¹ Zwino ndi khou toḓa uri zwi ḓivhiwe kha vhoinwi, vhakomana, mafhungo maḓifha ala e nda ni ḓivhadza, e na ṱanganedza na u ima khawo, ² na hone ndi one a ne na ḓo tshidzwa ngawo, arali na farelela no khwaṱha kha lipfi le nda ni funza inwi, nga nṱhani ni sina lutendo lwa vhukuma. ³ Ndi khou swikisa kha vhoinwi zwa uthoma zwa ndeme zwe nda ṱanaganedza, uri Khristu ofela zwivhi zwashu hu u tevhedza manwalo, ⁴ uri o vhulungiwa, na hone a vuswa nga ḓuvha lavhuraru hu u tevhedza manwalo. ⁵ Khristu o ḓi bveledza kha Kefasi, na kha vha fumi na mbili; ⁶ hone a ḓi bveledza kha vhathu vhafhira maḓana maṱanu nga khathihi. Vhunzhi vhavho vha kha ḓi tshila fhedzi vhanzhi vhono eḓela. ⁷ A ḓo ḓi bveledza kha Jakopo, na kha vhaapostoli vhoṱhe. ⁸ Lwa u fhedzisela o ḓi bveledza kha nne, sa kha uyo o bebwaho a lumongwe. ⁹ Ndi nne muṱuku kha vhaapostoli. A thi tei u vhidzwa muapostoli ngauri ndo vha mutovholi gerekeni ya Mudzimu. ¹⁰ Fhedzi tshilidzi tsha Mudzimu tsho nnyita izwi zwi ne ndavha zwone, na tshilidzi tshawe a tshi ngovha tsha fhedzi. Ngauri ndo shumesa nga mannḓa u fhira vhoṱhe. Hone ho vha hu si nne, fhedzi tshilidzi tsha Mudzimu tshi na nne. ¹¹ Ngauralo kana ndi nne kana ndi vhone, ri khou funza na inwi na tenda. ¹² Zwino arali u vuswa vhafuni ha Khristu ho ḓivhadzwa, ndi ngani vhanwe vhanu vha tshiri a huna zwa u vuwa ha vhafu? ¹³ Fhedzi arali husi na u vuwa ha vhafu, ndi zwa uri na Khristu ho ngo vuswa; ¹⁴ na hone arali Khristu a songo vuswa, ndi zwa uri pfunzo yashu iyi ndi ya fhedzi, na lutendo lwanu lone ndi lwa fhedzi. ¹⁵ Nahone, ri ḓo wanala ri vha zwifhelaho Mudzimu, ngauri ro ṱanziela uri Mudzimu ndi ene o vusaho Khristu vhafuni. Fhedzi ha ngo muvusa, arali nga ngoho vhofaho vhasingo vuswa. ¹⁶ Hone arali vhofaho vha songo vuswa, na ene Khristu ho ngo vuswa; ¹⁷ na uri arali Khristu a songo vuswa, lutendo ndi lwa fhedzi na inwi ni kha ḓi vha kha zwivhi zwanu. ¹⁸ Na havho vho eḓelaho kha Khristu vho no ḓi lovha. ¹⁹ Arali kha vhutshilo vhuno ri tshi lavhalela kha Khristu, kha vhathu vhoṱhe ndi vho rine ri no ḓo pfelwa. ²⁰ Fhedzi zwino Khristu o vuswa vhafuni sa mutshelo wa u thoma wa avho vho eḓelaho. ²¹ Vhunga lufu lo ḓa nga muthu, sa zwenezwo u vuwa ha vhafu hu ḓo ḓa nga muthu. ²² Ngauri kha Adamu vhothe vho fa, na Khristu vhothe vha ḓo itwa vhatshilaho. ²³ Fhedzi nga u tevhekana havho: Khristu ene wa tanzhe, na a vho vhare vhawe vha ḓo itwa vhatshilaho kha u ḓa hawe. ²⁴ Hone zwi ḓo ḓa na vhufhelo, musi a tshi ḓo kumedza muvhuso kha Mudzimu ene Khotsi, musi a tshi fhelisa muvhusona vhurangaphannḓa hoṱhe ha mannḓa. ²⁵ Hone u ḓo vhusa u swikela a tshi vhea maswina awe oṱhe nga fhasi ha milenzhe yawe. ²⁶ Swina la u fhedzisela uri likundwe ndi lufu. ²⁷ Hone ''o isa zwoṱhe nga fhasi ha milenzhe yawe.'' Fhedzi musi hu tshi pfi, ''o isa zwoṱhe,'' zwi khou vhonala uri izwi azwikwami ari ene o isa zwoṱhe kha vhulango huri fhasi hawe. ²⁸ Musi zwithu zwoṱhe zwo no langwa fhasi hawe, ndi hone ene mune a tshi ḓo langwa nga fhasi ha uyo o isa zwithu zwoṱhe kha vhulango fhasi hawe, ene Mudzimu u ḓo vha zwoṱhe kha zwoṱhe. ²⁹ kana uri niri mini nga avho vholovhedzelwaho vhofaho? Arali avho vhafu vha sa ḓo vuwa na luthihi, ndi ngani vha tshilovhedzwa vhone? ³⁰ Ndi ngani ri khomboni awara inwe na inwe? ³¹ Ndi khou fa ḓuvha limwe na linwe! Izwi zwi tou nga afho ndi tshi