¹ O Paula, Silivenusi ei Timoci ei na i soqosoqo lotu o dra ai Cesalonaika mai ve ea a Alou a Tamada ei na Turaga o Jisu Karisito. Me notu ve emudou a loloma ei na vacegu. ² Oimami vavinavinaatainia a Alou i na vigauna taucoo, ina vuumudou, ni oitou dau cavuti emudou no i na vigauna ni oitou masu. ³ E maqa ni cegu a oitou dau nanumia i na mata ni Alou a Tamada a omudou caacaa ni vabauta, ei na caacaa i na loloma, ei na dei ni vararavi i na oda Turaga o Jisu Karisito. ⁴ A vitacini sa lomani mai ve ea Alou, oitou ila ni dou sa digitai mai ve ea Alou, ⁵ baleta a oda kosipeli e maqa ni lao mai ve emudou i na vosa walega, ia e na kaukaua leqa ga, mai na Yalo Tabu ni sa vadinaidnatai valevu. Me tautau vata ga, ni mudou sa ila a oitou i valavala i na vuudou ni oitou ma notu vata ei emudou. ⁶ Ia ni dou sa yaco modou va murimri eitotu ei na Turaga ni dou sa ciqomia a vosa i na vi vararawatai levu ei na marau ni Yalo Tabu. ⁷ Sa qai vavuna, modou i varaitai re ve edra taucoo a vabauta mai Masitonia ei Akaia. ⁸ Mai ve emudou sa rogo vai waqe ina a vosa ni Turaga, qa maqa walega i Masitoni ei Akaia, ia i na vivanua taucoo ga sa rogo waqe ina a omudou vabauta a Alou. ⁹ O oya ana sa maqa leqa ina ni yaga me tou aya ina e dua a. Ni dra sa vatusa ga mai vai edra ai valavala ni oitou lao mai ve emudou. Edra talanoatainia a omudou vui tani mai na qaravi matakau i na Alou bula qa dina. ¹⁰ Edra aya ni mudou warainia no a Luvena mai lomalagi, o oya ma vatucaetai ni ea mai na mate.