¹ Josué bajayakunua naikota, pitsapa Sitim jawerena. Pona Jordán mene Jawabelia. Apaponü dajjita tomara Israel yajawa, arajota jinawanapa penikobiwajinaya ora pa mene. ² Akueyabü pamatakabübeje kujina. Pematakaitorobiwi siwajjaineta ara pa tomara. ³ Jiwi jawabelia wajita:"Pakujinae pataename Dioso pija arca pejonenukaponaejawa Dioso pejume liwoisi ewetsiwi levitamonae pepinaeponaenejja. ⁴ Betajiyo pawekuanubenaename ara pa arca wekua (90) jjua beje pejjainamo. Pitsa pa imojjoyotame. Panetaenejja belia ponaejitsia, tsipaji apoyapitae ora panamuto." ⁵ Josué jumaitsi jiwi jawabelia: "Merawia panawajikare Panijakuata Dioso jawabelia, tsipaji Dioso pejjaniakuene pakatokapotijitsia pajjamü nejja." ⁶ Juakujinae Josué jumaitsi sacerdotemonae jawabelia: "Pütsapakopatome ara pa arca paponare dajjita jiwi piekataenejja." Pütsapakopatome ara pa arca paponare dajjita jiwi piekataenejja ⁷ Dioso jumaitsi Josué jawabelia: "Ajena pamatakabi, pejjania jiwitonümütsane Israel pitabarata. Payapütaename. Pakuenia ponaponaji Moisés yajawa ara pakuenia pakayajawatsanetsi. ⁸ Jjamü itorobiame sacerdotemonae pekaponaenejja pija arca jjota kanajetarubuna penamatamotsijawani: 'Itsa patsiana Jordán mene itapajawabelia, jjamewaetsia kuenia panenubenaenejja Jordán mene jawata. ⁹ Nejjata Josué jumaitsi Israel monaejawabelia: "Berena Paponare Panenamujjunaewere wajjo Dioso pejume liwaisi. ¹⁰ Nejjata arapakuenia payapitaename Dioso pakayajawajota pajinawanapame. Pakawekua jutsiana pajjamü jowelia canaeo monae, hitita monae, heveo monae, ferezeo monae, gergeseo monae amorreo monae yajawa jebuseo monae tsipaji arapamonae jjaina itsaliwoisi. ¹¹ ¡Taema! Dioso pija arca dajjita ira peewetsini nikabiana Jardín itsapanabelia. ¹² Pajaitsianame doce (12) pajiwitonibeje Israelmonae pija jiwi. Kaewiriakanakujitsia. ¹³ Pakujinaebaja natajjujayatsiana sacerdotemonae pekaponaewi Dioso pija arca Jordán mene jawabelia. Arapamene bajo apo mene ponaetsane saya baja jjaniwaetsia mene bokaena. ¹⁴ Nejjata pakujinae nikaba Jordán mene. Sacerdote monae pekoponaewi Dioso pija arca dajjita tanetsi. ¹⁵ Pekajinawanapaekujinae Dioso pija arca pata Jordán jawata, nejjata tajju sukuene mene itapajawata (nejjata juakujinae arapomene yobubutabiaba pija peubijawanü), ¹⁶ juakujinae arapamene be ibotokuene naejjana. Adán jawerena patomara eka Saretán mujjuneneta, mar Néguev jawetsina, arapakuenia nejjata jiwi nikoba itsoponabelia Jericó imojjoyo jawabelia. ¹⁷ Arapakuenia sacedotemonae pekaponaewi Dioso pija arca, nubena otopa Jordán mene tuitujita "Tutujuta" dajjita Israel pijiwi nikabo itsapanobelia.