5 ¹ Nây six A-đam sây stunz nyăngz phănx mengc tanz, Tênb-Hungh zâyx munh taih woax zanyf, Nănh songđ âyz Nănh nyăngz hanyh jangx zâyx tauh munh taih năngđ Nănh. ² Nănh zâyx pênx tauh munh baox munh sab taih, zâyf sađ pôz phunz nănh stiz, yâuc oonz bux phunz nănh stiz hipđ ayx bamh munh. ³ A-đam yămz tuz ah pez stamx săpc nyăngv, nănh năngx stengb tuz ah tauh toonz taih, nănh năngx oonz bux hipđ ayx Sêtv. ⁴ A-đam stengb tuz Sêtv blătc, nănh năngx yămz tuz pêtz pez nyăngv. nănh năngx stengb tuz toonz sab. ⁵ A-đam yămz tuz zu pez stamx săpc nyăngv nănh songđ quaix stâyv. ⁶ Sêtv yămz tuz ah pez cloon pyaz nyăngv, nănh songđ stengb tuz lanh toonz taih nănh oonz bux hipđ ayx Ê-nokv. ⁷ Stengb Ê-nokv blătc, Sêtv năngx yămz tuz pêtz pez cloon nhlic nyăngv, nănh năngx stengb tuz toonz sab taih pâu. ⁸ Sêtv, nyăngv tauh yămz tuz zu pez săpc nyâyc nyăngv nănh songđ quaix stâyv. ⁹ Ê-nokv yămz tuz zu săpc ngâuf nyăngv nănh stengb tuz ah lanh toonz nănh oonz bux hipđ ayx Cê-nan. ¹⁰ Ê-nokv stengb tuz Cê-nan blătc nănh năngx yămz tuz pêtz pez cloon săpc ngâuf nyăngv. nănh năngx stengb tuz toonz sab taih pâu. ¹¹ Ê-nokv yămz tuz zu pez cloon pyaz nyăngv nănh songđ quaix stâyv. ¹² Cê-nan yămz tuz jeetb săpc nyăngv nănh songđ stengb tuz ah tauh toonz taih nănh oonz bux hipđ ayx Ma-ha-la-le. ¹³ Cê-nan stengb Ma-ha-la-le blătc nănh năngx yămz tuz pêtz pez stâyx săpc nyăngv. nănh yâuc năngx stengb tuz toonz sab taih pâu. ¹⁴ Cê-nan yămz tuz zu pez cloon săpc nyăngv songđ quaix stâyv. ¹⁵ Ma-ha-la-le, yămz tuz guc săpc ngâuf nyăngv, nănh nzăngđ stengb tuz Giê-rêtc. ¹⁶ stengb Giê-rêtc blătc Ma-ha-la-le yămz tuz pêtz pez stamx săpc nyăngv. nănh năngx naih stengb tuz toonz sab taih pâu. ¹⁷ Ma-ha-la-le, yămz tuz pêtz pez zu săpc ngâuf nyăngv songđ quaix stâyv. ¹⁸ Giê-rêtc yămz tuz ah pez guc săpc nyâyc nyăngv nănh nzăngđ naih Hê-nokv. ¹⁹ stengb tuz Hê-nokv blătc, Giê-rêtc năngx yămz tuz pêtz pez nyăngv. yâuc năngx stengb tuz toonz sab taih pâu. ²⁰ Giê-rêtc yămz tuz zu pez guc săpc nyâyc nyăngv nzof nănh songđ quaix stâyv. ²¹ Hê-nokv yămz tuz guc săpc ngâuf nyăngv, nănh nzăngđ stengb tuz Mê-tu-sê-la. ²² Hê-nokv stengb Mê-tu-sê-la blătc nănh cloon Tênb-Hungh hopđ stymz yămz tuz stamx pez nyăngv, nănh năngx naih yungf tuz toonz sab taih pâu. ²³ Hê-nokv yămz tuz stamx pez guc săpc ngâuf nyăngv. ²⁴ Hê-nokv muif dlih cloon Tênb-Hungh hopđ stynz dlongh âyx, Tênb-Hungh songđ ênz nănh ninyh max phătc nănh nzof. wâyc zuc nănh cloon Tênb-Hungh hopđ nyâuđ. ²⁵ Mê-tu-la-le yămz tuz ah pez pêtz săpc jeetb nyăngv, nănh nzăngđ stengb Lê-mekv. ²⁶ Mê-tu-la-le stengb tuz Lê-mekv blătc nănh năngx yămz tuz jeetb pez pêtz săpc nyâyc nyăngv. nănh năngx naih yungf tuz toonz sab taih pâu. ²⁷ Mê-tu-sê-la yămz tuz zu pez guc săpc zu nyăngv, nzof nănh songđ quaix stâyv. ²⁸ La-mekv yămz tuz ah pez pêtz săpc nyâyc nyăngv, nănh nzăngđ stengb tuz ah lanh toonz taih. ²⁹ Nănh oonz bux phunz nănh nyăngz toonz hipđ ayx Nô-ya, Nănh coong, "wâyc zuc Zâu zaux nib, buz songđ zuc nongc puf ayx cumh pâuz zâuđ, nâyx tauh sây stengb taih songđ hayh stăngc tuz buz ayx cumh pâuz hâyđ. ³⁰ Lê-mekv stengb Nô-ya blătc nănh năngx yămz tuz ngâuf pez zu săpc ngâuf nyăngv, nănh yâuc năngx naih yungf tuz toonz sab taih pâu. ³¹ Lê-mekv yămz tuz jeetx pez jeetx săpc nyăngv, nănh nzăngđ quaix stâyv. ³² Nô-ya yămz tuz ngâuf pez nyăngv, nănh nzăngđ naih pôz lanh toonz, Sêm, ham. cloon Gia-phetv. Nyeenh mănh ayx huđ