1
Ia ni vo cava mai na siga ni penitiko, a ru vo no yalo vata o rau taucoko ga e kiya e tavo.
2
A qai la va sauri mai lomalagi e kiya na I rorogo, e kiya na cagi kaikai, e va vuqa niya na were taucoko e ru nokoto ke.
3
A lai dani vuwadru e kiya na kwa e kodaki na mudre ni quto e ru vi se yaki, a no vuwadru yakiya ga.
4
A no taucoko ga vuwadru na Yalo Tabu, a vo tekivu meru tataki niya na tata ni vanuwa kani kiya, me kodaki e soliya vuwadru na Yalo Tabu meru kwa.
5
A ru no mai Jerusalemi na kwai Jutia e yavalu, na tamata lotu, I na vi vanuwa taucoko ga e ruku o lomalagi.
6
Ni vo rogo yaji na kwa I kwe, a ru soqo vata na tamata wara, a karacidru ni ru kala va rogo na tamata yakiya niru tatataki niya na leya I tukutuku.
7
A karacidru taucoko ga, aru kwa vai nidru, daniya, eru tasi kwai Kalili o rau e ru tata no?
8
I vai e kodaki o datou ni du vo varogo o datou taucoko ga, na ledu tata a du sucu qaneya?
9
(o ray na kwai Pericia, qei niya o Mitia, o Ilama,qei nidru na nokoto mai Mesopotemia, o Jutia o Kapatosia, I Ponito, qei niya o Esia, I Firijia,I Pamifilia, I Ijipita, qei niya na yasayasa va Lipea e voleka I Kirini, qei nidru na vunilagi amit Roma, o rau na kwai Jutia, qei nidru na vo vuki I na lotu va Jiu,
11
o rau na kwai Kiriti qei nidru na Arapea,) ni du rogocidru na kwa eru kwa I na ledu I tukutuku na leya cakacaka ni vi va kurabuitaki na Kalou.
12
A karacidru taucoko ga, eru taqwaya, aru vo kwaliraki nidru, na cava na keya I balebale ni kwa I kwe?
13
A ru va rivariva cidru tale eru yavalu, aru kwa,Eru mateni i na waini vou.
14
A qai tu cake o Pita, qei nidru na lewe jina duwa,a kulataki niya cake e domo, a kwa vuwadru, o mutou na kwai Jutia, qei niko mutou no I Jerusalemi,me mutu kila jiya na kwa I kwe, no varogo na lequ tata:
15
niru tasi mateni o rau I kwe, me kodaki na kwa mutu numiya; no vo jiya I katolu ni auwa.
16
Na kwa ga I kwe a kwa na parofita o Joeli:
17
A kwa na Kalou, e na cava na gauna mai bere, qu na sovajiya qu yalo vuwadru na tamata taucoko ga: eru na parofisai o rau na lemutu I luve teigwane qei nidru na lemutu vulau, e na daniya e yavalu na kwa o rau lemutu suravou ,eru na tadra taki niya e yavalu na kwa o rau na qase:
18
Io o muni na lequ tamata qei nidru na vada. Qu nq sovajiya qu yalo I na gauna igi, eru na parofisai ke:
19
Qu na vatakeya na kwa e va karaciko datou mai lomalagi I yata, qei niya na vi vatakei I na vuravura I ra; na dra, qei niya na quto mudre, qei niya na o:
20
E na vuki na mata ni siga me gilogilo, qei niya na vula me dra, e na qai cava mai bere la siga o Jiova, e levu qai rogo no:
21
E na cava, o keya yakiya e masu jiya e yaca o Jiova, e na cola.
22
O mutou na tamata na Isireli, varogo na tata I kwe; O Jisu kwai Nasareci, na tamata e va djinadjinataki niya vuwako mutou na Kalou na cakacaka mana, qei niya na vi vakurabuitaki, qei niya na vi vatakei e yavalu, e soliya na Kalou vuwa o keya me vaveya i na kemutu vi mama, me kodaki mutu vo kila jiya:
23
o keya, no vo soli devu vuwako mutou, me kodaki ni vo nakijiya devu na Kalou na kwa e lewaiya i mata, mutu qulumiya mutu vako jiya i na kauvelatai va mate niya eru lima na tamata bura;
24
o keya a va tuniya na Kalou, ni vo serekiya na i vau ni mate; evo tasi rewa ni vauci no ga ke o keya.
