¹ Acaz Jotan i̧tti̧ ru̧hua̧ ö̧ji̧nä̧ mo̧ro̧ Judanä, Jotam Uzia i̧tti̧ Judá ru̧hua̧ ji̧na̧'a̧, Rezin Aram ru̧hua̧ ki̧nö̧ Peka remalias i̧tti̧ Israelnä 'chi̧nä̧tö̧ Jerusalénra̧'a̧ rohuähuö ja̧'hua̧nö̧ ja̧'a̧ jȩpo̧co̧tö̧ pinätö̧. ² David ojudera̧'a̧ ji'ähuinätö̧ Aram'inä Efreín sotö'inä ttä̧ju̧cuo̧mȩnä̧ ttamiso'quinä'inä tti̧ä̧hui̧nä̧u̧ umöhuäyotö'inä tti̧'ä̧hui̧nä̧tö̧ dauhuiyä isoppa du'omenä tti̧ä̧hua̧'a̧'i̧nä̧ jä̧'i̧nö̧'a̧nö̧. ³ Ja̧'hua̧nö̧ ja̧'a̧ TÖ̧Ä̧NÄ̧HUA̧ Dios pä'inö: Isaíasrö täi cui̧tti̧mö̧cu̧ Sear Jazub ru̧hua̧ Acazrö to'cu'a ajesotta huäna beipome päjure tticuähuome. ⁴ Pä'inö ttoecuänä kä̧hui̧ cua̧'cua̧ tta̧cuȩcuä̧, pitömä ra̧huä̧rä̧tö̧ Rezim, Aram, Peka, Remalías i̧tti̧'i̧nä̧. ⁵ Ji'ähuirö Aram, Efraín, Remalías i̧tti̧'i̧nä̧, pitömä suronä jȩtta̧ pä'ö jä̧u̧mä̧ pä'ätö, ⁶ Juda ötahuiyä dottächi'a ttömä yettecui'äcuotö, do'ächi'äjätömä ka̧ra̧ ru̧hua̧rö̧ ttö̧ju̧nä̧cuo̧tö̧jä̧ Tabeel i̧tti̧rö̧. ⁷ Dios pä'ö ja̧'hua̧nö̧mä̧ 'cuäopö jiyäcua'a, ⁸ Aram ja̧'a̧ umä Damasco ja̧'a̧, Damasco Umä Rezin ja̧'a̧ sesenta y cinco a̧'ȩ jä̧cuȩ Efraín sotömä totte'ächäcuotö. ⁹ Efraín umä Samaria ja̧'a̧, Samaria umä Remalias ja̧'a̧ ucumä 'quiyönä kä̧hui̧ cua̧'cua̧ huȩnä̧rö̧ cu̧jä̧cua̧'a̧ jö̧ttö̧mä̧ 'quiyönä ko̧cö̧jä̧. ¹⁰ Ö̧ä̧hua̧ Dios pä'pjita'anö ucuocuinö ru̧hua̧ Acazrö. ¹¹ Jä'epi Cu̧ä̧nä̧hua̧ Diosrö uhuähuocö juäi'inä pi̧jä̧ rȩjȩ dea'a ahuä'inä mo̧ro̧jä̧ jähuä'inä. ¹² Ru̧hua̧ Acaz pä'inö Ttömä jä'epocösä Chö̧ä̧nä̧hua̧ Diosrömä kä̧mä̧dö̧'i̧nä̧ topocösä. ¹³ Ja̧'hua̧nö̧ ja̧'a̧ pä'inö Isa'iasrö ä̧ju̧cui̧ David ojusode isotömä, ¿Umä̧tö̧'i̧nä̧ pä'ätucui, Cuänä̧hua̧ Diosrö'inä pä'ätucui? ¹⁴ Ja̧'hua̧nö̧ ja̧'a̧ Diostä pä̧cua̧mä̧, jajute isaju uborö jerupaju, muchaju päji'äcuaju, kuhuäbecuäcuaju ja̧u̧ i̧mi̧mä̧ EMANUEL Diosmä ujutucu kö̧. ¹⁵ U̧cuȩmä̧ a̧dȩ mantequilla sa̧dö̧ juäi uhuo̧juä̧chi'iome jubö surojömä̧ ya'acu adihuä juäitä ȩma̧ pä'ö. ¹⁶ Pide ji̧'qui̧cha̧hua̧mä̧ ä'canä u̧huo̧jui̧'o̧mȩnä̧ suroju adiu juäitä ȩmö̧ jȩä̧cua̧, Rȩjȩ ta̧ju̧ ruhuotörö ucumä ucuoti to̧ä̧jä̧tä̧ ki̧o̧'ä̧cua̧'a̧. ¹⁷ Chö̧ä̧nä̧hua̧ ro̧ȩpä̧cua̧ ucuturu o'catoi'önä cuä'o isotörö'inä Efraín 'cä̧'i̧chi̧nö̧ juda ja̧u̧mä̧ i'cächäcua̧ Asiriaru̧hua̧rö̧. ¹⁸ TÖ̧Ä̧NÄ̧HUA̧ Diosrö jua̧pö̧ na̧nö̧rö̧'i̧nä̧ attopö Egipto maya̧'chä̧'i̧nä̧ huopö. ¹⁹ Jahuätömä o'catoi'önä ttichäcuotö redä'ca ajehuiyänä, inähuiyänä idoriyänä ttaditäcuotö so̧ä̧'cua o'cajuiyönä mȩji̧yä̧'i̧nä̧. ²⁰ Ji̧yȩnö̧ mo̧ro̧ TÖ̧Ä̧NÄ̧HUA̧ Dios navaja so̧o̧dänä quirö i̧cuä̧cua̧, Eufrate ajettö i'cächäcuähuäcua'a Asiria ja̧'a̧ Umä uhuo'che'inä, öjohuiyä'inä 'to'opö i̧cuä̧cua̧ i'ä i̧'sa̧'chȩ'i̧nä̧. ²² JI̧yȩnö̧ mo̧ro̧ ya̧tȩ ubo u̧ju̧nä̧rä̧cua̧ pä̧cä̧yu̧rö̧ ovejarö ta̧ju̧rö̧. ²¹ Päcäyä ovejastö̧ ttatateja leche rö̧ä̧nä̧ ka̧'a̧ttö̧ jahuätö ttiya'attö ja̧u̧mä̧ u̧cuä̧cua̧ queso isähua i'cächu iyö rȩjȩnä̧ kä̧tö̧mä̧ ttucuäcuotö queso isähua. ²³ Jiyenö moro adihuome milnö jomenä micuähuinome jitämä so̧ö̧tä̧ rädocätä ja̧'a̧. ²⁴ U̧mä̧tö̧ ttichäcuotö 'po'obönä 'po'i ȩmö̧ rȩjȩmä̧ de'atä juoächina'a resabä. ²⁵ Jahuätömä otomenä ttö̧jä̧cuo̧tö̧ mi̧cattö pättiyu resabä ye'ecu rädocä ovejatö̧ pä̧cä̧yu̧ ttucuome ja̧'a̧.