¹ Yaminanu im ma kekko miya ti pir dagholo we, me me wee mekan jilimni yambati shime me pingholun kan miya ti yata jilim amila ke ma keren keka sughunti yalta liyan fukum. ² Me saru lum sabir mame yoh kisheye meta numu doh khonee Alimashuhu. ³ Ma memme teko ta saki ti pir yu we wala, a kullim shawa sunu a mani wem yelo ti piri dokko kuni ⁴ ma keh nohn ke penu piri shigho ti pisheye saku ta we ku fuk yu paro a ta owni. ⁵ Lunkhu khonoh ta yuh sharrinih kha khunih. ⁶ Ɗok weh mungheghon shubber tih khu pharou makkhe teuwunin pip weh dok tih khu shubber. ⁷ Makkhe kheren kha bukkhugho. Yamba mu an li doo tih khu weh Miyan tukkhom, pip weh miya penyou shakkhi ta gauwuyuh wini. ⁸ Shakkhi weh penyou shiram ding weh, tipirin ding weh ta par muntirannih. dok weh penyou shiram jillim walla, tipirin jillim ta gauwuh diyii weh ekkhen murom. ⁹ Me we suppikeni ka paro kule sakuta su wesiki we wala saku kan an suppinee keren maka dookemem a yuyi sankam kan yamba bheran doh weke penhyon sakuta barani, ¹⁰ saku an penyani we penyo ti kunni pip keren kokoni dihn ta baru muru, saki we penyoh ti yatta jilim, saku ta baru lottso we ati gbadanim jilim. ¹¹ Keren meka balum meyu foro we wala, paro palangh we meta barun im ma me a balum. ¹² Ma kisheye mame weu palang min you we wala ti memme me yuti me we yele yamina mun kpang me minho baironi suran we ne ballo ti me ka shilano. ¹³ Me we yelo ta yu wee we wala rti sheki sik yelo sukkeme ka kpang paro kalu gbale. ¹⁴ Yeloti yo weyeh, paro keren ma sunu ka kure yonm paro lokan alimashehu ti ku wuru paro sunu miyan kalgbale yelo ¹⁵ ati gbuto khoni yamba yelo minji ma kalu gbaleyon ta keren maka dihya ¹⁶ weh gbudo gbudo kuim shirei ti lokan ni ti ku vuro miyan gburenmu yessu almashehu. ¹⁷ Ti pirin shakih ku phepeh gbuko ti paroni saku ti phepeh kan me we me kalo gbale kan me we a kalum phen a mani wehm kitshe takishirere paro kuiya kan wala. Me weta dihyam ti yatto tewand fuk ma dihyi tomon ke wala wee me dihya kan sunu kan ku sibba Isiraila wehni yamba. ¹⁸ Ti bonje we waru palang ti tom keren ma mani bholemi donn paro nih sanna kam kulli wenni yesuu ti shino. Kughani mungbure yesuu Alamashehu ma dihya kan jilime; yaminano ne mennoh.