¹ Kemunu a veiwekani, kevaka e sa vakarideutaki e dua a tamata me valavala ca, mo dou vakavinakataki koya ina yalomalumalumu, koi kemunu sa vakayalo; ka mo vakaraici iko de ko na dauveretaki talega. ² Mo dau veivuke ina colata a omudou I colacola, ka dou na valata kina ai vunau I Karisito. ³ Kevaka e dua sa nanumi koya ni sa bau dua a meca ni sa sega bau, sa vakaisini koya ga vakai koya. ⁴ Ia me qai dekeva ga a ona cakacaka a tamata yadua, ina qai dua a vuni ona rekitakini koya vakai koya, ka sega bau ina vukuna e dua tani. ⁵ Ni sa colata a ona i colacola a tamata yadua. ⁶ O koya sa vakatavulici ina vosa me solia ai votavota ni meca kecega a vinaka vei koya sa veivakatavulici. ⁷ Mo dou kakua ni vakasinai kemudou, a Kalou e na sega ni vakalialiai! A ka kecega sa kaburakina a tamata ina tamusuka talega ko koya. ⁸ Ko koya sa kaburakina a ka ni ona i tovo vakayago, ina tamusuka a nisa mai na I tovo vakayago: Ia ko koya sa kaburakina a ka ni Yalo Tabu, e na tamusuka a bula tawa mudu mai na Yalo Tabu. ⁹ Meta kakua ni ceguji koso ina cakacaka vinaka, nita na tamusuka ina ke na gauna kevaka eta na tawa ceguji koso. ¹⁰ O koya iei ni sa rawa meta caka vinaka vei ira a tamata kecega, ka vakalevu vei ira era veitokani ina vakabauta. ¹¹ Raica a mataivola lelevu au sa volavola kina vei kemudou e na ligaqu jina. ¹² Ko ira era sa via rairai vinaka vakayago, era sa vakasauraratakini kemudou mo dou cilivi: Mera kakua ga ni vakacacani ina vuku ni kauvelatai I Karisito. ¹³ Ia ko ira era sa cilivi era sa tawatalairawarawa mada ga ki nai vunau, era vinakata mo dou cilivi mera rekitaka a lewemudou. ¹⁴ Ia koi au me kakua sara a ka tani meu rekitakina, a kauvelatai ga ni weta Turaga ko Jisu Karisito, o koya sa lauvako kina vei au kina kauvelatai a veika vakavuravura, koi au talega kina veika vakavuravura. ¹⁵ Ni sa tawa yaga me cili se me yaga ni cili, sa yaga ga me tamata yalovou. ¹⁶ Ia me yaco a vakacegu kei na loloma, ki vei ira taucoko era sai valavala jiko me vaka ai vakarau iei, vei ira talega a Isireli ni Kalou. ¹⁷ Ena gauna iei me kakua ni dua me vakararawatakini au: ni sa tu ga ina yagoqu a we ni oqu mavoa ina vuku I Jisu. ¹⁸ Me jiko ina lomamudou a veiwekani a loloma ni weta Turaga ko Jisu Karisito . Emeni.