¹ E nai jinikalima ni yabaki ni veiliutaki i Tiperu Sisa e a kovana jiko mai Jiutia ko Ponijio Pailato, ka kovana mai Kalili ko Eroti, kovana mai Ituria kei Tirakoniti ko Filipi a taci Eroti. a kovana mai Apilini ko Lisania. ² A vosa ni Kalou e a rogo mai vei Joni, a luve i Sakaraia basa a gauna ni bete levu i Anasa kei Kaiafa. ³ Ko Joni e lakova a veivanua taucoko ina Joritani ka ona i vunau veivutuni kei na papitaiso me ra vosoji kina mai a odra ca. ⁴ Me vaka sa volai ena i vola i Aisea a parofita, "A domo ni dua e kaci ena loma ni vanua, 'Vakarau rawa a wakolo ni Turaga ka me dodonu. ⁵ Na tawa a buca, a ulunivanua kei na delana ena vala me rewa i ra ena vakadodonutaki a wakolo e veve. A vanua duirewarewa ena vala kina a wakolo ⁶ ka ra na boka a veivakabulai i Jiova a tamata taucoko. ⁷ E a kaya a vosa i ei ko Joni vei ira a lewe levu ka ra a mai via papitaiso,"Dou luve ni gata!" Ko cei e vakasalatakini kemudou mai na cudru levu ni Kalou sa lako jiko mai? ⁸ Dou vakaraitakina a vua e veiraurau kei na veivutuni. Dou kakua talega ni kaya ni sa tamamudou ko Eparama baleta ni rawata a Kalou me vakatubura a a luve i Eparama mai na vatu. ⁹ A matau sa no lako ina ruku ni vuni kacu, me ta laivi kina a kacu e tawa vua takina a vua vinaka me kolotaki ka udre ina buka. ¹⁰ Era sa qai modreta jikoga me ra kila a meca mera valata. ¹¹ Sa qai kaya ko Jisu,"A ona e rua a ona kote, solia kina e dua e sega bau a ona. Solia talega kina ona e sega bau a kena. ¹² Era a lako talega mai a dau kumuna ai vakacavacava mera papitaiso ka ra taroga,"Vakavuvuli, a cava me keimami valata?" ¹³ Sauma ko Jisu,"Dou kakua ni kumuna a silini me levu mai a ona dou vakaroji kina." ¹⁴ Ko ira talega a sotia era taroga a taro vata ga. Sauma ko Jisu,"Dou kakua ni taura vakaukauwa a silini mai na dua ka kakua ni veibetaki vakailoa. Vakacegu ena omu i sau. ¹⁵ Me vaka a odra namakina a lesu tale mai ni Karisito era liaci Joni da ka rairai sa ko koya ¹⁶ sa qai sauma vei ira ko Joni,"Ko au au veipapitaisotaki ga ina wai, ia e dua ena lako mai e kaukauwa mai vei au kau tawa rawa madaga niu sereka a wa ni ona vava. Ena papitaiso takini kemudou ena Yalo Tabu kei na bukawaqa." ¹⁷ A ona i cula i Ligana ena vakasavasavatakina a loma ni vanua ni qaqi sila ka kumuna vata a veitikina lololo. Ia ena udreva a qani sila ina buka e tawa boko rawa. ¹⁸ E levu a ona veivakayaloqaqataki ko Joni ka vunautakina a Kosipeli vei ira a tamata. ¹⁹ E a biu ko Joni kina valeniveivesu baleta ni a kaya vei Eroti a cala ni meca e valata ina ona tauri Erotiasa, a waji tacina, me wajina. ²⁰ A sa wilika vata kece a ona i valavala ka lokati kea ki valeniveivesu. ²¹ Ni ra sa papitaiso a tamata sa papitaiso talega ko Jisu. Ia ni sa masu sa tadola a lomalagi ka lako sobu mai ²² a Yalo Tabu me vaka na ruve, ka rogo mai a domo mai lomalagi."Ko iko a qou gone ni toko au sa dau marautakini iko." ²³ E tekivu vakatavuvuli ko Jisu ni sa yabaki tolusagavulu. Ko koya ka kai ni luve i Josefa, a luve i Ili, ²⁴ a luve i Macati, a luve i Livai, a luve i Meliki, a luve i Janai, a luve i Josefa. ²⁵ Ko Josefa a luve i Mataceia, a luve i Emosi, a luvei i Neumi, a luve i Esili, a luve i Nake. ²⁶ A luve i Maaci, a luve i Simei, a luve i Josefa, a luve i Juta. ²⁷ Ko Juta a luve i Joana, a luve i Resa, a luve i Serupepeli, a luve i Salacieli, a luve i Niri, ²⁸ a luve i Meliki, a luve i Ati, a luve i Kosami, a luve i Elimotami, a luve i Eri, ²⁹ a luve i Josua, a luve i Eliesa, a luve i Jorima, luve i Macati, a luve i Livai. ³⁰ Ko Livai a luve i Simioni, a luve i Juta, a luve i Josefa, a luve i Jonani, a luve i Eliakimi, ³¹ a luve i Melea, a luve i Menani, a luve i Mataca, a luve i Necani, a luve i Tevita, ³² a luve i Jese, a luve i Opeti, a luve i Poasa, a luve i Salimoni, a luve i Nasoni. ³³ Ko Nasoni a luve i Aminatapi, a luve i Erami, a luve i Eseromi, a luve i Feresi, a luve i Juta, ³⁴ a luve i Jekope, a luve i Aisake, a luve i Eparama, a luve i Tera, a luve i Neori, ³⁵ a luve i Seruke, a luve i Rekau, a luve i Peleki, a luve i Eperi, a luve i Sela, ³⁶ Ko Sela a luve i Keinana, a luve i Afakisati, a luve i Semi, a luve i Noa, a luve i Lemeki, ³⁷ a luve i Mecusela, a luve i Inoki, a luve i Jereti, a luve i Maleli, a luve i Keinana, ³⁸ a luve i Inosi, a luve i Seci, a luve i Atama, a luve ni Kalou