¹ Koi au ko Paula, au sa bobula i Jisu Karisito ena vukumudou a kai matanitu tani. ² Au kila ni ko sa na rogoca ai tukutuku ni vei vakararamataki ni loloma ni Kalou ka soli vei au me baleji iko. ³ Au sa volavola en avuku ni ka sa vakaraitaki vei au. ⁴ Ni ko sa wilika, ko sa na kila a vei meca vuni baleji Karisito. E na vei taba tamata ka sega vakaraitaki a jina levu i ei ki vei ira. ⁵ Ia sa vakaraitaki ena Yalo Tabu ki vei ira Apositolo kei na Parofita ka ra digitaki ena cakacaka i Karisito. ⁶ A jina levu i ei ni ko ira a kai matanitu tani, era sa wili ena veika e yalatakina ko Karisito Jisu ena Kosipeli. ⁷ Au a yaco meu i talatala ena loloma ni Kalou meu vakadewa takina kina a Kosipeli. ⁸ Ena loloma ni Kalou e soli vei au, au sa digitaki kina meu vunautakina vei ira a kai matanitu tani a vei ka baleji Karisito. ⁹ Me rawa kina nira kila a rarama kei na vei kavuni ni Kalou o koya ka bulia a vei meca taucoko ga. ¹⁰ Ai tuvutuva ka vakatakilai ena i soqosoqo lotu kei ira a ona i liuliu me rawa kina me ra kila a ona vuku a Kalou. ¹¹ A vei ka i ei e yaco baleta a ona i tuvatuva a Kalou ka rawa e na vuku i Karisito Jisu, a weta Kalou. ¹² Ena vuku i Karisito e rawa kina me keta yalo dei ena vuku ni weta vakabauta. ¹³ Au kerei iko kina me kua ni ko yalo lailai ena veika dredre au sotava mo rawata kina a kaukauwa. ¹⁴ Ena ka i ei au sa masu kina tamada mai lomalagi, ¹⁵ ko koya keta sa wili kina a vei vuvale mai lomalgi kei vuravura. ¹⁶ Au sa masulakina me soli vei kemudou a kaukauwa ni Yalo Tabu sa tu vei kemudou ena vakabauta me dou tudei kina ena loloma i Karisito. ¹⁷ Me jikoga ina lomamudou a Karisito ena vakabauta, mo dou vakawakana ka tauyavu taki ena loloma. ¹⁸ Ka rawata kina mo dou kila vata kei ira taucoko era sa lotu, se cava a kena raraba kei a kena balavu kei na kena balavu, kei na kena jitobu, kei na kena I cecere. ¹⁹ Ka mo dou kila a loloma I Karisito, o koya sa uasivi caka ena ka e kilai rawa: mo dou sinai ena meca kecega sa sinai kina a Kalou. ²⁰ Vei Jisu ko koya sa solia a kaukauwa kei nai serau ka sa jiko ka cakacaka jiko vei keta, au sa cabora a vakavinavinaka ²¹ ki nai soqosoqo lotu i Jisu Karisito ena i taba tamata taucoko me yacova a tawamudu. Emeni.