1
I Ceofilo, qu volaiya na I vola I mata, qei niya na kwa taucoko ga me tekivu na vi vavulici a vaveya o Jisu;
2
me yacoviya na siga a la cake ke o keya, no vo tauciya devu na yalo Tabu na leya I varo vuwadru na leya I apositolo, o rau na djigitaki niya:
3
a vo vatakeya muni vuwadru,ni vo levu na leya I va djinadjina, no vo cola tale mai I na leya mate, e dau rairai vuwadru me bogi vasaga vulu, me tatataki niya na kwa bale jiya na matanitu ni Kalou.
4
Io, ni ru vo soqoni vata qei nidru, e varojidru meru kuwa ni ladai mai Jeruisalemi, meru waciya ga na leya tata ni talatala o Tamaya, o keya, a mutu varogo mai vuwako au:
5
e djina ni dau vi vavitaisotaki o Joni I na wai; e bogi vica ga, mutu na qai vavitaisotaki I na YaloTabu.
6
A ru qai soqoni vata a ru tarogiya, aru kwa, o mutou na Turaga, mutu vo vaveya vuwadru na Isireli meru matanitu tale na gauna I kwe, se jikai?
7
A kwa vuwadru o keya, e tasi lemutou me mutu kila jiya na keya gauna, se na keya yabaki, e lewaiya takiya ga ke o tamaqu:
8
mutu na rewajiya na kaikai, no vo lamai vuwako mutou na Yalo Tabu; mutu na qai tukuniko au mai Jerusalemi, qei niya o Jutia taucoko,qei niya o Samaria, me yacoviya na I talatala I vuravura.
9
Ni vo kwa devu na vi kwa I kwe o keya, a qai kau cake, ni ru vo vadaniya no; e kiya na o e vatukolo hiya mai eru mata.
10
Ni ru tola makuga I lomalagi, ni vo la yaji o keya, daniya, e ruwa na tamata e ru no voleka vuwadru e ru vai sulu bucobuco;
11
aru kwa, o mutou na kwai Kalili, mutu tu mutu qai tola makuga I lomalagi na vuku ni cava? o Jisu I kwe o keya e mei dai cake vuwako mutou I lomalagi, e na la tale mai me kodaki ke ni mutu daniya ni la I lomalagi.
12
A ru qai lesu tale I Jerusalemi I na yataga a va yaca ke na violive, e voleka I Jerusalemi e kodaki ga na keya va yawa ni dau lai yatovi na siga ni vavacegu.
13
Ni ru vo unu I yaloga, eru vo cabe I na taba ni were I yata, eru dau no ke, o Pita, qei niya o Jemesa, qei niya o Joni o Adriu, o Filipi, o Tomasi o Pacolomio, o Maciu, o Jemesa o luveya coalition, qei niya oSaimono e kiya va tokoniya me jiya na gumatuwa, qei niya o Jutasa la tacini o Jemesa.
14
E ru vo gummi kali o rau taucoko ga I kwe aru vo yalo vata na kerekere qei niya na masu, qei nidru muni na lewa, o Meri na leya nene o Jisu, qei nidru na leya tacini.
15
Na gauna I gi, a tucake ke o Pita kedru vi mama na vi wekani(e go wili vata eru yaca e ru bara kiya na drauruwasaga vulu) a vo kwa,
16
o mutou na vi wekamu, e dodonu me va yaco na jiki ni vola tabu I kwe, a tatataki niya na YaloTabu ve gusu o Tevita, e vuku o Jutasa, o keya a simata taki nidru o rau na qulumiya o Jisu:
17
nidu vo wili vata qei niya o keya, a vo lesi I na cakacaka I kwe.
18
(Na tamata I kwe e voliya e kiya na jiki ni vanuwa I nai vola ni leya I valavala ca; a lutu a saumaki niya I ra, a kwacabote e kete, a sure taucoko ga e wawa:
19
e lai kilai na kwa I kwe vuwadru taucoko ga na nokoto mai Jerusalemi: a vatokai ke na jiki ni vanuwa igi na ledru tata, Akelitama, o keya igi, na vanuwa ni dra.)
20
Ni vo volai na I vola ni Same, Me lala djidji na leya were, me kuwa na tamata me no ke: io me kani kiya me qulu na leya I tavi.
21
O keya e dodonu ke, me kiya re vuwadru na tamata me no qaneko datou I na gauna taucoko ga no qaneko datou ke na Turaga o Jisu,
22
a vo tekivu mai na vavitaiso o Joni, me yacoviya na siga a la cake vuwako datou o keya, me lesi o keya me kwa vata qei niko datou na leya tu cake tale mai na mate.
23
A ru vo lesiya eru ruwa, o Josefa va tokai o Parisapa, e yaca muni oJusitu, we niya o Mataisa.
24
A ru qai masu aru kwa, O mutou na Turaga, o vo kila jiya na yalo ni tamata taucoko ga, no vatakeya mai o cei vuwadru ikwe o vo djigitaki niya,
25
me leya I tavi na cakacaka va I apositolo I kwe, a vo sivi dai mai ke o Jutasa, me la I la yasana.
26
A ru qai va wiri madjigi balejidru, a vo reba co Mataiasa; a vo wili vata ke o keya qei nidru na I apositolo eru jina ruwa.