¹ Oitou sa qai vamasuti emudou, a veiweani, ena vuu ni ona laomai, a gone turaga o Jisu Karisito eina oda soqoni vata mai. Mo dou ua ni rawai rawarawa,se ² taqaya, mai na yalo, se i tutuu, se i vola e laomai vei ei mai,ni sa volea dina mai a siga i Karisito. ³ Me ua sara ni dua me vaaisini emudou, ena yaco mada a vuitani, nina varaitai mada a tamata ni valavala ca, a luve ni veivarusai. ⁴ O oya sa dau vorata sa dau valevulevui oya, me uwasivi cae ina ataucoo ni sa vatoai me Alou se dau soalou.sa dau notu i vale ni lotu, qa varaitai oya ni Alou. ⁵ Dou sa maqa bea ni nanumia niu sa notu vata ei emudou, qau aya ina vei emudou a a ai? ⁶ Ia mo dou ila a a e tarovia me varaitainia na ena gauna. ⁷ Ni sa caacaa vavuni niua a ca,ia e dua e tarovia no ga,me di tani waqe ve eya. ⁸ E na qai varaitai na vunica ana, o oya ena varusa a turaga, e nai cegu ni ona gusu, qa maqa ni dia mai vei oya e dua a,mai na ona vataila a ona lesu mai. ⁹ E na tautauvata a caacaa i setani na ona laomai, Sa velee ena kaukauwalevu, eina i vatailaila,ina vei a seseni, e veivaurabutai, ¹⁰ ei na a e maqa ni dodonu sa veivacalai,vei edra sa rusa ni dra sa rita ni lomania a a dina, medra bula ina. ¹¹ E na vuu ni a ai sa vatala no a veivacalai mana a A lou, medra va dinatia ina a a seni, ¹² me dra civoti ina o odra taucoo e dra maqa ni vabautia a a dina , qa dra gutia a a e maqa ni dodonu. ¹³ E dodonu me da solia no ga a vavinavinaa vei oya a Alou,vei emudou a veiweani dou lomania valevu a Alou, baleta a Alou e digitai ni e mudo mai nai vateivu mo dou bula ni dou sa vasavasava tai ena yalotabu, qa dou sa vabautia ina a adina. ¹⁴ Ni sa a civi emudou ina i tuutuure mo dou rawatia a ena vei vaalougata tai ni oda turaga o Jisu Karisito. ¹⁵ O oya mo dou qai tudei ina a veiweani, qa qumia vakaukauwa ai tuutuu dou sa vavulici ina, mai na vosa se ina i vola. ¹⁶ Ia na oda turaga o Jiusu Karisito, ei na Alou o tamada, o oya sa lomani eda, qa solia ina vei eda a loloma ei na vacegu e tawamudu, ei na i nuinui re. ¹⁷ Me vacegua mada a yalomudou, qa vadei tai emudou ena vosa eina caacaa re taucoo.