¹ Nejjata Jericó pieja boupanu dajjita akabika israelita ejército penawajabitsoutsijjae. Nejjata itsa jiwiyo apo pitsapae itsa jiwiyo apojone. ² Pettujjanenu Josue jumeitsi. Najamatabu jjeinare nekobeta Jericó Karajutatsi, petujjanewiyajawaira ewetsiwi petonabewitsi yahawa. ³ Jjamu yajawa nieja jiwi pekatonabewi kaekowu kuenia panajetarubenaename tomará pamata toyoronaename kae matakabi kuenia. kae kobe matatsunia kai bobesito (6 dias) kuenia pa itsimutsane. ⁴ kae kobe matatsunua najua kobesito (7) Sacerdotewi kanajetarubenaena kae kobe matatsunia najua kobesito (7) baka mataeto namata jjeinaya pe obinejja kajani wekua. kae kobe matatsunua najua kobesito (7) matakabi, kae kowu kuenia panajarubenaename tomará pamata toyorotsiename kae kobe matatsuniva najua kobesitobeje (7) matakabi pa itsimutsane, sacerdotewi pemataetonu obiena penajumetsineja. ⁵ Bajara pamonae apia ejjanaena pe abijawa baka mataeto, itsa pajumetaename pe obijawa dajjita jiwi dajjita jumalita pa wawakainame, tomará jumania jopoinika. Nawajabitsoutsiena Israel pejji, Kainu kanakuijitsia namatajjeinaina ⁶ Nejjata Josué Num pejjunato, sacerdotewi junata pejumeitsinejja: " Kajoni liweisi pakapónaie, kae kobe matatsunua najua kobesito (7) matakabibeje sacerdotewi pijinia kanajetarubenaena pe obii nejja kae kobe matatsuniabajua kobesito (7) juenia baká mataeto petujjaneno pieja kajoni kanamata jjeinaena". ⁷ Nejjata tomará najume liweisi rajuta "Paponare kae kowu kuenia panajetarubenaename tomará pamatatoyorotsiename, penabepebijiwi mamata jjeinaeya Petujjanenu pieja kajoni wekua". ⁸ Pakuenia baja Josué najume liweisi rajuta tomará; kae kobe matatsunua najua kobesito siete (7) Sacerdotewi kanajetaiubena kae kobe matatsunua njua kobesito siete (7) baka mataetonu Petujjanenu wekua namatajjeina. Pakuenia najetarubena obinea penajumetsiejjanaenejja. Pettujjanenu pieja kojoni liweisi wekua kakotokaewiena. ⁹ Pebijiwi penabewi namatajjeina Sacerdotewi wekua, bajará pemonae najumetsiejjanaena pe obiijawa, Sacerdotewi pijinia obaa najetarubena pepunuwetsina kaeto apo kopatsi. ¹⁰ Josué itoroba tomara; Jumeitsi: "Amijibia panajetarubenainame, peneta pakajumeitsitsanetsi. Nejjata pa wawakainame". ¹¹ Josué bajará pakuenia itsi Petujjanenu pieja kajoni saya bajará pamatakabi kaeto tomará mata´toyoroteta. Bajará pakuijinae pieja booburtojji kuijiba pe majitsinejja. ¹² Nejjata Josué bajayajunua penounkotsikujinae nountapüna. ¹³ Nejjata Sacerdotewi siete (7) ponubeje pekajinonopaewi sietejjuobeje baka matae pe obinejja mamata jjeinaya Petujjanenu piaje kajoni wekua, penasoutsikueneta nubenapona, pe obi mataétonu najumetsiejjana. Pieja Soldado bitsouto petonabewibitsi namatajjeina, itsa monae Petujjanenu pieja kojoni püna najetarubena. Kaeto atá apo jume kopatsi pe obijawa. ¹⁴ Itsa matakabi jawabelia ikatsia kae kuenia najetarubena tomará mata´toyorona kaeto saya nejjata nawiebarukupa. pieja booburtojiya. Bajara pakuenia kae kobe kaekobesito itsi. ¹⁵ Nejjata kae kobe najua kobesito siete (7) kuenia nubena ikatsia ikotia pepua pitsapae baja, kae kuenia tomará matatoyoroteta pakuenia baja itsitsabiebi, beitsijanebaja kae kobe najua kobesito siete (7) kuenia wereta. ¹⁶ siete (7) matakabita, Sacerdotewi najumetsi ejjana bakamataeto, pakuenia Josué najume itoroba pieja tomará: ¹⁷ Petujjanenu najume itoroba pa tomará yajawa pena jjeinayabijawa pa werebiebiename. kaewabaja Rahab nukaena pebijiwi jitsipaewatsi -- bajará powa yajawa pebaru enaewi pieja boo jawata -- tsipaji bajará powa matayata waja itorobi ¹⁸ jiwibeje. Pajjamu, itsieta jjanewaitsia pa taema, pekobekowu werebiebijitsia, pamonae pekobekowu panotsipame. itsa panotame, peabeje kuene nekoni payajawa nawiebijitsipame Israel tomará to nejjata paka werebiebijitsipa. ¹⁹ Dajjita plata, pewayanae iboto (oro) yajawa petujjutsaebijawajji (bronce) kopeibonu (hierro) Petujjanenu itapetsiena. Petujjanenu pekobekowu (Tesoro) jawabelia jebiena. ²⁰ Itsa tomarapijiwi jumetane pe obii jume, dajjita wawaka kaejumeta nejjata tomará jumanania jopatabika bajará pamonae joneyekalia tomará, kaenu konakuijitsia nubenaponaya namatajjeinaya Dajjita tomará piteta. ²¹ Kopeinabota (Espada) dajjita tomará pijiwi beyejeba--- pebijiwi, petiriewi, pewujuowi, perujuwi, baka, ovejawi yajawa burrowi. ²² Nejjata Josué jumeitsi peitorobijiwibeje irá penaita kapitsatsijiwibeje: "Pebijiwi jitsipaewatsi pieja booyabelia paponarebeje. Bajará powa paka pitsapaenamebeje yajawa dejjita peyawaekawi, pakuenia baja panajumeliweisi rajutame". ²³ Pakuenia baja itorobatsijiwibeje Rahab jawalia junua nejjata kapitsaparenatsi. Pajja jurenatsi, péna, pejuyapijiwi yajawa dajjita pieja monae bajara powa peyajawa ekaewi. nejjata oamonae tijjitatsi Israel tomará wekua. ²⁴ Tomará tajuiteta dajjita pekobekowu yajawa. ü plata, oro, ibotonu, petujjutsaebi kanalitojji (bronce) matatsunua kopei (hierro) petujjanenu pieja boota bajara pa tesoro jeba. ²⁵ Josué kopata pebijiwi pejitsipaewatsi rahab, pajja pieja boopijiwi yajawa pebaru enaewi. pejinonopaenejja. Israel jawator jinonopa ajenajebi pieja wiria, pe matayatsijjae Josué pe itorobijiwibeje petaenajetarukaejjaebeje Jericó. ²⁶ Nejjata Josué bajará jota kae liweikuenia najume rajuta pajumeta: "pebisiakuene tsijopaenatsi Dioso itajjutua pebikobeta itsa Jericó tomará nakuenebeta ikatsia. Matapijinu ipumanajawabelia najjuobielia juyapijinu boupakanakujitsita tupaena". ²⁷ Josué petujjanenu baru ponponatsi dajjita jebi irajawata wunu yaputanetsi.