¹ O oya ai au sa vadretia me ia mada a ereere, masumasu, a vimasulai ei na vavinavinaa na vuudra tamata taucoo, ² ve edra tui qa ve edra taucoo a viliutai, meda rawa ni no vacegu ina qa va di rorogo ina bula va alou qa iliili. ³ Ai e a re qa taleitai i na mata ni alou a oda i vabula. ⁴ A ona gagadre me da vabulai taucoo qa da lao mai meda ila sara ai vavuvuli dina. ⁵ Ni sa dua bau ga a Alou, qa dua bauga a dau vei sorovai na maliwa ni Alou ei na tamata, o oya a Turaga Karisito Jisu. ⁶ Sa soli ea me edra i voli a tamata tau coo, me tuuni yalotai ina a ena gauna dodonu. ⁷ Ai a vuna Au ma lesi ina meu ena i apositolo. Au aya no a a dina i Karisito--Au maqa ni seni. Au dau vivavulici ve edra ai matanitu tani ina vabauta ei na dina. ⁸ O oya, ana au gutia ina a turaga mai na vi vanua medra masu, lavetia cae a liga savasavae maqa ni tu ina a civo se viba. ⁹ Tautauvata leqa ga, au gutia a marama medra vaisulu i na i sulu e raorao ni dra sa loomi qa yalo matua. Me ua ni tali a drau ni ulu, se va koula se mata ni civa se i sulu sau levu. ¹⁰ Ia e ganita a marama me varaitainia a bula va alou i na caacaa re. ¹¹ A marama e dodonu me va rororgo ni vavulici qa va malumalumutai ni ea valevu sara. ¹² Ia au maqa ni vatara a marama me vi vavulici se viavia levu ve ea tagane ia me varorogo ga. ¹³ Baleta o Atama ma buli i mada qai muri o Ivi. O ¹⁴ Atama ma maqa ni temai o lewa ga qa vacalai ina. ¹⁵ Ia ena vabulai ni sa vasucu gone, e sa tudei na vabauta,ei na loloma ei na yalo savasava ei na yalo matua.