¹ O Paula, Silivenuse, ei Timoci i nai soqosoqo lotu mai cesolanaika sa tu vei oya a Alou o tamada ei na turaga o Jisu Karisito. ² Me omudou a loloma ei na vacegu maivei oya a Alou o Tamada ei na turaga o Jisu Karisito. ³ E dodonu meda dau vavinavinaa tainia no ga a Alou vei emudou a veiweani, baleta a omudou vabauta e tosotoso cae no ga, qa vauwasivi cae a omu dou veilomani vai emudou yadua. ⁴ O oya oitou sa vacaucautai ni emudou ina ina i soqosoqo lotu ni Alou, na omudou lomadei ei na vabauta ei na omudou vacacani taucoo, ei na vararawa tai dou sa vosotia. ⁵ I ai, ai vatailaila ni lewa dodonu ni Alou, modou lomadei ,modou yaga modou rawatia ina a matanitu ni Alou, o oya dou sa vararawa tai leqa ga ina. ⁶ Ni sa dodonu vei eya a Alou me saumi edra vararawa o odra sa vararawatai emudou. ⁷ Vei emudou leqa ga sa vararawa tai me vacegu vata ei etou, ni na varaitai mai lomalagi a turaga o Jisu ei edra a ona agilosi kaukauwa. ⁸ Ina yameyame ni buawaqa me civoti edra e maqa ni ila a Alou qadra maqa ni vabauta a gone turaga o Jisu ei edra vata a ona agilosi kaukauwa. ⁹ Sa odra totogi a veivarusai tawamudu mai na mata ni turaga mai na ona kaukauwa vaidina leqa ga. ¹⁰ Ni sa laomai o oya medra varoorootai ni oya o odra a o na tamata yalosavasava qa doai oya o odra taucoo sa vadinatia ina siaga ana ni sa vadinati a oitou i tuutuu vei emudou. ¹¹ O oya ai oi tou sa masulai emudou ina me vabauti emudou a oitou Alou, modou yaga mo dou rawatia a -a dou acivi ina, mo velee sara ena kaukauwa ni gagadre re taucoo, ei na caacaa ni vabauta. ¹² Me vacaucautai ina a yaca ni gone turaga o Jisu Karisito ena vuumudou , qo mudou leqa ga ina vuuna,me tautauvata ei na loloma ni Alou a gone turaga o Jisu Karisito.