¹ Me u tinia, o mudou a veiweani dou masulai eimami, me curuwaqe a vosa ni Alou qa vacaucau tai, me tautau vata vei emu dou. ² Me da masulainia me vei vabulai a turaga mai na oda malumalumu, vei edra a tamata yaloca, ni sa maqa vei edra a vabauta. ³ Ia a yalololoma ni Alou, sa sa maroroi emudou qa vatawai emudou mai na caacaa ni vunica. ⁴ Ia oitou sa vadinatia a turaga ena vuumudou, ni dou sa qai velee qa tomania a veia e varoti. ⁵ Ia me tubera mada a yalomudou a turaga, i na loloma, qa dau vosota me tautau vata ei Karisito. ⁶ O itou sa varoti io, ei emudou a vei weani e na yaca ni gone turaga o Jisu Karisito, mo dou uwa ni notu vata ei edra a vei weani o o dra sa dau vucesa, qa maqa ni tautauvata ai vavuvuli sa rogo vei eitou. ⁷ Ni sa iliili modou muri ei tou, ni tou sa maqa ni valavala vatani ina emudou maliwa. ⁸ Oi mai maqa ni rawa ni ania a magiti ei dua ni mami maqa ni saumia ni mami sa caacaa tu mai ni bogi ei na siga, sa dredre vei edra a tamata caacaa me dra vabi tainia vei emudou a odra leqa. ⁹ Mami velee ai ni maqa vei eimami a kaukauwa, ai balebale ni oimami velee, mei varaitai mo dou vamurimuri ei tou. ¹⁰ Ni oitou sa notu ei emudou, sa oi tou i varo ai veiemudou, me uwa ni ana o oya e maqa ni caacaa, ¹¹ Oi tou sa rogo e so vei emudou e velee no e so ai valavala vatani, qadra maqa ni caacaa, qa dra sa lai mautu tani, ¹² O odra sa veai, oitou sa varoti edra qa vamasuti edra ena vuu ni oda turaga o Jisu Karisito me dra no vamalua qa dra dau caacaa qa dra ania ga a edra. ¹³ Omudou a veiweani dou ua ni ceguoca na velee a a re. ¹⁴ Ia edua sa maqa ni talairawarawa ina oitou vosa inai vola ai, dou vatailaila tainia a tamata ana, uwa ni notu vata ei oya, me madua ina o oya. ¹⁵ Mo dou uwa ni nanumia ni meca o oya, mo dou vavulici oya ni tautavata ga ni we a mudou o oya. ¹⁶ Me qai soli no ga vei emudou a vacegu ni turaga ena a taucoo, qa me notu vata ei emudou a turaga. ¹⁷ O au o Paula, au sa volaga ai na oqu liga dina, o oya sa volai i nai vola a ena i vadinadina taucoo sa volai ina. ¹⁸ Me omudou a loloma ni turaga o Jisu Karisito. Emeni.