¹ Jođ nyâuh yâuf pez stăngc clo Zâu phunz buz, phunz Zâu nyăngz woac zunx căn, tuz Munh pâuh, năngđ nyâuh yâuf pez pâuh nâyx. ² Jođ Zâu Tênb-Hungh phunz buz gâyh đutb okx njangh ayx huđ nyăngz Munh. wâyc zuc max zâyf muif lanh naih stymz zeen đêh. ³ Zâu six naih stymz stăngc pâu phunz nyâuh yâuf pez naih jab, leđ phunz nyâuh yâuf pez hayh gâyh đutb okx njangh woax đomc Munh. ⁴ Zâu ayx phunz buz hayh pungx stymz hayh zeen tingc, nyâuh yâuf pez ayx âyz buz bux nyâuh toix laiv hungđ. ⁵ Jođ Zâu yeenv phunz nyâuh yâuf pez naih Zâu Tênb-Hungh nyăngz Stăngz, yâuc naih Njâuv Zâu nyăngz noic. ⁶ Songx yâuf pez lex! buz tingz Njâuv Zâu Yê-su nyăngz bux zăpx nyâuh yâuf pez. Laiv lanh yâuf pez lâyc, max oix ayx cumh pâuz, yâuc max ayx âyz buz nzaox nyăngz woac. nyâuh six zuc pyeenv goib woax hungđ Munh. ⁷ Nyâuh yâuf pez cănh pâyz tuz nyâuh oix yămz âyz yaz, yaz cloon nyâuh yâuf pez yămz yaz lauf max lâyc. ⁸ Yaz nhlync laiv lanh nyăngz năngv yaz yâuc clao nyanh songb nzuf, yaz muif noib muif munf ayx cumh pâuz zâuđ, nzof yaz lauf max ayx dlauc wâyb nyâuh laiv lanh yâuf pez. ⁹ Max cun yaz naih gâyf coouv nyâuh yâuf pez stăngc yaz, Six yaz zoz taih nongc ayx caox gao phunz nyâuh yâuf pez hođ. ¹⁰ Buz năngx cloon nyâuh yâuf pez yămz yaz njynh leox bux nyâuh, laiv lanh lâyc max oix ayx cumh pâuz, six max hopđ zuc phunz nănh nhlync. ¹¹ Yaz numđ naih Munh lănv Coong, “yămz nyâuh woa naih ah phanx Munh lâyc max oix ayx lungđ, max zâyf cungb lâyc cungb, njynh năngx zeenv tauv pitc tauh ayx nyăngz dlayc. ¹² Buz tym pănh Njâuv Zâu Yê-su nyăngz bux zăpx nâyx hungđ ya Munh, six zuc vaic ayx congz nongc yungf Mengc. ¹³ Nyâuh yâuf pez max nongc nyâuđ nămx nyâuđ ayx gongx nyăngz dlayc. ¹⁴ Laiv lanh max ayx âyz buz ja nâyx đomc jeenx nyăngz woac, yâuc nongx gâyf cloon nănh tinyh tongb, phunz stiz zuc nyayz. ¹⁵ Six năngx gâyf stunx nănh stiz săngh yônz zaz, songđ zuc quynb nănh stiz năngđ zeen Zâu nyăngz Munh. ¹⁶ Jođ sađ pengh oonz nyăngz Zâu yâuc muif dlih sađ muif hungđ pengh oonz phunz nyâuh yâuf pez ô stayx, Jođ Zâu cloon nyâuh songx Munh yămz. ¹⁷ Yaz Phao-lô cănh nzauf pătx ja nâyx đomc woac, Yaz ja muif zây jeenx naih lănv tauv nâyx đomc woac. Yaz nyăngz puf ja nâyx đomc đăngc nongc ayx jix houđ. ¹⁸ Jođ pănh nyăngz Njâuv Zâu Yê-su sađ Pôz sađ pengh oonz Phunz cloon nyâuh yâuf pez ô stayx yămz.