¹ Mi fuea ẹgbẹ ? ikọ ogun ibia eyhimai ijesu mi ri ?mhe zhẹ miẹ wesu Oyhane ama gbe ? ike emia akayan mhẹ whe ri zhọ egua ọyhanẹ? ² Iko kiri mi ri evuyho ni ibuka gbẹ mi ri evuyho ma wha. Uboki whawha kemia na mie na miẹ whule hakasẹ kẹ evuyho awọ ọyhanẹ miri. ³ Emia mhẹ ha yhanegbe ubọ ibo nẹ daha heguẹ. ⁴ Mhe ja yhane asha kumẹlẹ rẹ mhalẹ wọn gbẹ ? ⁵ Mha yhanẹ asha kuma zha ozhamene nofue gbẹzẹgbẹ nyi evuyho mẹnẹkpọ irigbẹ kẹlẹ owhẹ onohọnẹzẹ ọwọ Oyhane, kẹlẹ kepha? ⁶ Nakẹ ibarnabas kẹlẹ kumhẹmhẹ kumayhane akayan mahalẹ fozhẹ ẹgbẹmaubọ gbẹ̇? ⁷ Ọkọnọ gun nọalẹ riẹ ẹgbọnusa , ẹyhima akayan? Ọnyọ nọlẹ vuguẹ ẹriki ọarẹ ufọ usha ni ? Nakẹ alẹmiẹ ọsiriẹmi nika wọn amẹh ẹlẹmẹ iriẹmi ọni ? ⁸ Mhẹ whẹ ẹguẹ nọ nyi ẹkọzhi awọgbọ naki nyigun kọ ọgba whẹ ? ⁹ Ọgba imọsẹ ọwhẹ "Onyo kika zu unu Ala nẹgbi izhẹ , "Uguẹ Ala uja ri oyiokhose abe ? ¹⁰ Aku ugun mha oyiokhose owhẹ ? iyhọnọ , achẹ zọ namha , kikẹ onyo nọhẹbẹ kọnyọ , no fiamah eshe zhukoze ehe kemi ukpa jẹ . ¹¹ Ikokiri kuma kọ ọkọzhe Ehọ ẹhan wha, ẹmia ọfẹkọfẹ me yhe kiemia, eli buta ? ¹² Kokiri ki ibuka iriọ gbu ubo wha miẹyẹ , iyhẹmi kuma miẹ yhe veniọ ? Ama mha yhana asha inọ . Eyhanọ, mhe ji kekemi ubo mekika zu uyhomu-nuyhemi uwi ikrisiti . ¹³ Whanẹ ki ibo ni gbakayo ukpo oyiokhose, aja kẹni gbe ria ? Wha nẹki ibọ ni gbaja oriẹ gbakaya aja igbẹ riagbẹ ? ¹⁴ Iyinguẹnẹ nọ , ọyhanẹ owẹ ibo nẹ whẹ Uyhọmunuyẹmi cha , egua ni kẹnẹ igbelẹria . ¹⁵ A nọ mhẹ yhanasha zhọ ugun ẹgbė ẹgua nọ mhakẹ lachẹ ẹgua nọ ubọ ka riẹmi la namu . Mhẹlẹ nẹzẹ gua , vhẹna kumẹ kẹhẹ vhẹna ku uyhọmu nuyhẹmi mhẹ whẹ ja , aki ikia mhẹha kulẹzhẹ . ¹⁶ Mhẹ kẹlẹ whẹ uyhọmunuyhẹmi , mhẹ yhẹnasha uvhẹna gbẹ , akaya nẹ riugbẹgbẹ namu nọ . Ulọọ muhẹ bahẹkẹ akanụmẹ whẹ Uyhomunughemi . ¹⁷ ẹ kẹ hẹgbẹ zhakpa gbakya nọ, ẹsọọ izhiọ namu . Ama ikọri ẹgbẹzakpa gbẹ , Mhẹ zhẹkẹlẹ yhanẹ asha ẹvhuyhọ nọ ọyiọkhọsẹ ọha lẹmubọ . ¹⁸ Ẹnẹ kẹ ẹsọọ mhẹ ? pẹki mhẹ lẹ whẹ uyhọmunuyhẹmi ẹrẹki kumẹ hichi zọ ? kẹlẹ mi kha hasha zo hasha zo nyi ila mahinhẹ zọ uyhọmunuyhẹmi . ¹⁹ Ama mifuẹ kọkọnyọa , miki ri ushala kọkọnyọa , ubọ kumi hishi ibo ni bu . ²⁰ Na ibo ijew . mhẹ hẹgbẹ riọwi ijẹw wa, ubọ kumihi shi ẹwẹ ijẹw . Na ibo nẹ ọgba ọmana, mẹ hẹgbẹ ri onyo nọ ọgba ọmana , ubọ kumi shi ibọ nọ ọgba ọmana ²¹ Ni ibo ni fi ọgba zhi , kumẹmẹ mi ri nyi onyo nọ fi ọgba zhi , ama mi fi ọgba oyiokhose zigbẹ , ama ọgba lkirisiti mẹshẹ . mi rinọkpa , ubọ khumẹ hishi ibo ni fi ọgba zi . ²² Na ibo nẹ lẹgẹlẹa , kumẹmẹ mẹlẹgẹhẹa , ubọ kumẹ hishi ibo nẹ lẹgẹlẹa , ubọhunẹọ , mbẹ hẹgbẹ ri emikemia ubọ ki cha okpopo ko okpopo mhẹ hẹ yhana ibọjọọ . ²³ Mi rikẹmi kėmi ubọ huyhọmunuyhemi , ubọkumi hi gbe iyhemi ọni jukpa. ²⁴ Wha zẹnẹki iyhila mẹne yhila , onyọ gun ozi yhasha kẹlẹ ki iyhemi niziọ ? Ubọhunẹọ, yhila uhi yhin iyhẹmi niziọ . ²⁵ Ibo nyhila ihulẹgbe zọ ikhama kekemi . lriokpa ubọki hiyhe isua niki riofua , ama mama zhila ubọkumẹ hiyhẹ isua miki hi riofua . ²⁶ Ubohunẹọ , iyho mhemhe la zhila , aki nyi onyo nikọ yhanemi nọhulokpẹzẹ , ino la zi ikuku , iki nyionyo ozholaboh zo efelefele ²⁷ Ama , mhẹ payhẹ ẹgbẹ , mhẹ ha riu uyhala a, ubọkẹ ẹshẹ mẹ whẹ uguoyiokhose nugbọ vo , mhẹmhẹ la ri onyo ko jegbẹ