¹ Ia kau sa vakaroji iko ina mata ni Kalou kei Jisu Karisito o koya e na lewai ira a bula kei ira a mate, kei na ona rairai mai kei a ona matanitu. ² Mo vunautakina a vosa; Mo vakarau tu i na gauna vinaka se gauna ca; mo kaya a meca e ca, mo vunauci ira era sa cala, mo dauvakarota jiko ina i vakavuvuli ka vosota vakalevu sara. ³ Ena yaco mai a gauna a tamata era na tawa via rogoca kina ai vakavuvuli dodonu, era na muria ga ai vakavuvuli sa vinakata a daligadra me rogoca. ⁴ Era sa vagoleatani a daligadra mai na ka jina; a ra sa gole ki nai tukutuku wale. ⁵ Ia ko iko mo yalomatua ina meca taucoko, mo vosota a ka rarawa, mo vakataucokotakina jiko a cakacaka ko sa kacivi kina omui talatala. ⁶ Niu sa vakarau tu meu liviraki, ka sa voleka a gauna meu toki yani. ⁷ Au sa vala oji e nai valu vinak, au sa kadava oji a cere, au sa taura matua a vakabauta; ⁸ Ia i ei sa maroroi me qou ai sala ni valavala dodonu o koya e na solia mai vei au a turaga ni lewa a dodonu; ia e sega vei au duaduaga, vei ira vakaadua era sa gumatua ina odra warakina jiko a ona rairai mai. ⁹ Gumatua mo lako vakatotolo mai vei au. ¹⁰ Ni sa biuji ko Timasa ni sa lomani vuravura, ka sa laki Cesalonaika; ko Kirisi ki Kalatia, ko Taito ki Talimetia. ¹¹ Ko Luke duaduaga sa jiko kei au; kauji Marika mai baleta ni yaga vei au ko koya ina cakacaka. ¹² Au sa talai Tikiko ki Efeso. ¹³ Ai tutuvi kau a biuta tu yani mai Tiroa vei Kipori, mo kuta mai ni ko sa lako vata mai kei nai vola; ai vola kuli ni manumanu mo nanuma mai. ¹⁴ Sa levu a meca ca sa valata vei au ko Alekisada a matai ni parasa. A Turaga ena sauma vua me vaka a onai valavala. ¹⁵ Mo qarauni talega mai vei koya; ni sa qjia vakalevu a weitou vosa ko koya. ¹⁶ Niu sa ka i au mada i mada ni sa sega bau a tamata sa tu vata kei au, era sa biuji au taucoko i meu kakua ni wili ina dua a meca. ¹⁷ Ia a Turaga sa tucake vata kei au, ka vakaveikauwaitakini au; me kilai sara ina vukuqu a meca sa vunautaki mera rogoca talega a veimatanitu tani; ni sa vakabulai au mai na gusu ni laione. ¹⁸ Na Turaga ena vakabulai au mai na ka ca kece sara ka vakabulai au kina ona matanitu vakalomalagi, me ia ina a vakarokoroko ka sega ni mudu, emeni. ¹⁹ Au sa loloma yani vei Perisila kei Akuila, vei ira talega sa lewe ni vale i Onesiforo. ²⁰ Sa jiko mai Koronica ko Erasito: ia au sa laivi Ierofimo mai Milito ni sa baca. ²¹ Gumatua mo mada mai ni se bera a vula liliwa. Sa loloma yani vei Upolo kei Putena, kei Laioni, kei Kilotia, kei ira taucoko a veiwekani. ²² Me jiko vata kei na yalomu a Turaga ko Karisito Jisu. Me omudou a loloma levu ni Kalou. Emeni.