¹ Imi roro osarẹ ka me ke pila ni nu ṣa onunuma ọọrẹ. ² Adaka ẹ fọ onunuma nẹ nọ, ẹra ka fọ mọ ibe rọn ma ẹme fura ka ọnẹ ibe yọ ibe fuwa na? ³ Ẹ wọrẹ akọ ise siye wọrẹ na, ka ọgbọ na ma ṣa i me to nu na ka su ibe obibe to ẹnanẹ abọ wọ ka bẹ fọ mọ ibe rọn na. Isu ẹyẹrayẹn sa to nu fẹnyan ka mọ ẹbẹnbẹn awọ ẹbẹnbẹn nẹnẹ ka anọ fẹnyan su na. ⁴ Ka ẹ wora ẹwọra nẹnẹ fura ọọ́ ẹrọnanyẹn, ọkẹka, bilọọ́ woko obibe aka iwo ọyọyọ. Ime nibka ẹ van nọ onunu ma. Ọnẹbẹ uba, i me ni ka nibdin akọ unini nẹnẹ i su nẹnẹ na siye lon na. ⁵ Ẹsu ẹfẹna ṣe onunuma, eme ṣe, to mu ayarẹ, ama e siyẹ re ka - ama ka a wa ụse nẹnẹ - nẹ anọ fẹnyan. ⁶ Oya ọnẹ ero ọyọyȯ uba nọ oro ọnẹbẹ guwe nẹ ya. ⁷ Akana ọnẹ abọwọ ka a da oya na, ne fọ ẹpan gbun ya. Ni siye ọnẹ ka ibe obibe ọyọyọ e me riya sọ ijeh. ⁸ Akana ẹpẹrẹ nọ nẹ fọ unini yẹn nẹ ya. ⁹ Ẹkẹna wọrẹ ẹwọra emumu i diya ma nọ balẹ bilo-odindin adaka ni su ọtọn mọ ọwọwọ ẹpẹn fẹnyan. ¹⁰ Esu ẹfẹna nẹ fọwọ iluwe gbun na, ka amẹ fọwọ iluwe gbun mọ oro ayẹ. Ẹkẹna ẹ fọ gbun na - adaka ẹ fọ ẹpẹnkẹpẹn gbun - nọ uba aworẹ i ye gbun Ẹkraist iwuru. ¹¹ Ọnẹ wọ ẹgan ka Eṣu ama wọrẹ rọ. Ubaka ti ma wọ ẹnanẹ emedin yọ ọpẹpa na. ¹² Idu jin nọ ọrẹ nẹ mọ ọgbọna ẹ ṣa iken nẹ wọ. Itroas ṣa pọ ẹpẹpan oboro nẹ wọ Ẹkraist ẹka na. ¹³ Ẹfunwẹnfunwẹn ama pan mọ ubaka i ma gba mọ ọda Etatosi ẹfẹnẹbẹ Ọnẹbẹ uba i te yi ba mi yọ Ẹmasidoniya. ¹⁴ Ama ẹgan mọ Osibina ẹba, Ẹkraist nẹ wọrẹ ka ti su afọrẹ na. Itọ uba awọrẹ nẹ arọn mọ oboro iyọ odindin wọọ́ ẹfa fẹnyan. ¹⁵ Tẹ wa nọ Osibina ọrọnrọn oboro Ẹkraist eka, nẹ ka ẹnanẹ ọnafan aka bi lọọ́ ẹnanẹ efo na. ¹⁶ Nọ ẹnanẹ wọ ifufu na, awa ọrọnrọn wọ ufo re ufo. Nẹ ẹnanẹ su ọnafan, awọ ọrọnrọn furọ ẹrọ rẹ ẹrọ. Ẹra wọ ẹfẹna guwe ẹpẹn nẹnanẹ na? ¹⁷ Ati ma wọ ẹnanẹ aàjọ Osibina ẹga nẹ ẹkẹrẹ na. Ọnẹ uba, osisiye wibe, ta ga akọ Ẹkraist, akọ bi siue filetu wọ Osibina, iyọ ayẹn Osibina ẹka na.