¹ Joacin itsa jjainaipona akueyabi pavai beje ira evetsikujinaevena,ira evetsinü Juda nakuata,Nabucodonosor,ira evetsinü Babilonia jabata,tsina Jerusalen jabata yajaba matatoyorotsia nakua itabeta dajjita pejjaejeba apo pe jone jaba beria. ² Tujanenü rajuta pe bariyaya Nabucodonosor nü jaba beria pematatsunü Joacim ira evetsinü jaba beria,ira evetsinü Juda nakua jabata,yajaba itsa jabata hema kuene Dioso pija bo jabata.Ponü to kapona Babilonia ira jaba berena,dioso pija bo jabata,yajaba to jeba hemakuene pekobekobu pija bo jabata. ³ Iira evetsinü kuekuey jai Aspenaz jaba beria,pija kopiaya jabitsaünü,pe to karenatsi itsa jiviyo Israel tomarata,beitsi jane pija monae pe evetsinü yajaba robialia pepaibijaba monae. ⁴ Papebujuabi neto apo be jivi kuene,pejjanianü kueninü pekajjuanenia dajjita peyaputaebinua,bitso peya putaejaba,bitso pejjanianü pe nakuenebinü ira evetsinü pija bota jabata.Ponü kujurubiena,pa itanee yajaba pe kuekuey jaba babiloniabi. ⁵ Ira evetsinü kabe tsana kae pejjaeyajubünüjanü matakabiabi kanakujitsia pija pejjaejeba itsakuene jabata ponü apa bieba.Bajara pa pebujuabi nakujarubiana pa akueyabi way.Yajaba bajara jua nejja,pamonae pianibi ira evetsinü kuenia. ⁶ Bajara pamonae jabata nuka Daniel,Ananias,Misael Azarias yajaba,itsa jiviyo Juda tomarata. ⁷ KJabitsaünü pe kopiaya rajuta pubünunü:Daniel nü vunujona Belsasar;Anania vunujona Sadrad,Misael vunu jona Mesac vunujona Abed nego. ⁸ Baitsi jane Daniel nü najamatabukuene vereta pija najamatabukuene liveisi bajara ponü apo na matajuruatsi jitrsipae pija pejjaejaba ira evetsinü jababeria apo apae vino ranu ponü pe apaenü.Nejjatabajuka permiso kopiaya jabitsaünü jaba beria apo na matajuruatsi jitsipae. ⁹ Dioso ejjana pejjania jamatabu kuene kopiaya jabitsaünü jaba beria penaukotabiabinejjatsi. ¹⁰ Kopiaya jabitsaü jumeitsi Daniel nü jaba beria:Jjanü junavanjü taja pe jjainaenü ira evetsinü.Ponü itoroba pajjamü pejjainaename pejjaejeba yajaba pe apaebi ra.´´Dejuatsia ponu taena pajjamuta pe taenajabata bitso pebisia kuene pamonae pa pebujuobibi nija pavay beje ira evetsinü kuene itoroba ne ukutabiabi jjae taja matabokotota nija panejamatabukueneta.´´ ¹¹ Nejjata Daniel bajara kuekuey mayordomo jababeria,tsipaji kopiaya jabitsaunü kaita petsiaya juntatsi Daniel,Ananias,Misael azarias yajaba. ¹² Ponü jumeitsi:´´Pejjania kuene,naka ejjanare nija pianibi najua pa kobesito pa mata kabi beje.Netsikobe rajure itsa kuene jabayo pa ta jjainae nejja yajaba mera pa ta apae nejja. ¹³ Bajara kujinae naja kajupae na ejjanare baja peperabuto papeparabuto pebujuato jaba beria pejjaina kujinae pejjaijeba ira evetsinü jababeria,ne ejjanare,nija pianibi,pakuenia taneme. ¹⁴ Nejjata mayordomo nü ejjana pe itsi nejja,bajara ponü jabata,je jai baja pa najjua kpe kobe beje pa mata kabi. ¹⁵ Baja pa najua kobe beje pa matakabi kopia rukae pija pamonae peitabara bitso apo domaebitsi.Pejjania kuene pejjajeva jjane be pe bujuato jivi pe jjanaibi pija pejjaejeva ira evetsinü jaba beria ¹⁶ Nejjata mayordomo nü to kanavietsia pija pejjaejeva vino ranu rajuta bu vegetales ji. ¹⁷ Baraja pa kuenia ma pa penayanatsi pa pebujuato,Dioso rajutatsi peyaputaejaba pejumetane yajaba dajjita peyakinarutsijaba bitso peyaputaebi ,Daniel nü na yaputane yajaba dajjita pe taejaba pe amajitsinae yajaba. ¹⁸ Pe veretsijaba pa matakabianu pe rajutsijaba iraevetsinü jaba berena pe jone nejja,kopiaya jabitsaü to karenatsi Nabucodonosor jaba berena. ¹⁹ Ira evetsinü barü kuaikuai jai bajara pamonae jababeria, bara pa bitsoutota apa kajinae Daniel,Ananias,Misael yajaba Azarias ata apo kuene kuene jupae .Bajara pamonae vajunae kopia pitanubena ira evetsinü,pe itorobinejjatsi eveta. ²⁰ Dajjita pe yanijobatsi pe bitso peyaputaenü ira evetsinü yanijoba,kajinatsi pa diez pejjania kuene pe dajjitabi pa mago bi yajaba pamonae pe jume tsabieba pekuei kuei jai petupaebi,jipatsa tsane dajita nija ira evetsi jabata. ²¹ Daniel jinavonopana pe jjainai kae way ira evetsinü Ciro nü.