¹ Itsietajane Israelitawi apo jume yeyatae liweisi apo to naetajjutojematsi pekobekowu seikaya baja pe bijienaenajja. Acán, Carmi pejjunato, Zabdi pejjunato, Zera pejjunato, Judá wiriewi, pekobekowu bajará pamonaeto nota seikaya baja pebijienaenejja ikani petujanenu nejjata itajjutua jitsibi Israel tomará. ² "Nejjata Josué itoroba pebibeje Jericó jawawerena Hai jawalia, Bet Avén kanakuijitsita eka Betel pepuwetsina. Bajará ponu jumeitsi: paponarebeje irá payorabare". Nejjata ponabeje bajará pajiwibeje Hai peyorobinejja. ³ Itsa nawietabeje Josueta, tsipaebabeje: "itorobijitsipame dajjita tomará Hai Jawabelia. itorobare saya dos mil itsa jitsipame tres mil (3000) ponubeje pe ponaenejjalia penawajabitsoutsinejja Hai tomarata. Pütsa jema djjita nakuenebi ejjaname, tsipaji bajará pamonae apo ayeibitsouto. ⁴ Nejjata saya ponalia tres mil (3000) pebijiwi ejércitopijiwi, beitsi jane itsieta rukupeka Haipiji wekua. ⁵ Haipijiwi amoneyaba treinta y seis (36) ponubeje penabewi pebijiwi to bietsi pepubarajinaejawatatsi boupa kanakujitsita tomarajawata, tajü jawabelia be kanterajawata bajará belia bietsi petsuto perunaewitsiko. Tomarpijiwi junawabobena Jamatabu deideijei pe anaepaeJUMALI WEKUA PITATSI. ⁶ Barajjüa kuijinae Josué najuma nawa titinajjuoba. Bajará ponu yajawa pepujuwijji Israelpijiwi atsa püru namato otjoka, petujjanenu pieja kajoni kuijiba najuma pjurtsiaya itabora taenubena barajota nubena kaniwiyo jawalia. ⁷ Bajará jjüua kuijinae Josué jumeitsi: "iAh, Dioso Petujjanenu! ¿Dejjuatsia métajjamu patomara nikabi ejjaname? iJemabaja Jordán werena panubenajitsipajü! ⁸ iPetujjanenu! ¿Dejjua meta jumeitsinutsipai akonojjae Israel amoneyabatsi rukupéna pekueyawi wekua?. ⁹ Akonojjae Cananeowi yajawa dajjita pejinonopaewi pairata jumetaina paliweisi. Bajará pamonae panematatoyoronaena nejjata jiwi pa irata pejimonopaewi patawunu nakopjuntsiena. Nejjata ¿jjamu dejjua itsimutsane jjamu newunujjaneto neja?" ¹⁰ Petujjanenu Josué jumeitsi, "iNountapunare! ¿Dejjuatsia nabujjutsutsia naita-buotame irata?". ¹¹ Israel nanekueinta. Apo nejume kowuntsita itorobijawa. nakobetojjota itsa-kuenejawajji penaitapetsijawa. nakobetojjota yajawa matayaba nekokonijawa, penakobetojjotsijawa pekobewujawata ¹² jeba. Bajará jjuota, Israelitawipekueyawi apo namatamo-kapanepae. Naitabijirababobena pekueyawi wekua, bajará pamonae pieja kuota nabijiepeita. Apo pakabaru jinawonopaetsanetsi pajjamu itsa apo panawekua jjuobimu nékonikowu panenajjeinayabijawa bajapikani naitapeta penabijienaenejja beitsijane pamatayabame. ¹³ iNontapunare! jjanu nejja tomará neto jjanewaire mapakuenianeto jjumeitsimutsane: Panajjanewaire, pebisiakuene pana perabu kanotsiename merewianejja. tsipaji petujjanenu, Dioso Israel jjeinainu jumeitsi mapakuenia: " Pekobekowu bajará pamonae naitapeta penabijienaenejja pikani beitsi jane itsieta pajjamujawata bobena, Israel, panekueyawi apo panamatamotsimutsane itsa apo pana wekua tijjibimutsane nekonikobe kowu penabijienaenejja. ¹⁴ Bajáyakunua, nubenaena dajjita wiria tomaratapijiwi. Pawiria baja petujjanenu itapetsiena pieja monae barunukaena. Petujjanenu baja pa tomará itapeta, pieja pebijiwi kaenu kanakuijitsia itajutsiena. ¹⁵ Patomara itapetatsi junatsienatsi penajjeinayabiwi penakobetojjotsijawa, tajuitsienatsi bajará ponu, pieja boo pekobekowu yajawa, apo pejumetaejjae petujjanenu piejaliweisi nekoni tsiejjana Israel" ¹⁶ Nejjaata, Josué bajayakunia nounkota Israel imojjoyo karena, Kae wiria kanakuijitsia, nejjata Judá wiria itapetatsi. ¹⁷ Josué Judá monae karena imojjoyo, Zera pieja monae itapetatsi. Zera pieja monae karena kainu kanakuijitsia nejjata zabdi itapetatsi, ¹⁸ Bajara ponu zabdi pieja monae karena, jiwi kanakuijitsia, nejjata Carmi pejjunato Acán, Zabdi pejjunato, Zera pejjunato, Judá wiriewi, itapetatsi. ¹⁹ Najjata Josué jumeitsia Acánta: "Tajjunato, jjanewaitsia paebare Petujjanenujawalia, Israel Diosota, bajara Ponu jawalia, nejume liweisi paebare. Jjanewaitsia, netsipaebare ¿Dejjua itsimo? Newekua matayabijitsipame". ²⁰ Acán jumeitsi: " jjaniejeibeitsi, nekoni natsi itsinu petujjanenu wekua, Israel Diosonu. Majjua Itsinuje: ²¹ Botijawata taebuotajü pejjania Babiloniapana, platanujji doscientas (doscientas) monedas de plata, oroburu medio kilo pejjeinajawa, itajitsipajjüobajü nejjato pitajü. Ira bujjupana matayatajü, tuotuojuta taja booburujacuata, platanujji pebujjupanajawa". ²² Josué itoroba liweisi kaponaewi, pieja booburto jawabelia kujinaerubenalia barajota mamatajjuna bajará jjuonu. Itsa tane, pematayabi jawa mamatajjuna booburuta pebujjupana jawareka platanujju bobenreka. ²³ Pamonae nota pematayabijawa tuotuojujawata pieja booburta nejjata Josué jawaberena kaponarena Israel tomará dajjita petaenejja. Bajará pamonae jeba Petujanenu peitabarata. ²⁴ Nejjata Josué, dajjita Israel yajawatsi, Acán waitabatsi Zera pejjunato platanujji, pepana yajawa oroburu, pejji yajawa pejjunatoyonu, pieja bueyewi, pieja mulawi, pieja owejawi, pieja booburtojji dajjita pekobe kowu, dajjitayo koponajebatsi Acor tusatojawalia. ²⁵ Nejjata Josué jumeitsi: "Dejjuotsia nekonia pameto karenamu, Petujjanenu peayeikuene katsijjuobiena ajena". Dajjita Israel ibotonu tsipentatsi yajawa tajuitatsi. ²⁶ Bajará pamona belia petsipentsijawatsi ibo petsuto tsi ejanatsi akonojjaejebi nuka. Nejjata petujjanenu pe anaepanaejawa nawekua pita. Barajjuota, nawunu jjeina, pamatakabijebi, "Acor tusato".