¹ Sa vakasinaiti ko Jisu ena Yalo Tabu ni lesu mai ena Uciwai a Joritani ka ² sa vakauji mai veikau loa me bogi vasagavulu. A sa vakatovolei koya a tevoro. A sega ni kana ena gauma taucoko mai ei ka sa walokai jina. ³ Sa temaki Jisu a tevoro ka kaya kina ," Kevaka ko sa luve ni Kalou ko na vosa ki na vatu ena vuki me madrai" ⁴ Sa sauma ko Jisu ka kaya kina , "Ni sa volai sa sega mi bula na tamata ena madrai walega. ⁵ Sa qai kauji Jisu ki na delana a tevoro ka vakatakea vei koya a veimatanitu . ⁶ Sa kaya vei Jisu a tevoro, " Au na solia vei iko a lewa kei na lagilagi sa soli mai vei au baleta au sa rawa ni solia vei koya au jigitakina. Sa kaya vei Jisu a tevoro , " ⁷ Kevaka ko sa cuva sobu ka qaravi au, au sa na solia me omu". ⁸ Sa sauma ko Jisu ka kaya kina tevoro " Ni sa volai ko na qarava a Kalou ko na vakarokorokotakini koya sei koya ga". ⁹ Sa qai kauji Jisu ki Jerusalemi a tevoro ki na vanua cecere duadua ena Valenisoro ka kaya kina, " Kevaka ko sa luve ni Kalou rika sobu ki ra. ¹⁰ Ni sa volai ni ko na vakaroji ira a agilosi me ra maroroi iko ¹¹ era na keveji iko cake ena ligadra, ka na sega i mavoa na yavamu ena vatu." ¹² Sa sauma ko Jisu ka kaya ki na tevoro,"Kakua ni vakatovolea a Kalou". ¹³ Ni sa vakatovolei Jisu oji a tevoro sa biuji koya me qai lesu mai ena dua tale a gauna. ¹⁴ Sa lesu tale ki Kaleli ko Jisu ni sa vakasinaiji ena kaukauwa ni Yalo Tabu. Sa kuruseta ai tukutuku balelti koya ena veivanua volekaji Kaleli. ¹⁵ Sa tekivu me veivakatavulici ena odra Veivalenisoro ko Jisu ka ra sa qoroi koya na vakrorogo. ¹⁶ Sa yaco ki Nasareci ko Jisu a ona koro dina ka susu talega kina, me vaka ga a odra i vakarau. Sa curu ki na Valenisoro ka tekivu ma wilika ena domo levu na i Vola Vivigi. ¹⁷ Era sa solia vei koya na i vola i Isaia na Parofita ka sa wilika a jikima ka volai kina, ¹⁸ Ni sa curumi au a Yalo i Jiova me"u vunau takina a kosipeli vei ira a dravudravua, a veisereki vei ria sa vesu tu, a rai rawa vei ira a mata kui , me ra sereki a vakararawataki , ¹⁹ me"u vunautakina a yabaki vinaka i Jiova. ²⁰ Sa viviga ai Vola Vivigi ko Jisu ka solia lesu vei koya a vkalesileis ni Vlenisoroka jiko sobu. ²¹ Sa tekivu me vunau vei ira ko Jisu ka kaya, "Ni kua sa vakayacori na vosa ni parofisai me dou rogoca. ²² Sa marau na yalodra na vakarorogo vei Jisu ena veivosa talei e vunautakina vei ira ka sa vkatekivu mera kaya, " E sega beka ni luvei Josefa ko koya ?" ²³ Sa kaya ko Jisu vei ra era vakarogoci koya, kemunu na ka kaya vei au . " Vuniwai vakabulai iko mada ²⁴ A cakacaka mana ga kemunu a valata mai Kapenaumi me kemunu valata ena omunu koro jina". ²⁵ Au sa kaya vakaijina vei kemudou ni ra a levu a marama yada e Isireli ena gauna i Ilaijia a parofita ena gauma ka sogo tu kina a lomalagi me yabaki tolu ka ono a vula ka tawa tau a lagi. Sa qai yaco mai a gauna ni dausiga levu. ²⁶ Ko Ilaijia e sega ni kauwaitakini ira a vo ni yada e vakauji ga ki na dua a yada e vakaijikojiko mai Serafaci e Saitoni. ²⁷ E levu talega a tauvi vukavuka mai Isireli ena gauna i Ilaisa a Parofita ia e segabau e vakabulai ko Nemani sei koya ga a kai Siria. ²⁸ Era vakasinaiti ena yalo ca ko ira a jiko ena Valenisoro ni ra sa rogoca a cakacka man sa valata ko Jisu. ²⁹ Era sa tauri Jisu ka kauji koya ki na barinisavu ena dua a delana ka tara toka kina a odra koro me ra saga mera viritakini koya sobu. ³⁰ E cawadru ga mai ligadra ko Jisu lako ki na dua tale a koro. ³¹ Sa mani lako sara ko Jisu ki Kapenaumi e dua a koro levu mai Kaleli ka sa tekivu ma vakavuvuli ena Siga Tabu. ³² Era sa rideutakina a ona i vakavuvuli ena yalo doudou. ³³ E jiko ena Valenisoro e dua e curumi yalo velavela ka sa kaila ena domo levu , " ³⁴ A cava a omu bisinisi vei keimami Jisu na kai Nasareci ? Ko sa lako maoi me ko vakarusai keimami ? Au sa kilai kemunu, A luve ni Kalou". ³⁵ Sa borosi ki na tevoro ko Jisu ka vakarota me galu ka wacara a yalo velavela ka curumi koya jiko. A sa biuji koya a tevoro ka sega ni vakamavoatakini koya. ³⁶ Era sa rideuvakina a lewe levu a cakacaka mana sa valata ko Jisu ka ra sa tekivu me ra veitalanoatakina vakaira , " A mataqali kaukauwa cava iei sa vosa ka sa lako tani a yalo velavela ?'. ³⁷ Sa rogo yani ki na veikoro voleka ai tukutuku ni cakacaka mana i Jisu. ³⁸ Sa biuta a Valenisoro ko Jisu ka lako ki na vale i Saimoni. Ni curu yani sa donuya ni tauvi katakata sivia a vugoi Saimoni yalewa. Era sa kerei Jisu me vakabula a marama Vugoi Saimoni. ³⁹ Sa tucake ko Jisu ka masulakini koya ka sa bula a marama mai ei ka vaiqaravi vei Jisu. ⁴⁰ Ni sa karobo mai a vanua era sa kauji ira mai a veimataqali baca vei Jisu me masulakini ira. Sa tarai ira yadudua ena ligana ka vakabulai ira taucoko. ⁴¹ Era wili talega kina a yalo velavela era sa qolou ka kaya, " Kemunu a luveni Kalou". Sa borisitakini ira a tevoro ko Jisu ka vagalui ira baleta ni ra kila ni Karisito ko koya. ⁴² Ena kida ni mataka ni siga kadua sa lako ko Jisu ki na dua a vanua lala. Era sa vakayasavi koya a lewe levu era sa lako mai ki na vanua ka jiko kina. Era sa tovolea mera tarovi koya me kakua ni biuji ira. ⁴³ Sa kaya ko Jisu ki vei ira, " Me'u vunautakina a kosipeli baleta a matanitu ni Kalou ena veikoro lelevu tale eso baleta mai ei a vuni qou lako mai". ⁴⁴ Sa qai tomana a ona vunau ena veivalenisoro e Jutia taucoko. o