¹ Huäbodä mo̧ro̧ o'ca'a Estermä isopäi'önä̧ kö̧'ca̧tä̧huä̧ta̧'ca̧tä̧huä''coju ruhuodettö umi isarä cuähuä ka̧cuo̧me jacuä kí̧nä̧ju̧¸ ru̧hua̧ ojusodettömä̧ pä̧tȩcuä̧nö̧ · Ru̧hua̧mä̧ isopäi'önä̧ í̧dȩcä̧nä̧ pinö̧¸ isopäi'önä̧ ojusodera̧'ą doächäcuhuome pä̧tȩcuąnö̧. ² Ruhuaju Ester u̧mí̧ isaränä ä̧rä̧mi'ä̧'coju ku̧ja̧´a̧ topömä̧¸ rö̧ȩnä̧ esehuächi´inö. Ja̧u̧mä̧ itta'ca orottö adicuä'ca 'chu̧huä̧rä̧'''canä̧ jahuäju kö̧ja̧'a̧cu̧ kí̧'ä̧dí̧nö̧. Estermä̧ tö'cönä̧nö̧ ichi'ö juä'ca päjure mȩ'í̧nä̧ju̧. ³ Ja̧u̧nö̧ o'ca'a ru̧hua̧mä̧ jahuäjurö pä'inö̧: ¿ruhuaju Ester däje pä̧huä̧rö̧jä̧cụ? ¿däje jäcuepa päcuättö̧ churuhuottö'í̧nä̧ kä'co jo̧mȩ chiyäcuajujä̧"· ⁴ Estermä̧ pä'inä̧ju̧ "Ru̧hua̧ esehuächi''önä̧ jö̧ttö̧mä̧¸ ru̧hua̧ ö'äcäri päi'önä̧ jo̧mȩnö̧ jȩpö̧ chu̧ju̧nä̧jí̧nä̧ jitä mo̧ro̧ Amánrö̧ ä̧tȩpa̧ pä'äjusä.¨ ⁵ Ja̧u̧nö̧ o'ca'a ru̧hua̧mä̧ pä'inö̧¸ "A mánrö̧ jurunä̧ o'opo'ätucui¸ Ester hueju jȩa̧. "Ja̧'hua̧nö̧ ja̧'a̧ttö̧ ru̧hua̧'inä̧ ja̧'hua̧ta̧'a̧nö̧ Amán'inä̧ Ester päcäri jo̧mȩnö̧ jȩpö̧ ku̧ju̧nä̧ja̧'ạ 'chí̧nä̧tö̧. ⁶ Pä'cärinä̧ Vino isoya ttiyä'chäja'a jí̧nä̧ ka̧'a̧nä̧ ru̧hua̧mä̧ Esterö päinö: "¿Däje jäcuepa päcuättö̧? ja̧u̧mä̧ iyähui'äcuajujä̧. ¿däje jäcuepa päcuättö̧? ruhuo jäcuepöttö'í̧nä̧ juto'mȩ chiyäcuajujä̧." . ⁷ Estermä̧ ädätinä̧ju̧ "Ttö ucuru jäpömä̧ pí̧yȩ ja̧'a̧ ⁸ Ucu ru̧hua̧ ttörö esehuächi'unö̧ topö jädepäji ucuotö cuiya päcuttömä̧, ru̧hua̧'í̧nä̧ ja̧'hua̧ta̧'a̧nö̧ Amán'í̧nä̧ yo̧ȩi̧ mo̧ro̧ ucutö cu' ä'cäritucu jö̧nä̧ jo̧mȩnö̧ jȩpö̧ chu̧ju̧nä̧cuȩra̧'a̧ cuichätucua pä'äjusä ja̧'hua̧nö̧ cuichätucuomenä̧tä̧ ru̧hua̧ jäepäjimä̧ chädätäcuajusä." ⁹ Ji̧yȩnö̧ mo̧ro̧ Amánmä̧ a̧'cua̧nä̧ ȩsȩhuä̧ya̧ rä'opinö̧. Ja̧'hua̧nö̧ rä̧'o̧pä̧ya̧ Mardoqueorö ruhuode äpate ä'ca ö̧'a̧'a̧ toomȩnä̧ ja̧'hua̧ta̧'a̧nö̧ chutä ä'ca jo̧mȩ yorö'iso ä̧rä̧mi̧'o̧ca̧'a̧ u̧ni̧chä̧rö̧ u̧'i̧yä̧cu̧, Mardoqueorö rö̧ȩnä̧ ra̧huä̧ri̧pinö̧ Amánmä̧. ¹⁰ Ja̧'hua̧nö̧ ja̧'a̧nä̧ Amánmä̧ a̧misurococu 'cua̧rö̧nä̧ jȩpö̧ ojusodera̧'a̧ 'chinö̧. chä̧hui̧'ä̧ji'ca̧mä̧ chutä ahuaruhuärö'i̧nä̧ ja̧'hua̧ta̧'a̧nö̧ irecua Zeresrö'i̧nä̧ ottäjiyarö pä'ö hue'inö. ¹¹ Amánmä̧ uruhuo öadihuä'i̧nä̧ i̧tti̧rö̧ recuätörö u̧ju̧nä̧ra̧'a̧'i̧nä̧ o'cajuiyönä̧ aditähuä ucuo iyä'ija'a'i̧nä̧ ja̧'hua̧ta̧'a̧nö̧ ru̧hua̧ttö̧ tö̧'cönä̧nö̧ aditätöttö'i̧nä̧ jua'atäcu u̧mö̧yotöttö'i̧nä̧ ttu̧huä̧mȩnä̧ jö̧nä̧ ö̧ja̧'a̧'i̧nä̧ ji'ähuinö̧. ¹² Amánmä̧ pä'inö: "Ruhuaju Estermä korotörö'i̧nä̧ kä̧tȩpo̧ca̧'a̧ ttörötä ä̧tȩpä̧ju̧, ru̧hua̧cu̧ chi̧'cha̧ pä'ö pä'cäri jo̧mȩnö̧ jȩpö̧ cu̧ju̧nä̧ji̧ra̧'a̧. Ja̧'hua̧ta̧'a̧nö̧ jahuäjumä yo̧ȩi̧mo̧ro̧ jȩjä̧cuȩnä̧'i̧nä̧ ru̧hua̧cu̧ yo̧mȩtȩnä̧ chö̧ja̧ pä'ö ä̧tȩpä̧ju̧. ¹³ Ja̧'hua̧nö̧ ja̧'a̧nä̧ pi̧yȩ o'cajuiyönä̧mä̧ ji̧nä̧ Mardoqueo ru̧hua̧ ojusode äpate ä'ca ö̧'a̧'a̧ tochomenä̧ ttörömä̧ micuähuoca'a." ¹⁴ Ja̧'hua̧nö̧ ja̧'a̧ irecua Zeres'i̧nä̧ ja̧'hua̧ta̧'a̧nö̧ ahuaruhuä'i̧nä̧ ocatoi'önä̧ pättinä̧: "Nu̧huä̧huo̧chö̧ öotomä̧ 23nö̧ jo̧mȩnä̧ ju'tojucumä̧ otoochö̧ aditi. Yo̧ȩi̧mo̧ro̧mä̧ ru̧hua̧rö̧ cucuaja juo̧chö̧nä̧tä̧ Mardoqueorö ti̧'ä̧dö̧ tö̧na̧. Ja̧u̧nö̧ o'ca'atä ȩsȩhuä̧ya̧ pä'cärira̧'a̧mä̧ ru̧hua̧cu̧ cui̧'chä̧cua̧'a̧nö̧ . "Pi̧ye pättönä̧ Amábmä̧ esehuächi'önä̧ päi'äcu nu̧huä̧huo̧chö̧ ttaditönä̧ hue'inö.