¹ Pharo wei khui Tih pirin Almasihu weh pirghon kha munu, meh shelu kpang keren maka penghulu doome ti yahim mehn lee yatta wau wu venem. ² Me Nninhonih Bulush Neh ta temme me weh kallo gbaleme Almacehu ati dihya wen gbang ti pirin mem ti kan pirin we ma ti wawho warinim. ³ Shaki Bullush ta ma me we kallo ghulleyu degero dole ma warun ti bi paro khon parome wuhso biya bini Almasihu me!. ⁴ Ti kokon gbang ta ti pirin jilim ti shekhi wehmun kpang munti denhahni wen wala ti shekhini Almasihu ma kalkeme gbaleme ko a kalme gbalem. ⁵ Enghiye folo kum ti sheki weh foron kpang ⁶ ti pirin foro weh wala ⁷ kan foro weh kokko kui ta ma num pilkon ⁸ ka me tih kokko keu paron kan tew kulleh ke wan kui weh ti piri yuani. ⁹ Yeh a mee ya weh saki yekemem tehye lumbo melboh teye we ta fullu nyayi weeh, ¹⁰ neh kam kan me bume kan duoyiti sheki samuni yamba, tah miya we shokru ka pir shighame saku ta wee sul fok kummu im make nun. ¹¹ Yaminanu ma bunje paroni yamba ti ku kal gballe we neh yuyi ma yoh yakai bam biri meti piri banneno, ¹² bunje teye kokko weh nata dg kolunwe kan paro lokhniti vuro. ¹³ Yaminanu we saku yamba yeneme ti paro wen kui keren maka keu kurne paro man diya we shimem, ti pisheye fok shiri kice ta dikero minan ka sabir, ¹⁴ Me yu foro ti sabir teye paro khon ta lie yattai ten diyam, ke ta menu ka ¹⁵ Miya we nemmi kan keh kihka keh minu kukko ma me ti pir yu diyaka me tin yeddo sabir me tin dheli sabir, me dheya wala keren meka. ¹⁶ Nah mammeh yu mille ti sheki jilim paro me atih yu mille me ti nengho ghalak sik ¹⁷ paroh sik ti pir yu bure kan jilim jilim mati pir yu bure kan sik. Paro sun ti wa yak sabir. ¹⁸ Lunkhu shiram yu ah khomyi kha shabirim, elenkhu yelleh yuh weh yelleh menjim. Makkhe yuyi melleh khan jillim, kha diyii tih khu dangyim. ¹⁹ Ma Jilim nee ta warun ka me dan me Engyeye me ti shekhi yu khonum, bunje foro forome weh ti yah sik yelo tepelou pep. ²⁰ sununee we dakilang weh bano sono. ²¹ I wee dighn, dalagsik, wau kundul babboh,. ²² Yuduyo bure bure, sollu paro, banna, wuyi ya lotso, menu kui, bwadulu kui, bureh, ²³ opohkubeh, pironka pirsikgha, pirunkapirsigha, kan Ilanbureh, nee tekeme kigha pitsi ne tekem me we meta ²⁴ yuduweye me, me ati we piri lee minani yambam. ²⁵ Ti pisheye shibani jilim menam, pheyalotso deya tomon summolotso, ²⁶ we wala, wekullih, milla, gbutu kui wehsik me ma ati wawo yu we menji yunim.