¹ Yaz stăngz nyăngz pyeoz toic lex! naih za stênx stengb pong nây stâyv sangc, "năngx gâyf zengx zeen nzuf stiz naih singx lingh, oix zuc stâyv mangc, toix laiv tauh singx lingh, six tăng Tênb-Hungh phunz taih. ² Nây six phunz pănh hayh stâyv tuz saz singx-lingh, tăng Tênb-Hungh phunz taih; "laiv tauh singx lingh nhlimc coong, "Njâuv Zâu Yê-su nzac taih pênx tauh bamh munh, woax tauh singx lingh six tăng Tênb-Hungh taih. ³ Six laiv tauh singx lingh max nhlimc Yê-su six ayx Njâuv Zâu, woa tauh six tăng manđ Hungh taih. nănh six cloon Njâuv Zâu Tênb-Hunggh ayx yônz zaz. nyâuh numđ lănv coong cayx taih woax tauh, nâyx zanyf nănh seenz hynđ yangh seetb taih yămz nây stâyv sangc nzof gôh.. ⁴ Stăngz nyăngz sây lex! Nyâuh săngh Tênb-Hungh nyăngz munh, yămz nyâuh cah njaf woax tauh, six năngx lub têx, yămz nây bamh canz woax tauh, songđ phunz nyâuh tuz hingh stâyv sangc. ⁵ Stiz songc bamh canz munh, stiz songđ coong lêpc stâyv sangc munh, yâuc oix mungv munh lănv stâyv sangc nyăngz jau. ⁶ “Pănh six songc Tênb-Hungh nyăngz munh, laiv lanh pâyz Tênb-Hungh songđ oix mungv pănh lănv, laiv lanh max zâyf Tênb-Hungh nyăngz munh, nănh songđ max nyunc mungv pănh. pănh songđ saz tuz laiv tauh six seenz, laiv tauh six za. ⁷ Stăngz nyăngz pyeoz lex! Pănh six zuc lanh stăngz lanh, wâyc zuc tinyh stăngz six tăng Tênb-Hungh taih, laiv lanh stăngz munh, six pênx Tênb-Hungh sây, yâuc pâyz Tênb-Hungh. ⁸ Laiv lanh max stăngz munh, six max saz Tênb-Hungh, wâyc Tênb-Hungh six ayx stăngz munh nyăngz coonz tay. ⁹ Tênb-Hungh payb phunz pănh pâyz tuz nănh stăngz munh six năngđ nâyx, nănh sađ nănh tauh toonz ,nzac bamh canz taih, wâyc phunz pănh coouv nănh nyăngz toonz songđ tuz mengc săngh. ¹⁰ Tinyh stăngz six năngđ nâyx, max zâyf pănh stăngz Tênb-Hungh, six nănh stăngz pănh, songđ sađ nănh nyăngz toonz taih ayx stanyb lanyh tayv pănh stoif. ¹¹ stăngz nyăngz yâuf pez lex, six coong Tênb-Hungh seenz stăngz tuz đungx nâyx têx, pănh seenz hopđ zuc lanh stăngz lanh. ¹² Max zengx naih mănv phătc quaix Tênb-Hungh, six coong pănh năngđ lanh stăngz lanh têx, Tênb-Hungh nyăngz stăngz songđ yămz pănh nyăngz nyâuđ cah njaf clakx clunh. ¹³ Pănh tinyh đoih songđ pâyz pănh săngh yămz Zâu Tênb-Hungh cah njaf, nănh yâuc săngh yămz pănh cah njaf. wâyc zuc nănh sađ singx lingh phunz pănh. ¹⁴ Buz phătc quaix songđ ayx zanyx manyf lănv coong, "nzangc pha paiđ nănh nyăngz toonz taih ayx bamh munh nyăngz Njâuv Zâu. ¹⁵ Laiv lanh nhlimc Zâu Yê-su ayx Tênb-Hungh nyăngz toonz, Tênb-Hungh songđ yămz woax lanh munh cah njaf, woax lanh munh yâuc săngh yămz Zâu Tênb-Hungh cah njaf. ¹⁶ Pănh songđ zeen coong Tênb-Hungh stăngz pănh, Tênb-Hungh yâuc ayx stăngz munh nyăngz coonz nengx, laiv lanh muif dlih stăngz munh, woax tauh yâuc stăngz nănh nyăngz yâuf pez, woax tauh yâuc tuz cloon Tênb-Hungh songc mengc săngh, Nzof Tênb-Hungh yâuc cloon nănh songc mengc săngh. ¹⁷ Tênb-Hungh six stăngz pănh tauv tauh tauv mâyv, tauv stămđ stoif woax noib pănh songđ max numđ cumh nzav, tuz pungx stymz yămz nănh nyăngz cah đangc. Wâyc zuc Njâuv Zâu yămz năngđ laix, pănh săngh yămz gungh đi six năngđ nănh nâyx. ¹⁸ Tuz Tênb-Hungh stăngz pănh, pănh songđ max zuc cumh nzav laiv hungđ, Tênb-Hungh stăngz pănh tauv tauh, cumh nzav nyăngz jau, songđ tyuv gâyh pănh nzuf, wâyc zuc cumh nzav six cumh nzav hayh zuc tingc stoif, wâyc zuc laiv lanh năngx cumh nzav, songđ max zengx tuz Tênb-Hungh stăngz nănh. ¹⁹ Pănh lanh stăngz lanh six wâyc Tênb-Hungh stăngz pănh đangc. ²⁰ Laiv lanh coong, “yaz stăngz Tênb-Hungh, six nănh năngx hănđ yâuf pez, woax tauh six cungb puv maoh coong, wâyc zuc laiv lanh mangc max phătc nănh nyăngz yâuf pez, nănh yâuc mangc max phătc tuz Tênb-Hungh. ²¹ Njâuv Zâu phunz nâyx tyuh lanyf pănh, six coong laiv lanh stăngz Tênb-Hungh, yâuc zuc stăngz cloon nănh nyăngz yâuf pez.