ḓi hudza nga vhoinwi, na kha Khristu Murena washu zwo tou ralo. ³² Ndi khou wana mini, u bva kha ku vhonele kwa vhathu, arali ndi nga lwa na zwivhanda ngei Efesa, vhathu vha sa vuwi? ''Ari leni na u nwa, hufha matshelo ri khou fa.'' ³³ Ni songo fhurwa: ''Khonani mmbi dzi bvisa mikhwa yavhuḓi.'' ³⁴ Dzi vhuluwani! Tshilani no luga! Ni songo hana ni tshi tshinya.Ngauri vhaṅwe vha vhoinwi avhana nḓivho nga Mudzimu.Ndi khou amba izwi uri ni vhe na ṱhoni. ³⁵ Fhedzi vhanwe vha ḓo ri, ''Vha ḓo vuswa hani vhofaho nahone vha ḓo ḓa vhe kha mivhili ḓe?'' ³⁶ lwe tsilu! Tshine wa zwala tshi singa ḓi kha vhutshilo nga nṱhani tshi thome tshife. ³⁷ Tshine wa zwala a si tshone muvhili, fhedzi ndi thoro zwayo. lnga ḓivha ya goroni kana inwe vho. ³⁸ Fhedzi Mudzimu u ḓo tshi nea muvhili ane a tshi nanga, na mbeu inwe na inwe kha muvhili wayo. ³⁹ Asi yoṱhe nama ine ya fana. Ngauri, nama ya vhathu ndi nthihi, na inwe ya dziphukha, na inwe nama ya zwinoni, na inwe ya khovhe. ⁴⁰ Huna mivhili ya liṱaḓulu na mivhili ya fhasi. Fhedzi vhugala ha muvhili wa taḓulu ho siyana na vhugala ha muvhili wa fhasi. ⁴¹ Huna vhugala vhuthihi ha ḓuvha, na vhuṅwe vhugala vha ṅwedzi, na vhuṅwe vhugala ha naledzi, Naledzi iṅwe na iṅwe i khou siyana na inwe kha vhugala. ⁴² Zwo tou ralo na kha u vuwa ha vhafu. Tsho zwaliwaho tshi a tavhanya u tshinyala na tsho vusiwaho tshi a thavhanya u tshinyala. ⁴³ Tsho zwalwa nga u nyadzeya; tshi ḓo vuswa nga vhugala. Tsho zwalwa nga u shaya nungo ; tshi ḓo vuswa nga mannḓa. ⁴⁴ Muvhili wo zwalwa nga tsiko yawo; u ḓo vuswa u muvhili wa muya. Arali huna muvhili wa tsiko, na muvhili wa muya u hone. ⁴⁵ Ngauri ho nwalwa uri, ''Adamu muthu wa u thoma ovha muya wo tshilaho.'' Adamu wa u fhedzisela ovha muya u neaho vhutshilo. ⁴⁶ Fhedzi muya awu ngo ḓa u thoma fhedzi tsiko, muya wa tevhela. ⁴⁷ Muthu wa u thoma ndi wa fhasi, o vhumbwa nga buse. Muthu wa vhuvhili ubva ṱaḓulu. ⁴⁸ Sa hezwo uyo o vhumbwa nga buse, sa havho vho vhumbwa nga buse, na uri muthu wa ṱaḓulu o tou ralo, na avho vhaṱaḓulu vha hone. ⁴⁹ Unga rovha ri na tshifanyiso tsha muthu wa buse, ri ḓo anwa tshifanyiso tsha muthu wa ṱaḓulu. ⁵⁰ Zwino ndi khou ri, vhakomana, iyo nama na malofha zwi nga sikone uwana muvhuso wa ṱaḓulu. Na tshi ṱavhanyaho u tshinyala tshi singa koni u wana tshi sa ṱavhanyi u tshinyala. ⁵¹ Sedzani! Ndi khou ni vhudza tshiphiri: Ri nga si e ḓeli roṱhe, fhedzi roṱhe ri ḓo shandukiswa. ⁵² Ri ḓo shandukiswa khathihi, nga u poidza ha iṱo, kha phalaphala ya u fhedzisela. Afho phalaphala i tshi lila, na vhafu vha ḓo vuswa vha songo tshinyala, na rine ri ḓo shandukiswa. ⁵³ Hone uyu muvhili wo tshinyalaho u ambara tshi sa tshinyaliho, na uyu muvhili wa nama u tea u ambara muvhili usi ri wa nama. ⁵⁴ Fhedzi uyu muvhili u tshinyalaho wo no ambara uyo u sa tshinyalaho, na musi uyu muvhili u faho wo no ambara uyo muvhili u safiho, ndi hone hu tshi ḓo ḓa i zwo zwo nwaliwaho uri, ''Lufu lo midzwa nga gundo.'' ⁵⁵ ''Lufu, gundo lawu li ngafhi? Lufu luvholela lwau lwu ngafhi?'' ⁵⁶ Luvholela lwa lufu ndi tshivhi, na mannḓa a tshivhi ndi mulayo. ⁵⁷ Fhedzi ndivhuwo ivhe kha Mudzimu, a ne ari nea gundo nga ene Murena Yeso Khristu! ⁵⁸ Ngauralo, vhakomana vhanga vha ne nda funa, khwaṱhani ni songo dzinganea. Ḓinekedzeni kha mushumo wa Murena, ngauri ni a zwi ḓivha uri mushumo wanu kha Murena a si wa fhedzi.