¹ Woax dlapc muif dlih naih Munh taih nzac pâu Stâyb-Sây buz đungx staox, naih ah phanx coong Yiu-thai munh nyăngz woac woax đomc munh, coong Hi-lapc woac woax munh Yônx coong Hipc-lu woac woax đomc Munh nzif qua, Muif noib patz nhlinc hopb, Nănh stiz max tuz patz nhlync hopb.” ² Woa săpc nyâyc tauh cumh pâuz Munh êu woax đomc zeen Zâu nyăngz munh tinyh đoih taih nzomf woa Yâuc bux Nănh stiz coong, “Buz quanyf max nzaox Tênb-Hungh nyăngz Gâyf, Bix ninyh cloon munh nzif qua bênc nhlync hopb Six Max hođ yongb.” ³ Yâuf pez pex! Yămz nyâuh lâyc cah njaf, Pănh six zuc sên Nhlic lanh Munh seetb Taih, Naih mạnyh tauh gongx, Naih tongb-Manyh, Naih Singx-lingh pong nyâuđ nyăngz Munh, Pănh six zuc paiđ Nănh stiz bênc nâyx đomc cumh pâuz.” ⁴ Nzof pănh nzăngđ hayh nongc nzuf nyâuđ clo-Zâu, Lănv Tênb-Hungh nyăngz gâyf.” ⁵ Songx Munh numđ nâyx đomc woac nănh stiz songđ songc nyâuđ sên nhlic lanh Munh, Ê-tiên, Six ah tauh naih seenz stymz lub nyăngz Munh, Yâuc naih Singh lingh pong nyâuđ. Phi-lipv cloon Bô-lô-lu, Ni-ca-nô, Ti-môn, Bakc-mê-na, Cloon Ni-cô-la, Quê yămz An-ti-ôtv, Pênx Yiu-tai Munh woax tauh.” ⁶ Nănh Stiz songđ ênz nâyx đomc Munh ninyh, cumh Pâuz Munh woa, Cumh pâuz Munh songđ tăpx puf ănz nănh stiz clo-Zâu.” ⁷ Quaix đangz nzaox Tênb-Hungh nyăngz gâyf woax đomc munh zunx hongđ staox, Munh cun nzac pâu cun ayx cun đungx staox, Lunc pong Yê-lu-sa-lem Stengv, Năngx naih đungx lanh Yiu-tai Munh nyăngz stayb Munh pyây taih zeen Zâu Yê-su.” ⁸ Ê-tiên tuz Zâu nyăngz quyênh pongz nzuf Nănh nyăngz nyâuđ, Nănh songđ yămz songx munh Mungh tongx congv ayx Jix houc, Cloon Jix-caox njingc nyăngz dlayc đungx nzongf.” ⁹ Six naih ah đomc munh taih cloon nănh tinyh nzengz, Taih nzengz Nănh nâyx đomc Munh, Six Săngh hôic-đôngh pungx poib nyăngz Munh, Nâyx đomc Yiu-thai Munh naih Tăng Si-ren, A-likc-sơn, Si-si-li, Cloon Av Zâu Stâyz-Phangz, Nănh stiz hopđ dlongh nzengz cloon Ê-tiên.” ¹⁰ Six Nănh stiz nzengz max hingh. Wâyc zuc singx-lingh phunz Ê-tiên naih Tongb-manyh coong woac. ¹¹ Six naih ah phanx pinyx ayx njih phâyz coong seetb taih, Buz numđ nâyx tauh Munh coong pamf Môn-sê nyăngz gâyf cloon Tênb-Hungh.” ¹² Songx munh cloon ayx lub nyăngz Yiu-thai Munh, Cloon nzaox gâyf Stênx-stengb, Numđ nâyx đomc woac, Nănh stiz seenz numđ nhleenx nzongf. Zoz Ê-tiên nzâyz ninyh woa Yiu-thai Munh nyăngz stămđ stoif tync. ¹³ Nănh stiz Năngx zoz woax đomc ayx za zanyx jênx nyăngz Munh seetb taih nzengz Ê-tiên coong, “Buz njynh leox numđ nâyx Tauh Munh coong pamf đăngb zengh nyăngz tync woax tauh cloon Mô-sê nyăngz gâyf đêv!. ¹⁴ Wâyc zuc buz numđ nâyx tauh Munh coong, “Na-sa-letv Muôngf nyăngz Yê-su oix ayx huđ ănz Nâyx nomz tync. Yâuc oix coi lôx-noib Mô-sê Phunz pănh nâyx đomc Đoouc lic gâyf nex!” ¹⁵ Stâyv woa stămđ stoif tync nyăngz Munh, Tinyh đoih Mangc Ê-tiên mâyc nungx-Nungx, Phătc Nănh nyăngz mynb năngđ stynz Munh nâyx.”