¹ Ipaulu keleki Itimothy, eshala Ikristi Ijesu, achi ubẹ unọ na ibo Oyiokhose ezhakpa na fuemah zhọ egua Ikristi Ijesu, nizhi eyhala Iphilippi, ewhi eriyho krlrki egazhe zho egua Ishoshi. ² Oyiokhose Iyhama ene Oyhanee Ijesu Ikristi ọlẹ nawha azhofe kelekuvia. ³ Eshekeshe mhe ke zanawha, mhe zhabo no Oyiokhose nawha, ⁴ Eshekeshe mhe ke dilo Oyiokhose, whawha ezhakpa mhe zhana cha etenah mhe guameh ⁵ Okpele whe gbe kwuegbe bahemu ri ogun zho agbazhe uyhomuniyhemi owhu Oyiokose ghianana. ⁶ Eholemu, Oyiokhose no hawha ezhina zho ogunuyhemi, orue achayhani ayharulezho khaboda ni Ikristi Ijesu olikhemiazhi. ⁷ Ubohuneo, iyhemi khumi rinn yhanewha zho egua nyin mhe zhilada zho. Okpele whegbe kwuegbe bahemu chae azhofe zho egua egha mhe she, kelekiyin mhele jozhale keleki nyin egue Oyiokhose elairia. ⁸ Oyiokhose ko ozhale omhe, nyin uguwha ulamahimu cha okonodo uwhi Ijesu Ikristi. ⁹ Eno ku vhinai mhe: kike ugun damu wha uhiri ogun lezho keleki anezhe ke ugunhole uzhakpa ¹⁰ Mhe dakugu nu ri ogbegbe uhole wha, ubo ku whe hi heni ubgo nufun kele kugbo nukuyhani ivho khabada ni Ikristi okieniazhi, ¹¹ Rue ito ufuema nigbe egua Ijesu Ikristi nae elagede keleki eshezhe mo Oyiokhose. ¹² Anana mhe daku nezhe, ewheme, keke egue ni riazhono, iria ubhokde akayha uyhomu nuyhemi uyanyan lesoo. ¹³ Kokonyo nozhana, keleki ukheze agbala okpayhe nezhe ki ubohi Ikristi mhihazhi egua egha. ¹⁴ Ubohi kumhi zhiegua egha, ibo nibu ni yheyho eneke jozhali uyhomo Oyiokhose iri kuzua oke sheo. ¹⁵ Atano ki ibojoo ehi ivhinia ene ayhanozha jozali, ama ejoo, ehi egua neyhemi azhakpa jozhali. ¹⁶ Ibo nehi egua yhemi jozhali, eria uboke dugun mhe, uboke nike ajemhu kumi zhizhana vhe oyhomu Oyiokose. ¹⁷ Ibo nike jozhali fun, iria nyin ke elaha ashazho nigha kele whamu lezho. ¹⁸ Ene nakpo? ne efe vha vha, chae ekozhi anabeh no ola ri ane yhani, ogun joo uzhizha, ojozhali Ikristi, eno wu utana mumhe. Iyhono, mhi yhale tanah. ¹⁹ Eholemu, nyin wha kilai vhenahi lenamu, eho Ijesu Ikristi ekpahemubo, eno niarue uyhanazho mu mhe urua. ²⁰ Eyheyho amhe keleki akhahe mamhe, eneki mhe khe habo yhiluka chaokpopo kogun, ama chae ahunyhane, ka anana kele keshekeshe, Ikristi noke gbugbo mhe hegbe lekhazhe, kumhi hena, kolari elegun. ²¹ Akumhi hena, mhi hena ni Ijesu, ama akumhi gua, esoono. ²² Ama akumhi hena, mhi gbakaya nezho ni Ikristi ubohune, mhe nezhe unu yhemi vha. ²³ Mhe rue akhozhi eva yhanunu, ili maimu kumhe dahi Ikristi vhae, khae ni yhemi vha? ²⁴ Agbehe zho afejoo, mhi hena ene ni yhe negbegbe vha, ubohu wha. ²⁵ Nyin ela hole me, keleki nyin mhe la nezhezho, mhi yheli hena, ubo ku mhiki rienazho, akpahewha ubo, wha shehelezho wha yhane ahole aawhe etanah mu fueyha, ²⁶ Ubohuneo, wha heyhane omolomo emia naha wha vena zho egua Ikristi Ijesu, nezhe no ki kiemiazhi. ²⁷ Emia ne ri khama vha, kuwha hegbe zho, nyi uyhomunuyhemi uwi Ijesu uwhe, uboki mhi zhi yha mie wha, mhi hizhigbe, mhili yhohiwha kuwha he ehogun zhizha, eneekhozi agun gbakaya uyheyho awhe uyhomunuyhemi. ²⁸ Whe kika rue egue ibo ne biamawa evhazhe wha uzua, egue niria ehakhazhe ofu ni yheria, ama nu whawha, ifueyha - ama ubo Oyiokhose uno ugbezhi. ²⁹ Enahemino akubo ki Ikristi whe yheyho pa, ama, kele na kuwha runzun ubohoni, ³⁰ nyin mazhi lagbele mie ayan. Wha miehe nyin mila yhane zhi, eholewha kumizhi egua ayan ne jesheno.