25
Ni vo tataki jiya o Tevita, a kwa, qu daniya o Jiova ni nokoto ga ve qu mata, no vo no o keya ve qu lima i matau, mequ tasi savu rewa ke:
26
O keya e marau ke qu yalo, e marau ke qu ma;E va cegu muni ke qu vuliciko i na lequ i nuinui.
27
O mutou mutu na tasi biujiya qu yalo i etesi, se dainiya na lemu kiya ga yalo savasava me vuca:
28
O vo vatakeya mai na calevu ni cola; o na va vuqa niya mai voko au na marau mai vuwa mu mata.
29
O mutou na vi wekamu, mutu vosojiya ni qu doudou mequ kwa bale jiya o Tevita na qase vuwako mutou, a vo mate o keya a bulu, e no tu ga voko datou naleya I bulubulu me yacoviya na siga ikwe.
30
Ni vo parofita o keya, avo kila jiya na leya bubului vuwa na Kalou, e na tubu mai vuwa o keya na Karisito, me kodaki e lewe, me no lai nono vaturaga:
31
Ni vo kila jiya i mata, ni vo kwa na leya tucake tale mai na eri te na Karisito, e na tasi dai tu mai i etesi, se vica e lewe.
32
O Jisu I kwe va tu niya na Kalou, a jiya i va djinadjina ni kwa ikwe o madou taucoko ga.
33
Ni vo kau cake ve lima i matau na Kalou, a rewajiya o keya mai vuwa o Tamaya na Yalo Tabu a yalataki niya, a qai sova jiya na kwa ikwe, mutu qai daniya mutu qai varogo.
34
Ni vo tasi la cake i lomalagi o Tevita; a kwa o keya, A kwa o Jiova vuwa na lequ Turaga, Mo nokoto ve qu lima i matau,
35
Mequ va malumalumu taki nidru re na lemu meca me jiya tutu qu la.
36
O keya ikwe, meru kilajiya na mataqwali i Isireli, o Jisu ikwe, o keya mutu vakojiya i na kauvelatai, a lesiya na Kalou me Turaga me Karisito tale ga.
37
Ni ru vo varogo, ni vo lai tabu eru yalo, aru kwa vuwa o Pita qeinidru nai apositolo eru vo, "O mutou na viwekamu, na cava me madu vaveya?"
38
A qai kwa vuwadru o Pita, mutu vivutuni, mutu vavitaisotaki, o mutou yakiya, e yaca o Jisu Karisito, me boko ke na lemutu i valavala ca, mutu na rewajiya na Yalo Tabu me i solisoli.
39
Nivo vai vuwako mutou na tata ni yalayala, vuwadru muni na lemutu i luve, vuwadru na no vayawa, vuwadru yakiya na covidru vuwa na Turaga na ledu Kalou.
40
E vo levu tale na tata a kwa o keya a varojiya, a kwa, Mutu va cola niko mutou mai vuwadru na i taba tamata take iqoi.
41
O rau eru vabaujiya na leya tata, eru na vavitaisotaki: me keya I kuri vuwadru na vo lotu i na siga igi eru bara tolu na udolu na tamata.
42
Aru qwaraviya makuga na ledru i vavuvuli nai apositolo qeiniya na vilomani, qeiniya na dovi madrai, qeiniya na manumanu.
43
aVo kanidru taucoko ga na mataku; e levu na kwa e vi va kurabui taki qei niya na va takilakila eru vaveya o rau na i apositolo.
44
O rau taucoko ga eru vabaujiya eru no vata, aru kala soliya na ledru i yau meru lewaiya vata;
45
ru volitakiniya na ledru vanuwa qeiniya na ledru i yau, aru votaiya vuwadru taucoko ga, me kodaki na ledru dravudravuwa.
46
Aru gumaikali sara na la na were ni lotu ina visiga, aru yalo vata, aru dovi madrai ina viwere, aru kaniya na kedru i na marau qeiniya na yalo djina,
47
a ru va okaoka no vuwa na Kalou, aru oka jidru na tamata yakiya ga. Na Turaga a vai viritaki niya vuwadru na i soqosoqo lewe ni lotu, ina visiga, na tamata eru vo vacolai no.