¹ Ewhẹma, mẹda eriki wha miẹ who, lẹkẹ ẹwi iyhama odudu ofgagfaze cha egua ama nagẹdẹ. ² Ẹnẹ zakpa ne tizọ egua amẹh cha ukẹptẹ imose cha egua odudu kẹlẹkẹ egua amẹh magẹdẹ, ³ Ẹnẹzapa nẹrẹ emiara eho. ⁴ Enezoyia nẹwọn amah eho, Egua ẹkpa Eho ni zhozẹja igbewon, ẹgba nẹ ki lkrisiti. ⁵ Ama ọrọgọdọ ẹja ke egua oyiokchose eyhemi zọ eja ọgbẹ, ikuu meja atalazẹ kwua zọ egua ọhẹlẹ. ⁶ Anana; agbeheri ne nonẹzakpa iri nama. mwai ri ibo mi riafia nyi ẹja. ⁷ Whe kika erieziku, nyi ibo eja ẹgbẹ. Eno izizha nyi eri chezọ, " Ibọnọ ẹshushọ ela le ria ẹlẹ wọn ivhalazi ẹla sẹẹfuẹ. ⁸ Wha kẹ ruẹ who yhanẹ ubo ẹẹmna iyheleze, nyi ọrọgọ̇dọ ẹja iri, ọhọnakọ adagun ẹnẹkuma ugbeeyhe - asha oyboloetesa igua ubohu ne. ⁹ Wha kẹ ruẹ mha fẹlẹzẹ Ikrisiti gbẹhẹ, ẹjọhọ ẹja ri iluyhe ehejariofua. ¹⁰ Wha kẹ kẹlẹ huhuna, nyi ibo ejọ ọjọhọ iri, angẹli awe elegu ẹhẹja riofua,. ¹¹ Anana ẹnọniria nẹjọ nyi agbẹheri na mha. Achẹ aha kọzhẹma - numhamha nẹ uvhuleyhi ushehe kpẹzhẹ no. ¹² Ubọhunẹọ aruẹ, onyoyo no kozi kọnọnẹ ozhizha, owhulẹgbẹ, okae ezhe. ¹³ Onyomiẹ evhẹlẹzhẹ ni li jewọ nikizi je onyo kaọ gbẹ. Eyhaọnọ ọwhẹ ọria kooyiọkhozẹ, Ikọ yha ruẹ ẹvhẹlẹ zẹ ni vhẹnẹu izhiwọ. cha ẹvhẹlẹzẹ nẹ, ọkẹlẹ aha okpokpo nu wha cha fuea kazhe, ubọku hanabọ yhe lọzina. ¹⁴ Ubọhunẹọ, whawha nune yhanugundana, we yhila na azhaikhana na iku. ¹⁵ Mhẹ kọla zhọwhaọ nyi ibo nuguhola, wha kẹ habọ jẹ ikatah mhẹ whẹ. ¹⁶ Ogo iyhami nume tunazia, aku mhe gwua jukpa jukpa zọ ẹgbẹ lkristi ? ¹⁷ Amano mhebuehe, akwu emiara agun mhegbelerẹ, ẹnọ nẹha khazhẹ kẹẹbẹ gun mheri. ¹⁸ Wha sikozegua ibo israch. nyi ẹlagbele rẹ emia egua egua utah orie, ẹha khazẹ kiriọgua, gbẹ? ¹⁹ Ene mhẹ whẹ noẹ ? pekẹ iku, emiajọnọ? nakẹ emia ovie iku ẹnẹla ri emiajọ? ²⁰ Ama, mhẹ whẹ ki emiemia ni ibo kẹ nẹzẹ oyiokhoze ẹkẹ ha riuvie, ẹhọbẹ nẹha riurie na, iko oyiokchose. mhẹ lada ku whe zhozi ẹhozi ẹhọbẹ hi ria. ²¹ Uhi gbo ogo oyhahẹ wọn akili gbo ogo ẹhobẹ lẹwọn. uhi gbi ẹta oyhanẹ remi ukuli gbẹ ẹta ẹhọbẹ lẹ rẹemi. ²² Nakẹ mada kuma dahẹ oyhanẹ zọm efimia? mha pakpo joni? ²³ "Kemikemi eyemi urua,"/ ama iki kemi kemi ayhane ẹbọọ, "kekemi neyhemi urua," iki kemikemi ahe, rue onyo riehinazọ. ²⁴ Onyọ kọgun oki kha lẹ dunwọnikpa. ERyhaanọ, onyo suọsuọ ẹlẹda iyhemi owheva ni. ²⁵ Whalẹrẹ emimia negbechi zua, eri kuwha hasha zọ na ekhozi nafualiyho. ²⁶ Ubo, "ẹkẹ ẹwho kọ nẹzẹ kọ ọmọlọmọ ọni." ²⁷ Ika miẹ onyo kọ nẹzẹ oyiokhoze, nọ whu chaezho, ama imaheu kuyho, emiemia nake nau, hare ukika ruẹ ckhozawẹ asualiyho. ²⁸ Ama ika miẹ onyo nọwhẹhẹu "Emia naha riuvie kano." ukẹ rẹ, ubọhọ onyo nọwhẹhẹu kẹlẹ kubohe guawhẹ. ²⁹ Ọhabọ ri ki ikpiki egua whẹ, ama ne egua onyo eva, ene lri ekozhi awongo eli zu emria hiria. ³⁰ Akumẹ habo zhabọ no oyiokchose zọ emia mhẹrẹ enemnu, enehi na whẹ whẹ kumio mi riyhemi gbẹ.: kumẹ re? ³¹ Ubọhunẹọ urẹ naku uwọn, nakẹ uyhanẹ emuia uri, riezhakpa ẹlaẹdẹ no oyiokchose. ³² Uki ri ugunbẹ zọ ọwi jew kẹlẹ ki ibo nikẹ nẹzẹ oyiokhose kẹlẹ ki ishiọshi ẹwho oyiokhose. ³³ Chaokpopo ọguonẹ, mhẹ da kumẹ legua kokonyo linemi zọ ikchama kemi, mhẹ di iyhemi ẹgbẹ mhẹ pa, ama ioyhani ẹwi krkonyo.mi riẹnọ ubọ hufua mhẹ wudbo.