¹ Filisteosmä TÖ̧Ä̧NÄ̧HUA̧ esecuinö ȩco̧ca̧ nä̧u̧cui̧nä̧tö̧ ja̧'hua̧nö̧ ja̧'a̧ Ebenezer ötahuiyättömä Asdodra̧'a̧cu̧ ȩpi̧nä̧tö̧. ² Filistosmä ȩmi̧pi̧nä̧tö̧ TÖ̧Ä̧NÄ̧HUA̧ esecuinö ȩco̧ca̧mä̧ ja̧'hua̧nö̧ ȩmi̧pö̧ ttö̧ä̧nä̧hua̧ Dagon pättäcu ojusode jacuä do'ädömä ja̧u̧tä̧ ippeyä jo̧mȩ rutinättö̧. ³ Asdod ötahuiyä ttö̧ja̧mä̧ koro mo̧ro̧ juoa'acu porächi'ö tottomenä ttö̧ä̧nä̧hua̧ dagon päjimä ö'ä rȩjȩcu̧ TÖ̧Ä̧NÄ̧HUA̧ esecuinö ȩco̧ca̧ ko̧mȩcu̧ cuäipa'atä topinä̧tö̧, ja̧'hua̧nö̧ ji̧yä̧u̧ pä'äjita'anö ttö̧ä̧nä̧hua̧ Dagonrö̧mä̧ ȩmo̧po̧'ö̧ ä'coji ö̧jo̧mȩtä̧ ku̧ni̧nä̧tö̧. ⁴ Ja̧'hua̧nö̧ ja̧'a̧nä̧ koro mo̧ro̧ yo̧ȩi̧ jahuätö ttö'orächi'omenä, Dagónmä TÖ̧Ä̧NÄ̧HUA̧ esecuinö ȩco̧ca̧ po̧mȩcu̧ ö'ämä cuäipa'atä pina'a. Dagón u'inä, umöpi̧yä̧ to̧mö̧rȩcuȩ'ö̧ rȩjȩ pi̧na̧'a̧, 'toruhuächa'atä doächi'äcuähuomecu̧. Suro Dagón kada'co'atä ki̧'ä̧nä̧. ⁵ Ja̧'hua̧nö̧ ja̧'a̧ttö̧ jitä mo̧ro̧ jubö päi'önä Dagónttö sacerdotetö̧mä̧ asdod ttö̧ja̧mä̧ kȩdo̧co̧tö̧ Dagón ö̧jo̧mȩcu̧ doächäcuähuomemä. ⁶ TÖ̧Ä̧NÄ̧HUA̧MÄ̧ surojönä ro̧'ȩpi̧nö̧ Asdod ttö̧ja̧rö̧mä̧. Ja̧u̧mä̧ si'epö icumä dudu oyunä jȩpö̧ cuä'äu icuinö, A̧sdo̧d ttöjarö'inä ja̧'hua̧ta̧'a̧nö̧ ppeyänä ka̧cuä̧tö̧rö̧'inä. ⁷ Asdod ttö̧ja̧mä̧ ja̧u̧n 'cuäopö huo̧jui̧'ö̧ jahuätömä pä'inätö: "TTÖ̧Ä̧NÄ̧HUA̧ esecuinö ȩco̧ca̧mä̧ ujutu ka̧ pä'ömä jo̧ca̧'a̧, ju̧huo̧ca̧mä̧ juiyo suronä jȩä̧u̧jä̧ ja̧'hua̧ta̧'a̧nö̧ tö̧ä̧nä̧hua̧ dagónrö'inä suronä jȩpö̧. ⁸ Ja̧'hua̧nö ja̧'a̧ttö jahuätö hue'inä̧tö̧ Filisteosttö o'catoi'önä ruhuotörö ttȩmä̧ja̧ pä'ö; jahuätö pä'inä̧tö̧.: "¿Ttä'anötä̧ jȩtä̧ TÖ̧Ä̧NÄ̧HUA̧ esecuinoca̧mä̧ Israelrö?"Jahuätö ädätinä̧tö̧: "Gatra̧'a̧cu tȩpa̧'a̧nä ja̧'a̧tä̧ topätuhuí TÖ̧Ä̧NÄ̧HUA̧ esecuinoca̧ Israel ttöja̧rö. Ja̧'hua̧nö ja̧'a̧ttö jahuätö ȩpi̧nä̧tö TÖ̧Ä̧NÖ̧HUA̧ esecuinoca̧ Israel ttöja̧rö̧. ⁹ Ja̧hua̧nö ja̧'a̧nä̧ Gatra̧'a̧cu̧ ttȩpo̧mȩnämä TÖ̧Ä̧NÄ̧HUA̧ ja̧u̧ ötahuiyä ro̧'ȩpinö, rö̧ä̧önä̧ ttieruhuächi'önä jȩi̧nä̧u̧. JA̧U̧ ro̧ȩpinö ötahuiyänä ka̧cuä̧tö̧ o'catoi'önärö, ppo̧'ä̧tö̧rö̧'i̧nä ja̧hua̧nö tä̧murö'i̧nä ttidepänä dudu oyu rä'opunä. ¹⁰ Ja̧hua̧nö jä̧u̧ Ecrónra̧'a̧cu̧ hueinätö TÖ̧Ä̧NÄ̧HUA̧ esecuinóca̧mä. Ja̧hua̧nö̧ ja̧'a̧ttö jurunänö doächi'ina̧'a̧ Ecrónmä, ja̧hua̧nö̧ ja̧'a̧nä Ecrón ttöja̧mä päi̧cu̧nä̧ pä'inätö: "Ucutu ö'cächätöjä TÖ̧Ä̧NÄ̧HUA̧ esecuinoca̧ Israel ttöja̧rö̧, ujuturu cuä'ö cuicuätucua pä'ö ja̧'hua̧ta̧'a̧nö tahuäruhuärö'inä. ¹¹ Ja̧hua̧nö̧ ja̧'a̧ttö̧ Filisteo ttö̧ja̧ rubuo hue'ätö o'catoi'önä̧rö̧ ttȩma̧já̧pä'ö hueinä̧tö̧; Jahuätö pä'inä̧tö̧: "Porömä̧ rä'epö icuätucui Israel ttö̧ja̧ Ttö̧ä̧nä̧hua̧ esecuinö̧ ȩjo̧ca̧, ppa̧'a̧dä̧jä̧tucui̧ ki̧nometä̧, ujuturu'inä̧ cuä'ö icu ja̧hua̧ta̧'a̧nö̧ tahuaruhuäro'inä̧ cuä'ö icua'anö ja̧'a̧." Ja̧hua̧nö̧ jo̧menä̧ ötahuiyä ttö̧ja̧ o'catoi'önä̧ juiyó yettecunä̧ ji̧na̧'a̧; TTÖ̧NÄ̧HUA̧MÄ̧ juiyó rö̧ä̧nä̧ ro̧'ȩpinö̧ juorömä̧. ¹² ttö̧ja̧ juorö̧ 'corujuo'ächocotö päjätömä̧ duduyunä̧tä̧ usurä ȩmä̧hui̧nä̧tö̧, jä̧hua̧nö̧ jo̧menä̧ ttajuäumä̧ mo̧ro̧jä̧ra̧'a̧ jubu rä̧bȩhui̧na̧'a̧.