उबो केरा इ तुमा केअेते बी हाय ¹² आणे पावुहू आमा तुमाले विनंती केतेहे का जे तुमामे कष्ट केतेहे प्रभुम तुमापे हाय आणे तुमाल गोठ्या केतेहे तियाहोवे लेजा ¹³ आने तियाहान तियाहा कामापेने प्रितीहीकी खुब मोडे होमजुजा आणे एक बिहीरा आरी शांतीहीकी रेजा. ¹⁴ आमी पावुहू आमा तुमाहाल गोठ्या आखताहा का जे हारे हाय तियाहान तुमा इशारो क्या, जे कोमजोर मोना हाय तियाहान धीर देजा, नोबले हाय तियाहान आधार देजा, बाद्दा आरी सहनशील रेजा ¹⁵ आने तुमा इ वेरा का केडो केडाल वाईटा एहेकी पोआद्याहा नाहा, पेन तुमाहाम एकबिहीरा खातोर ने बांद्दाहाखातोर जो हारो हाय तिया घेडघेडी फासला लागजा. ¹⁶ रातहदीही (सादाकादा) आनंद केजा ¹⁷ हरेकवेले प्रार्थना केजा ¹⁸ हरेक गोठीहोम उपकार मानजा काहाका तुमाखातोर ख्रिस्त येशू मे देवा इच्छा इज हाय ¹⁹ पवित्र आत्माल ओलाया नाहा द्याहा. ²⁰ संदेशा उपहास क्याहा नाहा ²¹ बांद्यी गोठीही पारखुजा जो हारो हाय तो पाक्यो ऱ्याआ. ²² खराबा प्रत्येक गोठीहीने दुर रेजा ²³ आने स्वताहा शांती देव तुमाहाल पुरो पवित्र केअे. आणे आपु प्रभु येशु ख्रिस्त इया आवुलो वेरी ताहा तुमा आत्मो, जीव आवो शरीर पुरो पवित्र रा जोजे. ²⁴ तुमाहाम जो गोगेहे तो विश्वासु हाय, तो इं केरिज. ²⁵ पावुहू माआ खातोर प्रार्थना केअजा. ²⁶ बादा पावुहूल पवित्र प्रितीकी नमस्कार आखा ²⁷ आय तुमाहाल प्रभु आज्ञा ऐहेकी आखु का, इ पत्रबाद्दा पावुहून वाची देखावी ²⁸ आपु प्रभु येशु खिस्त इया कृपा तुमा आरी रेअ आमेन.