¹ Ipaulu, Isilvanus, kẹlẹ ki Ithimothy nai Ishọshi ẹwi Ithessalonia enizi egua Oyhiokose Iyha ẹnẹ ọyhanẹ Ijesu Ikiristi. Azhọfẹ kẹlẹ ku uviah ili jewaọ. ² Ẹshẹ kẹshẹ ma zabhọ no Oyhiokise nawa ẹzakpa nyi mala gue ẹnẹnẹ wa saa zọ iwhinai ẹma. ³ Ma zana arua Oyhiokose Iyha, akaya ufuea, akaya ogunda,kẹlẹ ke ẹzhẹ ẹgbẹ zọ haji ẹwẹ ukẹhẹ mu ono yhanẹ ma Ijesu Ikristi. ⁴ Wawa ọhọzẹ kẹ ẹzha no Oyhikose dagun wa, ma nẹ ko Oyhiokhose ọjẹ wa, ⁵ Ubọki uyho mu neyhemi uma udawazi iki cha akọlẹkpa, ama kẹlẹ cha ẹkpupa, cha egua Ẹhọ nẹfuẹma nọ ha họlẹwa, cha okpokpo ọgun ọnọ, wa kẹ nẹzẹ ibo nyi mekiri chawa, ubọhuwa. ⁶ We ki ri nẹ gbẹ hẹna kẹlẹ kọ Ọyhanẹ hena, ẹshẹ ni wa ha yhe akọlẹ lanẹ cha ayan nẹ ẹtanah egua Ẹhọ nẹ fuẹma. ⁷ Nyi alariọpanọ, we kiri agbẹheri na ibo sapa nizi Imacedonia kẹlẹkẹ Achaia, ni yheyho. ⁸ Cha ubọwa na akọlẹ Oyhanẹ egbe gbaina zọ, aki chai Imacedonia nẹ Achaia pa, ama uyheyho muwa zọ Oyhiokose ọ, ugbaina cha kasha kasha vo. Ubọhunẹ, makẹ yanẹ uguẹ makẹlẹ awẹ zi ikhama ni. ⁹ Ama kẹni gbeja ẹwẹ ugun ma, nyi wala yhema maẹgbẹ, kẹlẹki nyi wala kila kemia gbe ikumu sian daẹ Oyhiokose vhaẹ, wakẹ zhaikhama na Oyhiokose atah no hana, ¹⁰ ẹkẹ wẹ nyi wala kẹhẹ uzimu Omo Oyhiokose nogbe afẹ Oyhiokose zi, onyo no Oyhiokose ọzhahẹ gbe elegun vhahazi-Ijesu, ọnọ yhanama gbe ufaokpene nuzi shee.