¹ Zwino kha hezwi zwi no kwama u kuvhanganya ha vhathu vhakhethwa vha Mudzimu: ndo laedza gereke dza Galata, na inwi itani zwenezwo. ² Nga ḓuvha la u thoma la vhege, munwe na munwe wanu u tea u vheya tshinwe nga thungo na u tshivhulungu uri a kone u anḓa. Ni zwi ite uri hu sa ḓovha na guvhanganyo musi ndi tshi ḓa. ³ Musi ndi tshi swika, kha vha ne na ḓo khetha, nne ndi ḓo vhanea marifhi a nḓivhadzo khavho na u vha ruma na dzi mpho dzavho Yerusalema. ⁴ Arali zwo itea na nne ndi ṱuwe, vha ḓo ṱuwa na nne. ⁵ Fhedzi ndi ḓo ḓa kha inwi musi ndi tshi fhira nga Masedonia. Ngauri ndi ḓo fhira nga Masedonia. ⁶ Nṱhamusi ndi ḓo dzula na inwi nda fhedza vhuria, uri ni kone u nthusa lwendoni lwanga, hunwe na hunwe hune nda ya. ⁷ Hone a thi tami u ni vhona zwino ndi tshi dala zwa tshifhinganyana. Ngauri ndi na lutamo lwa u fhedza tshifhinga tshinzhi ndi na inwi. arali Murena vha tshi ntendela. ⁸ Fhedzi ndi ḓo dzula Efesa u swika Pentekhoste, ⁹ ngauri voti lo a ṱamaho lo vulelwa nne, na hone huna vha hanedzi vhanzhi. ¹⁰ Zwino musi Timoti a tshi ḓa, vhonani uri u na inwi a sa ofhi, nga uri u khou shuma mushumo wa Murena, sa zwine nda ita. ¹¹ Hu so ngo vha na ane a munyadza. Muthuseni lwendoni lwawe nga mulalo, uri a kone u ḓa kha nne. Ngauri ndo mulindela uri aḓe na vhakomana vhawe. ¹² Zwino kha hezwi zwino kwama mukomana washu Apolosi, ndo mu ṱuṱuwedza nda tou khwaṱhisa uri a ni dalele na vhakomana. Fhedzi hovha hu si lutamo lwanga uri a ḓe zwino. Ngauralo, u ḓo ḓa musi tshifhinga tsho swika. ¹³ Ni sedzuluse, farelelani lutendoni, itani sa vhanna, ni khwaṱhe. ¹⁴ Zwoṱhe zwine na ita zwi iteni nga lufuno. ¹⁵ Ni khou ḓivha muṱa wa Stefanasi, uri wovha mutshelo wa uthoma wa Akhaya, na uri vho ḓi kumedza kha u shumela vhakhethwa vha Mudzimu. Ndi khou ni ṱuṱuwedza, vhakomana, ¹⁶ uri ni ḓi nekedze kha vhathu vha no nga vhenevhona vhoṱhe vhane vha tikedza kha mushumo na vhane vha shuma na rine. ¹⁷ Ndi khou takala nga u ḓa ha Stefanasi, Fortunatasi, na Akhashiyasi. Vho vala u savha hone ha vhoinwi. ¹⁸ Ngauri vho kona u netulusa muya wanga nanu. Ngauralo tendani vhanonga vhenevho. ¹⁹ Gereke dza Asia dzo rumela ndumeliso kha vhoinwi. Akwila na Priska vha kho ni lumelisa Murenani, na gereke dzi re mahayani avho. ²⁰ Vhakomana vhoṱhe vha khou nilumelisa. Lumelisanani nga khisi khethwa. ²¹ Nne, Paulo, ndi ṅwala izwi nga tshanḓa tshanga. ²² Arali ahone asa funi Murena nda semwe. Murena washu , iḓa! ²³ Tshilidzi tsha Murena tshi vhe na vhoinwi. ²⁴ Lufuno lwanga luvhe na inwi noṱhe kha Khristu Yeso.