¹ Akonojjae pamonae ira ewetanubenaewi, Israel pebijiwi waitaba penabe matakabi. Israelitawi notanubena pieja ira pemutuo wetsina Jordán, ikotia pe pitsapae namuto wetsina, kopia pita Armón mene wayapjoyo kopia wereta Monte Hermón jawata yajawa dajjita Arabá kopia wereta pemuto wetsina. ² Sehón, petujjanenu ira ewetsinu Amorreowi pe itorobanukaenu, Hesbón tomarata bajayatami ponpona. Bajara ponu ira eweta Aroer kuijinae, Armón wayapjo mujjuburu jawareka eka wayapjo tuotuojujawabereka tsata yajawa Galaad ira epa ukureka namatajupaeya Jaboc mene mujjuburujawareka amonitawi pe jinonopaekanakuijitsitareka. ³ Sehon ira tujjanenu eweta Arabá jawareka epa ukuta Cirenet manuamenejawareka, yajawa eweta woüyabetsia. yajawa Arabá manuamenejawatsia (Mar Salado) woü mujjuburu reka, kopia ukuta Bet Jesimotjawatsia yajawa woüyabetsia, epa ukuta unu Pisga itapaya. ⁴ Og, Basán tomara ewetekainu, kainu pe nukainu refaitaswiria, Astarot tomarata bajayatami ponpona yajawa Edreijawata. ⁵ Bajara ponu eweta Hermón unu kuijinaetsia, Salca yajawa dajjita Basán, kopia ukuta patomarabeje gesureo yajawa maacateo tomara itsa ira nakuata naitabaratayekabeje, yajawa Galaad epa ukuta namatajupaeya, naitabaratayeka Sehón nakua werena, Herbón ira ewetsinu. ⁶ Moises petujjaneno pieja pienenu, Israel pieja tomara amoneyaba, nejjata Moises petujjanenu pieja pienenu, ira rajuta pe notsinejja rubenitawi, gaditawi, yajawa Manases wiria robia epa ukutatsi bajara pakuenia ira rajutatsi. ⁷ Pamonae baja era ewetanubenaiwi tsipaji Josué Yajawa Israel tomara amoneyaba Jordán nania welia, tajju jjuoba Baal Gad Libano wayapjo jawata epa ukuta Halac unujawata imojjoyo Seir kanakuijitsita. Josué ira rajuta Israel wiria pe enaenejja. ⁸ Bajara ponu rajuta dajjita unutiribo, wayapjo tusato, Arabá, petsuto mujjunenejawatsia, petusato nakua, yajawa Néguev, Hititawi pieja ira, Amorreowi, Cananeowi, Ferezzeowi, Heveowi yajawa Jebuseowi. ⁹ irae ewetsiwi petujjanewi bajara pamonaeta Jericó tujjanenu, Hai ira ewetekainu Betel mujjuneneta pe ekai tomarata, ¹⁰ Jerusalén tujjanenu, Hebrón tujjanenu ¹¹ Jarmuttujjanenu, Laquis tujjanenu ¹² Eglón tujjanenu Gezer tujjanenu, ¹³ Debir tujjanenu, Geder tujjanenu ¹⁴ Horma tajjanenu, Arad tujjanenu ¹⁵ Libna tajjanenu, Adulam tujjanenu, ¹⁶ Maceda tujjanenu, Betel tajjanenu, ¹⁷ Tapúa tajjanenu, Hefer tujjanenu, ¹⁸ Afec tujjanenu, Sarón tujjanenu, ¹⁹ Madón tujjanenu, Hazor tujjanenu, ²⁰ Simrón Meron tujjanenu, Acsaf tujjanenu, ²¹ Taanac tujjanenu, Meguido tujjanenu ²² Cedes tujjanenu, Jocneam del Carmelo tujjanenu, ²³ Dor tujjanenu Dor jawatatsi pe enae irata, Goyin tujjanenu Gilgal jawata pe ira ewetsinu ²⁴ yajawa tirsa tujjanenu penamata ujutsi ira tujjanewi treinta y uno (31) dajjitata.