Capítulo 5

1 Jitämä ra̧dä̧cua̧sä̧ rö̧ä̧nä̧ redepäcuru, chutä i'ätta uva pättanä huä̧nȩtȩ Ttö ro̧dȩpä̧cu̧mä̧ möä'ca kada'ca rȩjȩ ppuruhuome, jittate uva pättamä rö̧tä̧ri̧nö̧. 2 Ja̧u̧mä̧ rȩjȩ cuä'epö inä o'qui'inä emö icu. Adihuäjuäi uvattö ku̧ni̧nö̧ ö'ätta kä'co päte'ö ju'tju sa'u ärädö ku̧ni̧nö̧ to̧ö̧rä̧cua'a pä'ö ja̧'hua̧ta̧'a̧nö̧ uva ocha ppi̧ȩcuäcä'inä aditinö, ja̧u̧nu̧ o'comenä uva sa̧dö̧ huȩji̧ya̧rö̧ pä'ö tta̧'ä̧ri̧nö̧ ja̧'hua̧nö̧ ja̧'a̧nä̧ uva reötä huȩji̧nä̧yä̧cu̧. 3 Ja̧'hua̧nö̧ ja̧'a̧ttö̧ jitämä ucutä Israel ttö̧ja̧mä̧ Judáttö umätö̧'i̧nä̧ ttö chötö'cö'inä chi'ätta ötö'cö'inä ucutä ja̧'a̧ pä'ätucuittö. 4 ¿chi'ätta uva pättanämä däje jȩchö̧'a̧nö̧ jö̧ ka̧'a̧nä̧ jȩchö̧ juiyönä jä̧cu̧sä̧ttö̧ ttömä?

¿cuäcuähuänä sa̧dö̧ cha̧mu̧cuä̧ra̧'a̧nä̧ cuä̧cuä̧huä̧nä̧ rȩö̧tä̧ räopa'attö?

5 Jitämä ttötä chi'ättanä jȩcha̧mä̧ päda'anä, ä'canä jȩchä̧ji̧mä̧ pperetö chicuäcua̧sä̧ ju'toju isäcä'inä kä'ö chicuäcua̧sä̧, de'a isotörö 'cuȩ'cu̧ tticuäcuotö 6 huä̧i̧nä̧tä̧ toe'ächa'anä to̧chä̧cua̧sä̧ 'cui'ö'inä 'cuidö jui̧yä̧cua̧sä̧ aditö'inä chu̧ju̧ni̧yä̧cua̧sä̧ ja̧'hua̧nö̧ jo̧ca̧'a̧ isä'cua so̧ä̧'cua̧ bahuäcua'a. Ttömä ajiya isoippara̧'a̧ttö̧'i̧nä̧ ajiya ichö juiyönä huȩdä̧cua̧sä̧ jahuättanä. 7 Mo̧ro̧ji̧yä̧ttö̧ su̧ro̧da̧u̧ ttu̧ru̧hua̧ Dios i'ättiyö jö̧nä̧ huotömä Israel ttö̧ja̧ ja̧'a̧ Judá umötö̧mä̧ i'ätta adihuätta jö̧nä̧ huotö isopäi'önä adihuä u̧huä̧ju̧ huȩja̧'a̧nä̧ tta̧'a̧ri̧nö̧, ja̧'a̧nä̧ suronätä̧ cuä'äu icu jȩpi̧nä̧tö̧mä̧ ja̧'hua̧nö̧ jȩtto̧mȩnä̧ pä̧i̧cu̧nä̧ ppa̧ttä̧da̧ttö̧ pä'ö huotta'a rämipina'a. 8 ¡Jati jitöhue ttoju odehuiyä isarijä'inä 'cho'ipä'chätöhue ji̧yȩtä̧'i̧nä̧ ki̧'i̧pä̧'chö̧ juiyönätä̧ cui̧rȩjä̧nä̧tä̧ cu̧ji̧pä̧'chä̧tu̧cu̧nä̧ jȩpä̧tu̧hue! 9 Mo̧ro̧ji̧yä̧ttö̧ su̧ro̧da̧u̧ ttu̧ru̧hua̧mä̧ päinö̧cu̧sä̧: rö̧ä̧nä̧ odehuiyämä icuicuä odetä kä̧cua̧'a̧ ja̧'hua̧ta̧'a̧nö̧ odehuiyä bäreu'inä ttö̧ja̧ toötä kä̧cua̧'a̧. 10 Pa̧ja̧cuä̧nö̧ hectarea jättamä 21 litro uva isoya 'inä räopö juiyäcua'a, to̧mö̧rȩ to̧mu̧rȩ jähuä. 11 ------ku̧nä̧huä̧ o̧bi̧ ka̧'a̧nä̧ jicä----o̧bi̧ jo̧mȩtä̧ kä̧cua̧'a̧. 12 ¡Ja̧ti̧ yo̧a̧'a̧nä̧ porächätuhue juruhuoya ttȩma̧ pä'ö jahuätömä yodo juoächome jubö ahuähuä ju̧ru̧cha'anä -- tta̧'a̧rä̧tö̧!