¹ Sa lesu tale ko Jisu ki vale ni Soro, ni sa jiko kina e dua a tamata sa baca levu sara a ligana. ² Ka so talega a tamata sa tu volekaji koi koya ena gauna mai mera via vakacacani koi koya kevaka ena veivakavulai ena Siga Tabu. ³ Sa kaya sara ko Jisu ki vei koi koya," A tamata wamalai a ligana ei, tucake mai mai tu sara i ei. ⁴ A sa qai kaya sara ko Jisu vei ira a tamata, "Ena tara beka mena vala e so a meca vinaka ena Siga Tabu?" Ia era sa tawa vosa. ⁵ Era sa vakaraici koi koya ena mata buriburisi kei na mata vakaninivaki; era sa vakaraici koi koya kina , Ni sa kaya ko koya ki vei a tamata baca i ei," Dodoka mai a ligamu". Ka sa dodoka sara yani a tamata ei a ligana, ka sa vakabuluai vata ena gauna mai. ⁶ Ia koi ira a Dau Vunau era sa tekivu curu ki tuba ena gauntotolo ni ra sa via vinakata me ra bacani koi koya vata kei ira ai lala i Eroni se wakolo cava mera na vakamatei koi koya kina. ⁷ Ka sa jiko ko Jisu kei ratou a ona Tisaipeli mai matavura, ka sa sipa sara a tamata era sa muri koi koya ni tekivu mai na vanua ko Kaleli kei na vanua vaka Jutia ⁸ mai Jerusalemi vaka kina mai Etuanumira ki baji ni wai a Joretani e wavoki taucoko mai na vanua ko Taia kei Sitoni. ⁹ Sa kaya vei ira a ona Tisaipeli," E jiko beka e dua a waqa lailai, ena rawa ni vakarautaki baleta ni sa rui lewe levu saraga, mera na kakua ni veidrigidrigiji ko ira a tamata. ¹⁰ Sa levu sara ko ira a tamata baca era sa mai vakabulai ka sa levu talega era tarai koi koya ni ra sa veidrigidrigiji koya. ¹¹ Sa raici koi koya a yalo i chimoni e so era sa bitalakini ira sobu ki na qele ka ra sa tagi lagalag,' Kemunu a Luve ni Kalou bula". ¹² Sa kaya sara vakamatua vei ira ko koya me ra kakua ni kai koi koya yani. ¹³ Sa rataou gole cake sara yani ki delana, oti sa kicivi i ratou ko koya me ratou lako mai kina. ¹⁴ Sa vakatabui i ratou a ona Apositolo me ratou dau jiko vata kei koi koya mera na kauta wavoki nai tukutuku jina. ¹⁵ Ka sa solia talega vei ratou na veivakadonui ena kaukauwa mana me ra na dau rawaji ira kina a tevoro. ¹⁶ Sa vakatabui ira sara a ona lewe tinikarua: Simoni, ka yacana talega ko Pita; ¹⁷ Jemesa na luve i Sepete, kei Joni a taci Jemesa, ka soli talega kina a yaca i ei ko Poanachi, a ona i balebale, luveni kurukuru. ¹⁸ Ia ko Adriu, Filipe, Pacolamiu, Maciu, Tomasi, Jemesa, a luvei Alifio kei Cateo, kei Simoni ka dau kai naki ni tamata dau gugumtua, ¹⁹ kei Jutasa Isikarioti koi koya ka volitakini Jisu yani. ²⁰ A ra sa lako vata ki vake, ka ra sa lako mai ko ira a tamta, ka ra sa tawa kania rawa a kedra madrai. ²¹ Ena gauna era sa rogoca kina a ona matavuvale, ratou tauri koi koya ka ratou sa nanuma ni sa lialia. ²² Gauna era sa lako sobu mai kina ko ira a vuni vunau mai Jerusalemi, ka ra sa mai kaya ni jiko kina e dua a tevoro i Pelisepupi. ²³ Sa kacivi ira sara mai ko Jisu, ka kaya sara vei ira eso a vosa vaka i balebale," E rawa vaka i vei vei Setani me na wacaraki Setani tale?" ²⁴ Kevaka sa tawase na matanitu ni Kalou, na matanitu ena sega ni rawa ni tucake. ²⁵ Kevaka e tawase a matavuvale, sa qai rawa vaka i vei, me ²⁶ Kevaka e kila ko setani me ra mai veivala ga vakaira ena ta rawa kina me na tucake tale ena i ojioji ni gauna. ²⁷ Ena ta rawa medua ena curu kiloma ni vale, me na rawa ni na maroroya na meca e ona, kevaka era ta vesuki rawa na tamata kaukauwa. ²⁸ Au sa kaya vakaijina sara vei kemudou ena rawa ni vosoti taucoko a odra i valavala ca na luvei ni tamata ni ra vosa vakaviavialevu vua a Kalou. ²⁹ Ia koi koya ena vosa vakaviavialevu vua a yalotabu,au sa kaya oti, ena tu ga kina a ona i valavalaca,ena tawa bokoci rawa ka tawamudu. ³⁰ E kaya ko Jisu a vosa i ei, baleta ni ra nanuma ni jiko kina edua yalovelavela. ³¹ Eratou sa vakayasavi koi koya mai, ko jinana oiratou na tacina,ka ratou sa mai tu i katuba era sa kaya kina ni ratou vinkata me lako mai ki tuba. ³² Ia ko ira ga tamata era ece wavokiji koi koya jiko, era sa kaya kina, ko jinamu keiratou a tacimu eratou sa via raici iko jiko, eratou sa drakai ka vakasavi iko. ³³ Sa qai sauma mai ko koya ko cei a jinaqu ,ko cei a tacimu? sa qai sauma sara mai ko koya ko cei a jinaqu ko cei a taciqu? ³⁴ Sa qai wavokiji ira kokoya ka kaya sara yani i ei ga ko jinaqu kei na taciqu . ³⁵ ko ira sa valata a loma i tamaqu mai i ga ko ira a taciqu era ganequ ka jinaqu .