21 ¹ David hueinö pä̧nä̧mä̧ huäbodäcuä A̧'Ȩ jo̧mȩnä̧ ppäi ki̧na̧'a̧, ja̧hua̧nö̧ ja̧'a̧ttö̧ Davidmä TTU̧RU̧HUA̧ Dioscu toäcuähua pä'ö usinö. ja̧hua̧ta̧'a̧nö̧ TO̧Ä̧NÄ̧HUA̧MÄ päinäcu:" Pi̧yȩ ppäimä ucunätä cha̧'a̧ ja̧hua̧nö̧ ja̧'a̧ttö̧ jaumä Gabaón ttojarö hueö kuninö , jahuanö ja̧'a̧nä̧ Saúl'inä ahuäruhuä'inä jo̧nä̧mä̧ cuä'ö tticuinäu" ⁴ Gabaonitas ttö̧ja̧ ädätinätö Ja̧u̧rö̧: Plata, oro ja̧'a̧ teömäcö̧ ujutumä ja̧'hua̧ta̧'a̧nö̧ Saúl ahuaruhuä'inä. Yorätehu'a jahuätömä ujutucumä korotö huä̧i̧nä̧tä̧ cuä'ö icuähuocotö Israel ttö̧ja̧ ja̧'a̧tä̧ huotörö'inä. "David ädätinö; korojuei ucutu jäcuepätucumä ja̧u̧tä̧ jä̧cua̧'a̧ ttö jȩchä̧cuȩmä̧ uturu. ⁵ Jahuätömä ädätinätö̧ ucuo ru̧hua̧rö̧: "Cuä'ö tticua pä'ö jȩpi̧nä̧tö̧mä̧ recuätö ca̧ca̧cu̧ ujutu taboiyotö jö̧nä̧ jȩpi̧nä̧tö̧, jitä pänä pa̧'a̧nö̧ usurä tȩmä̧u̧nä̧ ja̧'hua̧ta̧'a̧nö̧ jui'ätöjä̧ tö̧ja̧cuo̧mȩ Israel ttö̧ja̧ tti̧rȩjä̧ jacuä. ⁶ Iyitö 7nö umätö̧rö̧ ja̧u̧tä̧ ahuaruhuä 'cotöttö ujuturu ichätucuitö ja̧'hua̧ta̧'a̧nö̧ ujutumä u̧ru̧pä̧'quȩnä̧ ti̧'ä̧dö̧ nu̧'u̧ ti̧cuä̧cua̧ tu̧ru̧hua̧ to̧ä̧ro̧mȩttö̧ Guibeá rȩjȩ Saúl i̧rȩjä̧, ja̧u̧mä̧ pätetö ku̧nä̧hua̧ pi̧nö̧ Ttu̧ru̧hua̧ttö̧. Ja̧'hua̧nö̧ ja̧'a̧ttö̧ ucuo ru̧hua̧ pä'i'inö: "Ttömä huo̧jua̧sä̧ ucuturutä chi̧yä̧cua̧sä̧." ¹² Ja̧'hua̧nö̧ ja̧'a̧ Davidmä 'chä̧nö̧ ja̧'hua̧ta̧nö̧ Saúl ihue'quiyö ȩmi̧nö̧, ja̧'hua̧nö̧ ja̧'a̧nä̧'i̧nä̧ Jonatán ihue'quiyö. Saúl i̧tti̧, ttö̧ja̧ umötö̧ Jabes galaad, jahuätömä näu̧cui̧nä̧tö̧ ja̧'a̧ ttö̧ja̧ ttö̧ca̧ca̧cuo̧mȩ kä'cottö Betsán, juorötä ji̧na̧'a̧ filisteos ti̧'ä̧dö̧ ttu̧ni̧na̧'a̧mä̧ cuä'ö icuä'cotö Saúlrö Gilboattö. ¹³ David juhuorömä ȩpi̧nö̧ Saúl ihue'quiyö ja̧'hua̧ta̧'a̧nö̧ Jonatán ihue'quiyö. Saúl i̧tti̧, ja̧'hua̧nö̧ ja̧'a̧ jahuätömä ca̧ca̧ti̧nä̧tö̧ 7nö̧ huotö ttö̧ja̧ ttihue'quiyö ja̧'hua̧ta̧'a̧nö̧ juorö ti̧'chö̧ ttu̧ni̧nä̧u̧rö̧ jahuätö. ¹⁴ Juhuene 'turinätö̧ jahuätömä Saúl ihue'quiyö ja̧'hua̧ta̧nö̧ Jonatán Sa'ul i̧tti̧, Benjamín i̧rȩjä̧ Zela, Cis uhuapareba po̧mȩ, chutä jä'o. Jȩpi̧nä̧tö̧ o'cajuiyönä ru̧hua̧ hueinömä jahuätmä. Ja̧'hua̧nö̧ ja̧'a̧nä̧ Dios ädätomenä churutä jättepäji rȩjȩttö̧. ¹⁵ Ja̧'hua̧nö̧ ja̧'a̧ filisteosmä pä'äjita'anö Israel ttö̧ja̧cu̧ rohuähuinätö̧. Ja̧'hua̧nö̧ ja̧'a̧ttö̧ Davidmä umöhuätotö su̧ro̧da̧u̧cu̧ huȩyȩhui̧nö̧, ja̧'hua̧nö̧ mȩyȩu̧ filisteoscu rohuähuinö. Davidmä curä rö̧ä̧nä̧ tturohuähuomenä juiyöpächi'inö. ¹⁶ Isbi Benobmä, ttö̧ja̧ tä̧mö̧ tti̧tti̧ ji̧na̧'a̧, ja̧u̧ ödacuodä bronce pättöjueittö adicuodämä 300 siclos jo̧mȩnä̧ a̧mä̧qui̧na̧'a̧ ja̧'hua̧ta̧'a̧nö̧ ucurä'chu jareä'chu u̧nä̧rä̧'chunä, Davidrö cuä'ö icua pä'ö jȩpi̧nö̧. ¹⁷ Ja̧'hua̧nö̧ jȩi̧yä̧cu̧ Sarvia i̧tti̧ Abisaimä David ppä'ädömä, filisteos ruhuäu cuä'ö icuinö. Ja̧u̧nö̧ o'ca'a David umöhuäyotömä ja̧u̧ru̧ ji̧yȩtȩnä̧ huȩnȩtö̧ pä'inätö̧: Porö yabocumä ujutucumä curära̧'a̧mä̧ ichocö cuä̧cua̧jä̧, Israel ttö̧ja̧ ttitejähuare na'ȩpö̧ cuicu juiyäcua'anö. ¹⁸ Ja̧u̧nu̧ o'ca'a pä'äjita'anö filisteoscu Gob pä'ö micuomettö̧ curä rohuähuinätö̧, husat ttö̧ja̧sa̧ Sibecaimä̧, Safrö cuä'ö icuinö, ja̧u̧mä̧ Refaim i̧tti̧mö̧ 'cotöttö ya̧tȩ ji̧na̧'a̧. ¹⁹ pä'äjita'anö Gob pä'ö micuomettö̧ curä rohuähuinätö̧ filisteoscu, betlemita ttö̧ja̧sa̧ Jaare Oregim i̧tti̧ Elhanánmä̧, geteo ttö̧ja̧sa̧ Goliatrö cuä'ö icuinö, ödacuodä i̧so̧'quȩ juähuo'quȩ jä̧'i̧nö̧'a̧nö̧ ji̧na̧'a̧.