¹ Koi au a bobula ena vuku i Karisiito, ² au sa vakaroji kemudou mo dou bula ena valavala kilikili. Dau vosota, ka veivakatakatataki ena yalo loloma. ³ Dou maroroya a duavata kei na vakacegu ni Yalo Tabu. ⁴ Sa dua bau ga a yago i Karisito, kei na Yalo Tabu me vaka dou a kacivi kina a Kalou e nai nuinui. ⁵ Sa dua bau ga a kalou, dua bau ga a vakabauta, dua bau ga a papiteso, ⁶ ka dua bau ga a Kalou a Tamda, ko koya a weta Turaga taucoko. ⁷ Sa solia vei keta koi koya a vei solisoli yadua me dui rauta ai vakarau sa solia vei keta a Kalou. ⁸ Me vaka sa volai:" Sa lako cake koi koya, ka lako sobu talega ka solia ai solisoli vei ira. ⁹ A cava ai balebale ni ona "lako cake," kei na ona lako sobu talega ki vuravura? ¹⁰ Ko koya ka lako sobu ki vuravura ko koya vata talega ko a lako cake ki lomalagi me lewa a meca taucoko ¹¹ O Karisito e digitakina e so me Apositolo, so me Parofita, so me kau lotu, ka so me talatala, ka so me qase ni vuli. ¹² E solia a vei tutu i ei me veivakarautaki kina cakacaka ina yago i Karisito. ¹³ E tara cake a weta vakabauta ena vei gauna meta kila vinaka ai valavala e kilikili ki a Luve ni Kalou ¹⁴ A Kalou e vakarautakini keta meketa kakua ni vaka a gone e veicevuka yaki, me vaka a ua e cevuka ena cagi taucoko kecega ni vakavuvuli enai lawaki ca ni tamata e na dau veivaqaseni sa nakiji kina a veivakacalai. ¹⁵ Ia meta ia ena ka jina ena yalo loloma meta tubu cake vei koya ena ka taucoko, vei koya ga a uluda a Karisito. ¹⁶ Ko koya sa sema vata mai kina a yago taucoko, ka vauci vata, ena vuku ni kena yaca ai sema yadua, me vaka a meca sa valata sara a jikina kecega, ni sa dui vakaitavi, a sa vakatuburi cake kina yago tabu, ni sa vakatataki cake vakai koya enai loloma. ¹⁷ O koya oqo, kau sa vosa kina ka vakarota matua ena vuku ni taroga mo dou kakua ni valavala jiko me vakai ira a vei matanitu tani, ena lomadra lialia. ¹⁸ Ni sa vakabutobuto taki a lomadra a ra sa sega ni veiriti kei na bula sa mai vua a Kalou, ena vuku ni lialia sa tu ena yalodra ka ni sa kaukauwa a lomadra. ¹⁹ Ia ni ra sa tawa madua rawa era sa soli ira kina cakacaka vakasisila mera valata a ka taucoko sa tawa savasava ni ra sa dau garova. ²⁰ Ia koi kemudou dou a tawa vuli vei Karisito mo dou vaka kina. ²¹ Kevaka dou a rogoci koya, ²² ka sa vakatavulici vei koya, me vaka a jina sa tu vei Jisu. E na vuku ni valavala i mada, mo dou biuta tani kina a tamata makawa. O koya sa ca mai ena vuku ni gagadre ca sa veivakaisini. ²³ Mo dou vakavou i ena yalomudou kei na lomamudou. ²⁴ Ka mo dou vakaisulu ena tamata vou. O koya sa vala me vaka a Kalou ena yalo dodonu kei na yalo savasava ni jina. ²⁵ O koya ga oqo ni dou sa biuta tani kina a daidai, me vosa jina a tamata yadua vua a kai nona! Ni da sa jikina vata kei keta. ²⁶ Ni dou sa cudru kakua ni dou cala kina: me kakua ni dromu a mata ni siga ni dou sa cudru jiko. ²⁷ Kakua talega ni vakararawatakini kemudou vua a tevoro. ²⁸ Ko koya e drivadriva me kakua ni driva jiko. Me dau cakacaka ga ka valata ena ligana a ka sa yaga me so kina a ona ka me wasea vei ira a dravudravua. ²⁹ Me kakua ni lako mai gusumudou e dua a vosa velavela, o koya ga sa vinaka, me ia kina a veivakatataki, me vaka sa rauta, me yaco kina a vinaka vei ira era sa rogoca. ³⁰ Ia dou kakua ni vakararawa takina a Yalo Tabu ni Kalou o koya dou sa dregaji kina me yaco mada a siga ni bula. ³¹ Me biu laivi taucoko vei kemudou a yalo ca, kei na buriburisi, kei na dou nene, kei na vei ba, kei na vosa vakacaca, kei na ca taucoko ga sa vaka kina. ³² Dou veilomani vakaikemudou, dou loma vinaka, dou kakua ni vei burisitaki, me vaka sa sega talega ni burisitakini kemudou a Kalou ena vuku i Karisito.